2008年1月25日 星期五

囡囡另一至愛----RE-MENT

囡囡最大既嗜好便是收藏各式各樣的飾品,所以屋企成日都唔夠位俾囡囡攏新買返來既野。除左史迪仔外,囡囡都好鐘意收藏由日本RE-MENT出既食玩。

大家應該對RE-MENT呢間公司唔陌生,因為RE-MENT係日本食玩界既龍頭,最近更擴展到外國市場,成為一間國際公司。咁其實食玩又係0的咩來呢?"食玩"呢個名詞是由日本以來的,最初食玩是指一些食物中所付送的玩具,但一路發展下來,人們重視那些玩具多於食物,故現在的食玩主要以玩具為主,食物反而是其次。

RE-MENT最初都是推出一些以食物為題的食玩為主,但近年開始推出不同形式的食玩,例如百貨公司、衣服、家居擺設等等,真係做到令你擁有一間迷你屋同一條街一樣。

RE-MENT由開業以來已經推出超過100SET食玩,囡囡由FORM 7 開始儲,除左開頭出0個0的無之外,幾乎每SET都有,所以囡囡屋企都有過百SET,真係已經無哂位擺,佢仲要以每個月出2-3SET,囡囡每個月既SALARY除左用來買史迪仔,就係買RE-MENT喇.......

而今次終於俾囡囡等到囡囡最鐘意0個兩間公司CROSSOVER喇,RE-MENT由2008年開始同DISNEY合作,大約每個月推出一款以食物為主題既迪士尼人物食玩,頭炮就係以下這款曲奇鎖匙扣:



有一直都咁健康既史迪仔,佢係度默默地等待著朋友仔哦~~~



仲有史迪仔至愛既公仔小金啊~~



呢SET食玩會係1月28日推出,但其實都幾無奈,因為囡囡買親RE-MENT都會成SET買,所以就算囡囡只鐘意史迪仔同小金,囡囡都會成SET買哂,但今次呢SET有11款,即係話就算成盒買都一定會有一隻無左,無左0個隻仲要分分鐘係史迪仔或者小金,唉............

而RE-MENT下個月則會推出下面既迪士尼人物SPOON匙扣,又係有小金同史迪仔家~





史迪仔既係藍色SPOON,上面有咖哩飯家~



小金既係綠色SPOON,上面有士多啤梨雪糕~~



而家除左食玩,仲要買埋同DISNEY既CROSSOVER,又要洗多左喇..........

2008年1月22日 星期二

Stitch And Angel

          


呢對史迪仔係係高川到新買家,0的毛超柔順,仲要後面有天使翼,好有情人節feel,仲要係bb版,真係好kawaii啊~~~

My Graduation Stitch

          


囡囡近排真係太忙喇,一直都無時間update個blog,今日見空閒少少,就upload下前陣子幫史迪仔影0個0的相啦~~~呢對史迪仔係囡囡最最最鐘意既公仔,因為佢地對囡囡既意義好深,佢地象徵左囡囡捱左3年既大學生涯終於結束(其實根本就係he過),正因為畢業咁重要既日子,囡囡搵左好耐先搵到咁大對既bb版史迪仔,之後仲要幫佢地度身訂造件畢業袍(件袍繡左囡囡個名,校名同畢業年份家),佢地個市值仲好高添,諗起囡囡都覺得貴,好彩有人送0者~~~~但次之望到佢地咁可愛,貴都值得既~~