史迪仔便當

為了慶祝新一輯日本版史迪仔卡通係日本上影，日本既7-11推出了2款史迪仔便當，2款造型都十分可愛，因為係期間限定既，所以只出3日，而囡囡亦約左LEO一齊係東京品嘗(實質係要套便當set至真)~~~~以家先來睇下有邊2sets先啦~~~

第一set最貴，但其實只係俾另外0個set貴左300yen者，但就多好多配件，包括左一個飯盒、一個杯、一枝叉同一個飯盒袋

又有意粉，又有漢堡扒，仲有三文魚添，真係睇到都流哂口水，希望到時好似幅相咁好睇咁好食啦~~~~

第二set只包左一個保暖盒同保暖袋，但囡囡就覺得呢一set反而適合大人用，而且個袋都幾大，可以放到A4 file~~~~

最新史迪仔樹脂黏土文具套裝

Disneystore又有新既樹脂黏土史迪仔出喇，今次出左一套4件既文具套裝，每個造型都好特別，當中包括了筆筒、萬字夾座、膠紙座同memo座，但囡囡覺得個價錢都幾貴，成10,500yen，計落都要成$200一個，啊，佢變成去到日本第一樣要買既野喇，囡囡一定買來放係書枱到用啦，等囡囡可以日望夜望嘛~~~

最新Sony既T700相機~~

估唔到只係訂左4日既相機可以咁快就拎到，但又買相機?夾埋呢部囡囡已經有3部數碼相機同一部即影即有既，咁點解仲要買呢?但無解啦，一見到佢既outlook同顏色，囡囡就已經愛上佢喇，鬼叫佢又薄，隻粉紅色囡囡又超愛咩.............

影出來個效果好似麻麻，可能唔夠光啦，但隻金屬粉真係好shap~~~

個touch screen真係好大，個解象度仲好高，影出來0的相真係好靚孚細緻

最緊要係佢真係超薄，只有1.5cm左右，正!

等身大的結他史迪仔

終於俾囡囡等到你喇，個盒果然好大啊，但唔知點解一0的都唔重既..............

明明星期一已經返左來香港既史迪仔，結果到左星期四先見到佢，好彩佢真係幾靚0者，但佢真係用陶瓷做?囡囡覺得佢係用膠做既似0的~~~

真係幾有台型，而且仲一0的都唔貴~~~

最新HELLOWEEN史迪仔燈

嘩~呢隻真係第一眼就睇中佢，雖然其他都好鐘意意，但囡囡覺得呢個會好快賣哂，所以真係要即刻買佢返來，至於其他呢，就自己慢慢先過去買啦~~~

今次係最快收到既一次，由落ORDER到收到都係5日，而佢，亦都只係出左5日，真係十分感激LEO，但呢個可能係今年最後一個叫你幫囡囡買既史迪仔喇，其他0個0的囡囡會自己去買哂返來家喇~~~

呢個史迪仔造型真係好CUTE，而且仲踩住盞史迪仔南瓜燈，真係好靚靚~~來緊DISNETSTORE都會出HELLOWEEN扭蛋，兩款神秘既特別版都係史迪仔造型家，睇來史迪仔真係愈來愈紅，以後咩節日都會以佢為主喇~~~~

其他空運回港既史迪仔

期待已久的香蕉史迪仔

登登登，多次都係囡囡手中游走既香蕉史迪仔終於到左囡囡屋企喇，原來佢既SIZE一0的都唔小，仲要好靚靚添~~~

但係總覺得如果真係用來放相時，咁樣擺就突顯唔到佢既可愛

同場加影另外一隻香蕉史迪仔，史迪仔坐住香蕉船，好CUTE啊~~

隻蕉係穿埋出來家，仲有條魚係隻蕉上面，好搞野~~~

Stitch is "Out Of This World" ?

呢隻史迪仔已經出左好耐，好難得先俾囡囡搵到佢，但個SIZE真係細得緊要，可惜價錢卻一0的都唔低.............

雖然真係幾貴，但都值得既，因為唔知下次再見到佢係幾時喇，而且佢真係幾CUTE既~~~個姿勢好正啊，好似之前0的體操運動員~~~~