全套7 Mimo便利店齊哂喇~A-K~

今日係環球拎埋最後3盒，full set 7 Mimo終於齊哂喇，11盒放埋一齊，真係幾壯觀，又阻企......>.<大家有無邊set想睇先，囡囡可以貼左0個set先，如果無，就會順序貼落去家喇~~~

7 Mimo 便利店 A 糖果 朱古力架

0的食物貼左成個朝早，上架都整左半晚，從來未試過玩食玩要咁辛苦囉，搞左大半日，結果先砌好一個架，仲有10個，都唔知點算，睇來無返2個星期，大家都係睇唔哂全間7仔家喇

暫時只係完成左A 糖果 朱古力架

7 Mimo 便利店

今日終於出環球拎左返來，仲差最後set C0個3盒，唔知幾時先有，但大家都要等一段時間先可以睇到full set喇，因為每件食物都要自己一手一腳自己貼0的招紙上去，咁多個架，真係唔知要貼幾耐先可以貼完，囡囡會努力盡快整好影相俾大家睇家喇~~~

大細和服ShellieMay

日本既新年，女仔都好興著和服，所以都幫屋企2個小寶貝預備左和服，等佢地過個開心既新年~

佢地係唔係又高貴，又可愛呢~~~

小小ShellieMay件和服用金色鏽花線繡成，好閃下家~

仲著埋對木屐，真係襯到絕啊~~~

大ShellieMay件衫其實已經係好多年前台灣既手信，可惜只係得女裝，如果有埋男裝就好啦，可以同Duffy襯埋一對，而家好似得日本先有咋......>.<

Mimo 孖妹 Soho (part 2)

繼續介紹下Soho既場景先，Soho有4大盒場景家，拎上手都好重下，尤其係間鋪，勁重手

先睇下個帳篷同couter

迪士尼5周年慶典戰利品

上個星期五專登請左半日假入迪迪尼睇5周年既慶典活動，飛天巡遊0的車真係造得好detail，雖然史迪仔0個架既史迪仔只係吹氣版，但見到史迪仔擁有一架自己既巡遊車，0個一刻真係想大叫，係咁講好靚~~~至於奇妙仙子城堡亮燈亦都勁靚，真係做到好似灑緊魔法粉一樣，可惜個dhow短左0的，如果可以再長0的仲好~~

5周年咁難得，點都要買0的野留為紀念既，最後買左以下呢幾樣

原本想買figure家，但有0的貴，而且又無咩用，又無史迪仔，所以最後揀左相架，起碼真係用得到，而且又真係幾靚

有大大個5字係度，實知佢係5周年啦

之後又買左新衫俾Duffy，呢2set都係美國disney出既，之前見到日本炒到3千幾yen一set，好彩香港賣得好平，估計之後都會仲有其他美國出既款式賣

Re-ment Love Love Donut

今次Re-ment出呢set Disney既donut都幾得意，因為個mickey同minnie好可愛下，唔覺唔覺好似已經有好多set Disney既食玩~~~另外今次開盒既時候發現左一件事，今次呢set食玩，每一款都係順序排左係個大盒入面家，唔知係呢盒先係咁定係佢而家開始所有都會順序排落去呢?

呢2個mickey同minnie樣既donut勁搞笑

呢4件英文字母donut好靚~~

呢杯milk shake都唔錯，好鐘意蝴蝶結飲管

個mini版既minnie好cute

勁鐘意個蝴蝶酥，個蘑菇撻都唔錯喎

0的米奇頭donut好可愛，個minnie donut都好特別~~~

個mini版米奇太可愛喇，如果hk disney都出呢個樣既mickey就好喇~

個minnie水壺好pink，大愛，但隻minnie donut杯個樣就好似有0的怪怪地

呢款個電話最搞野，唔知點解會係黃色既，如果係紫色應該會match好多~~

米奇個樣好好笑~~~

係咁睇，真係唔知正方型0個個係咩來

開左先知道原來係個米奇頭既donut機~~~

Re-ment Hello Kitty 雛人形

Hello Kitty呢set雛人形就真係勁吸引，因為佢既特色係做到佢地好似0的糖咁，所以又得意，又似糖，0的配件仲好靚添~~

有個專用Kitty盒裝住成set人形家，個盒好靚下

細細粒，好得意

個盒之後可以用返來做個座台

連盞燈都勁似一粒糖~~

Re-ment 雛人形

3月又係女兒節，緊係又要買返set雛人形擺係屋企啦，今次呢set同上年0個set差唔多size，但只係得兩個公仔，真係有少少單調，但有0的位都做得好仔細既~

0個兩盞燈最得，真係好靚~~