GROOVE AI 球体関節人形 愛 PLUM

新年之前咪曾經講過屋企多左個新成員既，最近先有時間同佢開箱，真係一個好可愛的小朋友啊~今日就介紹下佢先

囡囡以前都有儲開Pullip公仔，屋企都有10隻左右，但儲儲下又無再買喇，可能真係太多野玩，漸漸就唔玩佢地喇，而Pullip間公司亦都改左名做GROOVE，佢地除左Pullip呢條line，一直都仲有一條叫"愛"既球體人形關節公仔，其實好耐之前都想要，但只係一直都唔合眼緣，直到今年1月既Plum一見到已經勁鐘意，無論樣貌同服飾都係囡囡所鐘意既，所以又訂左佢返來喇~~~~

未開已經好興奮~~~

個packing好靚，好似一本童話書~

Plum係絲質既盒入面等囡囡放佢出來呢~

好嬌小玲瓏既公仔，比Lati既yellow line仲細小小

來個close up先，佢係唔係好可愛呢~

佢套衫真係好靚，同佢好襯

~可人兒~

迪士尼戰利品

新年之後都無時間去迪士尼，難得梁生放假，緊係要入迪迪尼走返一轉啦，自然又唔少得shopping一返

買左3樣野返來

呢個史迪仔木盒好正，一見到係木製既，即刻已經覺得好特別

外面仲有手繒版史迪仔同angel

最正佢係有2層既，真係可以話係一個糖盒，出年新年可以同下佢~

當然唔少得Duffy既pin啦，想買好耐家喇~

食玩收納法

囡囡由細到大都好鐘意儲野，有時根本未必鐘意一樣野，但因為見有幾件係度，漸漸就愈儲愈多，儲下儲下又覺得儲左咁耐，而家先唔儲好可惜，正因為咁，儲既野愈來愈多，種類亦都愈來愈雜，以前只係會儲史迪仔，之後又儲埋Re-ment，最近連Duffy都儲埋，真係幾多間房都唔夠囡囡擺，儲儲埋埋咁多野，其實最應該係儲錢，咁先可以買樓，建造自己既玩具王國(好遙遠既夢想)

新年無咩點執過屋，最近見有時間，係度執埋0的食玩，所以順便講下囡囡係點收埋佢地既~~

一set食玩通常有8-10小盒，囡囡又係次次只會買full set既人，如果全部都一box一box咁收埋，真係太浪費地方，所以每次影完相之後，囡囡都會拆箱，咁樣夠慳位嘛，但0的盒其實又印刷精美，丟哂佢地又真係有0的可惜，所以會剪返個面同個底出來，再每一set file好佢，而度就係儲左咁耐既紙箱喇，3個box file都夾唔哂

每一set食玩都有大盒同小盒既圖片家~

咁樣會好清晰搵返每一set既內容，可以儲埋0的盒，但又唔會浪費太多地方

之後就係呢幾個file喇，每一盒食玩都有一張介紹紙，呢張紙緊係唔儲唔得啦，所以囡囡用0的有間格既頁袋裝好哂佢地，又係可以好清楚咁搵返每一款有咩配件~

最後就緊係0的主菜啦，影完相之後，囡囡會有個細既有zip既袋仔裝住佢

之後再用一個大既有zip袋將全set裝起

咁樣就可以減少盒與盒之間既空隙，省返好多位家~

最後會放係呢0的DHL箱入面，唔好睇少佢地，每一箱都有接近50sets食玩，如果連 box 儲，實唔止咁多位，分分鐘連0的史迪仔都無位企，但囡囡間玩具房又接近飽和狀態喇，只淨返而家見到既空位，其他都已經堆到上天花，所以又要再努力執下，睇下仲有無空位淨...........>.<

胡迪look Duffy

之前係美國寄返來既咁多套衫入面，最鐘意就係呢套胡迪衫，雖然一0的都唔平，但真係做得好似，而且質料仲好好添，最近美國迪士尼都出左，雖然平，但質素好明顯無呢套咁好，Toy Story入面，囡囡就最鐘意woody，所以只係買左胡迪，無買巴斯光年

探長Duffy啊~~~好型仔~~~

配件多多，而且全部都好detail家~~

T For Candy 囍宴 (舊相)

之前生日，係facebook砌左囍宴出來當擺大壽，宴請親朋，而家先upload返上blog~

呢set真係好經典，真係百看不厭~

金陵琵琶乳豬

雀巢彩芹桂花蚌

百花炸釀蟹拑

玉環瑤柱甫

紅燒竹笙雞絲翅

鵝掌扣鮮鮑片

清蒸大海鮮斑

鴻運一品燒雞

鴛鴦海鮮飯

上湯水餃生麵

蓮子紅豆沙
雙喜美點

 
 合時甜西橙