史迪仔 電視機型電子相架

最近真係超懶散，明明放假係屋企，無野做都唔update下個blog，可能天氣開始轉凍，連個人都開始唔想做野............加上又無咩食玩好買，搞到連史迪仔都唔係好想影，拖下拖下拖到而家，呢個電子相架上年出既，但一出個價好貴，最近見佢大跌價，所以終於買左佢~

真係超like呢個造型，3年前呢個造型出過部真既lcd電視，可惜個價真係天價，根本唔會捨得買，直至呢部電子相架，起碼比電視真係平好多，而且個look好似~

除左係電子相架，佢仲可以聽收音機同播片家

close up個大頭，真係好搞鬼~

仲有個史迪仔專用既screen saver~可惜囡囡買佢返來都未必會用，拎來擺就差唔多

同場影埋個winnie the pooh出來，幫個friend買既

 

Mimo X Disney

之前Mimo都宣佈過會同Disney出crossover，而今日終於出左實物圖，真係幾正，囡囡應該2SET都買~但唔通mimo來近都會學re-ment一樣俾Disney霸佔埋?希望佢只係出少少，唔會愈出愈多啦

日本7-11限定 史迪仔 Halloween版 Tomy車仔

由兩年前開始，Takara Tomy逢Halloween同Christmas都會出限量版車仔，而呢款限量版只會係日本既7-11先可以買到，而且數量有限，好快賣哂，所以個價格亦被炒高唔少，今年囡囡都係捕唔到7-11出，所以只好係出面bid，慶幸個價仲未炒得太高~

今年crossover左呢部電單車，但其實halloween味未算太重
呢架車仔有出普通版，但反而普通版係hk仲難搵到，希望遲0的會有啦~

Duffy Halloween 南瓜look

之前係迪士尼買左今年0個套南瓜衫俾Duffy，之後配多對南瓜鞋俾佢，實行配成完美既一套~睇下佢個樣幾傻~

Duffy & ShellieMay Halloween 陶瓷擺設

今年Halloween其實都買左唔少野，好似呢個Duffy & ShellieMay既陶瓷擺設，係囡囡第一個既Duffy擺設，因為一直都只係儲開史迪仔既，但見今次呢個幾靚，所以又敗左返屋企~

Duffy同ShellieMay係絨毛面家，所以好特別~

UniBearsity Pudding既新校服

因為Halloween期間去左一個星期福州，所以去之前有好多野仲未update，趁住呢排得閒少少，要逐0的update返，Pudding呢套女裝新校服其實上個月月中已經買左，但到而家先有時間update出來......

超like呢套女裝校服，裇衫係粉紅色既，有紅色絲帶，而且對鞋係皮鞋，比mocha0個對靚好多

兩個小可愛著住呢套校服實在太合適了~襯到絕啊~

 

~今年第一份收到既聖誕禮物~

早兩日收到今年既第一份聖誕禮物，雖然係自己買既，但就梁生俾錢買既，所以即係佢送家啦~lucky~呢3隻史迪仔公仔都係hottoy出既，之前已經出過普通版，今年出左聖誕版，真係0岩哂而家洗，一睇個packing已經feel到好聖誕喇~

呢盒係普通版，只要係hottoy就買到

一套2隻，好可愛~

聖誕老人look史迪仔，i love it so much~

史迪仔禮物look，史迪仔自己幫自己打左隻蝴蝶結，真係一份最好既禮物~手上仲拎住棵聖誕樹~

之後呢盒係特別版，hottoy係無得買家，都唔知點解.....

話就話係特別版，但其實同頭先0個隻好似，只係蝴蝶結變左綠色，聖誕樹變左士的仔

一set3隻放埋一齊又真係好吸引~

孖生史迪仔~

~Toy Story Land最後倒數7日~

香港迪士尼既Toy Story Land仲有一個星期就正式開幕，囡囡屋企既Duffy同ShellieMay都已經急不及待要入去玩，所以一早已經換好哂新衫，等緊去狂歡~胡迪、巴斯光年同翠絲既造型同Toy Story Land襯到絕啦~

胡迪同翠絲都真係好襯，可惜動畫入面佢地唔係一對啦

胡迪look同Duffy係最襯既，超可愛~

翠絲都唔錯，但都係胡迪look最可愛~

最怪係巴斯光年，因為要包住個頭，搞到個頭好細咁.....

 

福州美食之旅

今次既福州之旅，最令人難忘的是福州既美食，皆因囡囡今次食左唔少好野，除左第一餐係飛機上面食既飛機餐，諗起就激氣，因為俾成三千幾蚊機票，結果竟然得個叉燒包，最慘囡囡就係唔食叉燒包既，所以結果咩都無食，落機之後同左深江先生去打邊爐，都唔錯啊~

到左第二晚，松尾先生由日本來左，結果我地又去左打邊爐，今次呢個係胡椒豬肚雞，好似係中國都幾出名，因為有唔少分店，味精都唔錯，食完個人都暖哂，但連續打兩晚邊爐，真係好熱氣.....

仲有個好好味既臘腸飯

第三晚係咁多日入面食得最豪既，呢個係囡囡公司參加0個個展會既開幕聚餐，因為係被邀請既，所以唔洗錢，但一路食一路令囡囡嘩嘩聲，因為呢餐總共有13道菜，好似食緊都食唔完咁，而且全部都係貴野，好彩有去咋~

第一道菜已經係龍蝦沙律，未開始囡囡已經覺得驚訝

白灼蝦，0的蝦好大隻，而且隻前爪特別大隻家

鹵水鵝翼同牛肚，好正~

冰鎮鮑魚同八爪魚，食到呢味囡囡已經覺得自己好幸福

唔知咩野鍋煮魚，真係好似海鮮餐咁!

估唔到會有佛跳牆，而且個面鋪面哂魚翅，兩個日本人都唔知係咩野來，真係唔識食，其中一個仲想將0的翅放哂入囡囡個碗到，好彩即刻stop佢

唔知咩野斑湯，好鮮甜家~

大閘蟹兵團，真係估佢唔到，0岩哂，因為今年仲未食，0的膏超正，好好味~

炒螺片，食到呢味已經見飽，但仲係咁上菜.......

最估唔到係呢味，頭先先食完魚翅佛跳牆，之後竟然仲有魚翅花膠湯

0的翅仲要好粗，真係好耐無食過咁真材實料既翅

雞蛋湯，應該係福州既地道菜，但個湯好好飲家~

蘋果醬小餐包，好好味~

呢味係唔知既野上湯菜，只係知有芋頭

終於上到甜品

小丸子，好軟綿綿~

食完一餐13道菜既晚餐，之後再出去食既野亦一0的都唔差，我地搵到一間食客家菜既鋪頭，0的野食認真一流，所以足足食左兩次，試左以下咁多味餸~
客家蒸豬肉，半肥瘦，連唔多鐘意食豬肉既囡囡都食左唔少

青瓜，囡囡最鐘意食涼拌青瓜家喇，可惜呢碟有0的辣

呢個最特別，係魚既果凍，但到而家，囡囡都唔知係咩野魚，但真係好好食~

炒牛肉，0的牛肉好滑~一0的都唔"鞋"

炒龍鬚菜，都真係第一次食，係唔錯，但感覺好似食緊草

湯粉皮，囡囡至愛，0的粉皮滑0都0都，而且個湯又好飲，認真一流~

唔知咩野魚皮，但有肉既，可惜囡囡一向都對魚麻麻既，所以唔識欣賞

唔知咩野參湯，因為成個星期無湯飲，所以不知不覺飲左好多碗

客家炒米粉，兩位日本人都超like，但囡囡覺得其實都係普通野，未至於真係超好食既地步，結果成碟俾佢地食哂

鍋仔雜菜，唔知點解又係辣既，所以只係食左少少

客家蒸豆腐，都唔錯，但0的豆腐好似豆腐乾咁

松尾先生原本想食北京片皮鴨，但都唔知去邊搵俾佢食，所以結果叫左呢個沙鍋鴨俾佢，隻鴨底有石春，所以隻鴨係由石頭既熱力煮熟既，0的肉好嫩滑~

呢個又係唔知咩野菜，其實同食葉無分別......