今日係我個囡Rainnie既生忌，不知不覺佢已經離開左我一個月喇，我直到而家都仲好掛住佢，我知道呢一世都唔會再有第二隻狗可以取代佢，因為我地係命中注定係埋一齊的。
仲記得係寵物店買佢返來既時候，0個間寵物店到有兩隻北京狗，Rainnie係比較大隻既一隻，並沒有另一隻咁細少可愛，但佢一俾人放落地就好開心咁撲埋我度，痴住我唔放，係0個一刻，緣份將我地連繫係一齊，我地大家認定左大家。
Rainnie由細到大都好乖乖好聽我話，佢永遠只係會痴住我，最重要既係佢一直都好開心同健康咁成長，一直以來都無病過，佢唔需要我既擔心。
我知道Rainnie而家已經去左Lucky Star到，每晚抬頭望上星空，最光0個粒星就係Rainnie，佢會一直守護著我，永遠都係我身邊，所以我都一樣，永遠都咁愛Rainnie，永遠都會掛住佢...........
人始終要走離悲傷，迎接新既生活，正因為咁，今日對我來講係一個特別既日子，一切都應該好似上面首歌咁，從頭開始，所以我個Blog亦今日開始成立，希望大家都------Start Of Something New~~~
