7月14日最新RE-MENTXDISNEY

嘩嘩!!!囡囡終於等到喇，7月RE-MENT同DISNEY既CROSSOVER係史迪仔啊~~

全SET都係史迪仔既造型，雖然好似比米老鼠0個SET較為遜色，但又係RE-MENT

又係史迪仔，囡囡又點會放過~~~

第8款既史迪仔擺脫係可以同其他飾物混合，營造出不同既史迪仔造型啊~

史迪仔限量1000隻BABY-G

囡囡等左好耐喇，就係你喇，好緊張...........

啊，盒中有盒............

燈...燈...史迪仔CROSSOVER BABY-G，全球限量1000隻

俾LEO串錶面隻史迪仔細到睇唔到添............唔係啊，OK啊

錶帶都有史迪仔家

幾靚啊，但白色應該好容易弄髒，死，唔捨得戴

錶背都刻左史迪仔同天使妹家，仲有NO家，囡囡呢隻係787隻，個NO都幾靚啊，其實以BABY-G來計，20,000YEN唔算太貴，LEO話DISNEYSTORE都差唔多賣哂，囡囡都見到隻錶已經炒到40,000YEN喇.......

史迪仔CD機(同埸加影史迪仔流聲機)

嘩!囡囡有無睇錯，出左唔夠一個星期既史迪仔CD機竟然到手
真係估唔到佢原來咁大部，仲以為佢會細少少添，LEO真係麻煩哂~

史迪仔排牙係按鈕，真係幾搞笑，唔知會唔會俾囡囡禁爛佢排牙呢?

咁都未算，原來係要禁史迪仔個鼻來打開家，真係好搞野
尋晚既試機儀式緊係用返史迪仔隻新碟來測試啦，音色還算可以，但真係收到收音機家，但緊記要變壓後才使用啊~~

同場加影史迪仔流聲機，囡囡係無意中係LEO隔離間鋪頭到發現家，價錢仲好平添，多謝哂梁先生慷慨解囊~

係唔係好可愛呢?將史迪仔隻手放係唱片機上，史迪仔就會播歌家喇~

史迪仔郵差和小金郵差大擺設

期待而久的史迪仔同小金郵差大擺設終於等齊喇，比想像中小了一點

但真係好可愛同好靚，可惜暫時都仲未有位放佢地，睇來要清一清0的櫃先喇

真係愈睇愈可愛，明明限量626隻，但點解而家仲有得賣既............

史迪仔最新扭蛋

最近史迪仔出左好多扭蛋，仲要款款都好靚，多就多左0的既，但囡囡都幾鐘意儲扭蛋，因為細細隻，唔洗搵咁多位擺，而且又平，質素都唔差家，所以囡囡有好多，呢SET囡囡都好鐘意，因為係穿禮服的，但講真，史迪仔唔係最靚，反而米奇同米妮0個對就真係好靚，所以囡囡都忍唔到手買哂成SET返屋企~~~

呢SET仲正，同小金一齊既六種造型，款款都咁可愛同靚，之前0個SET都好靚，但呢SET仲靚，快0的搵位SHOW哂出來先