Re-ment 壽司桶

尋日執野既時候俾囡囡無意中咁搵到佢出來，囡囡又將0的野周圍擺，差0的又整唔見佢喇，睇來都係要搵地方收好佢

唔知大家又記唔記得佢呢?

美麗華商場 非凡聖誕夢‧型遊大世界

前0個幾日已經見到美麗華同MindStyle搞function，係正門已經見到隻超巨型既米奇，但原來係最底0個層仲有史迪仔既踪影家~~

好大隻啊~~~同屋企0個隻一樣，但放大左好多倍!!!!

總共有2大隻~~~

仲有妮露扮史迪仔

同埋妮露扮Angel，睇來遲0的應該會有得出~~

Re-ment 鬆弛熊麵包屋

前日終於可以換返錯體0個2隻鬆弛熊，終於都可以開來玩喇，Re-ment都幾好，仲轉登寄多左盒鬆弛熊食玩俾囡囡，可惜囡囡一早已經有成set啦，但呢份心意先最值得表揚下既~~~

全部0的麵包其實真係幾可愛，就算囡囡唔多鐘意鬆弛熊，都覺得佢地勁cute~~~

呢個雞仔包原本入面有朱古力軟心家~~~

史迪仔 爆谷造型扭蛋

史迪仔最近真係沈寂左唔少，連聖誕都無咩野出，今年真係買少左好多野，但算啦，而家0的yen高，買少0的都好既，希望出年會多返0的啦~~~

史迪仔今次又出食物造型扭蛋，今次係爆谷造型，史迪仔依舊咁可愛~~~一set5個造型~~~

美國 WDW Duffy 聖誕樹

相信大家都知道今年Duffy除左出現係香港迪士尼之外，亦都進駐左美國迪士尼，所以今年既佈置，真有Duffy份，佢地用左1200隻Duffy整左呢棵聖誕樹出來，講真，靚唔靚就真係見仁見智，但一入到來見到呢棵聖誕樹，好肯定個個都"嘩"一聲，爭住同佢影相，囡囡都好想去影啊~~~~~

Mimo 孖妹亭 & 孖妹冰室 新貨介紹

今日會有3篇blog更新，一係就無，一來就來3篇~~

先介紹Mimo新食玩，之前都講過會出孖妹亭同孖妹冰室，終於今日有官網圖出喇~~~

孖妹亭之前講過係日本既居酒屋，但因為個場景太窄，感覺太迫，所以暫時唔會考慮，等遲0的買埋其他，最後都會買既，因為可以同和民一齊玩，但真係要遲0的，呢套出左唔夠一個月已經有現貨，而家隨時都可以買到

Duffy & ShellieMay 大家族又來了~~~

經過上一次去左迪士尼之後，Duffy家族既成員又增加左唔少喇~~~由最大去到最細都有，擺到成床都係，就快連訓都無得訓喇.........但每次見到佢地都好開心~~~以前都會買史迪仔公仔，但梁生話左唔俾買之後，已經無買史迪仔公仔好耐，因為史迪仔太多野出，唔可能樣樣都買，再加上史迪仔既公仔屋企都有過百隻，所以先忍手唔再買，但Duffy就唔同，因為佢既product大部分都係毛公仔，唔買都唔得~~~

而家已經有咁多隻喇~~唔知大家有數唔數到呢到有幾多隻呢?

Megahouse Little Cafe

Megahouse呢套Little Cafe出左好耐，亦都係囡囡早期買既食玩之一，當年好似係比佢架電單車所吸引而買既，最近拎返出來，先發現雖然係同一set食玩，但有0的比例好似過大，有0的好似過細，最近見到呢set炒到七百幾，真係好似唔係好值......

迪士尼雪亮聖誕戰利品

雖然囡囡屋企已經有齊哂所有size既Duffy，但難得香港迪士尼出Duffy，點都有幫襯下既，所以又買多左個43cm既毛公仔，掛袋同2套衫~~

用annul pass買野送既米奇頭聖誕掛飾，抽中左紅色同藍色，0岩0岩好係囡囡想要既2隻色，隻綠色睇下下次去買最大size時可唔可以抽中啦~~

雪花都有米奇頭家~~~

另外唔知大家有無留意香港迪士尼今次呢批Duffy係係越南做家，所以同日本既係有唔同家，日本既係係中國做，質素真係高0的，而且個樣都可愛0的，而家呢批Duffy個鼻特別高家，搞到Duffy成隻狐狸咁，囡囡都揀左好耐先揀到隻個鼻無咁高既，但0的衫都係made in china既，因為係日本既packing，只係貼左hk既貼紙