上個星期購入的玩具

上個星期買左既玩具，今日先有時間拎出來玩，希望今晚可以同佢地影哂相啦~

Mimo x Stephy 公仔

呢個星期忙住追0的日劇既大結局，所以好耐都update個blog，又好懶散喇~~~

繼續介紹返之前0的mimo公仔先，今次介紹Mimo x Stephy，囡囡記得呢set好似又係某一屆既動漫展出既，但應該真係出左好耐，因為好似係0岩0岩出mimo公仔時既事，呢個系列一set4個，全部係有Stephy親手設計，以前都想要，但覺得無咩配件，而且亦都唔平，所以一直無買到，今次咁0岩見到有平，所以就買返，希望遲0的可以買埋另外0個兩個啦~~

Mimo 妹記潮洲美食

0岩0岩見到環球出左新野，其實都唔算新，因為同打冷0個套好似一樣，只係0的場景唔同左，實物好似暫時只有荃灣廣場0個個展覽先有得睇，但就咁睇圖，好似無左full set食玩，0的食玩配埋0的景一齊買，好似mimo 7咁，如果以後都係咁出，就一定要full set買先有齊0的食玩........

Mimo@nautical & Mimo@uml

先影左最多人想知道0個2隻mimo公仔先，先講mimo@ nautical呢隻，囡囡記得呢隻好似係某年動漫節出既限定版，當年囡囡都好似有去，但0個陣對0的公仔未有太大興趣，所以無買到，而家真係好少見，而且已經炒到好貴，但好彩今次個賣家平俾囡囡，所以真係抵到爛~~~真係當買0的配件咋，因為其實對個公仔既興趣真係不太大

最近新購入既Mimo 孖妹公仔

環球之前0的mimo減價之後，都無再點買過公仔，訂左Mimo 7 0個2個公仔，但成個幾月都未有貨，前0個排係yahoo見到有0的舊款mimo公仔，一口氣買左6個，亦都唔算貴，因為有0的已經絕版仲炒到好貴，但而家就俾囡囡好平咁買到~

香港凱悅酒店~沙田18中餐廳~

今日終於去左之前少年食神Michael曾經介紹過沙田18食lunch，沙田18係一間位於Hyatt Regency入面既中菜餐廳，18是酒店的門牌號數，亦在風水學和賽馬領域中代表了幸運和吉祥。餐廳設計新顈同時富有中國特式。電視曾經介紹過呢間中菜餐廳最出名既係北京填鴨，因為沙田18的主廚原是北京「長安一號」的大廚，最擅長烤鴨，舉國聞名，想食既人都要預早一日預訂先可以有得食，所以囡囡想食左好耐家喇~~~今次好好彩咁梁生係annual dinner到抽中左北京填鴨半隻+$600現金卷，所以趁佢放假就去左食喇~~~

雖然menu寫左有半隻or一隻叫，但其實點都會上一隻，只係叫半隻既話0個隻鴨會比較細，因為燒親都係一隻，唔會上得半隻咁唔好睇。師傅會係我地面前片0的鴨皮同鴨肉出來，手勢超純熟，好快已經片哂成隻鴨，因為要趁熱食先好食~~~睇下個師傅同個waiter哥哥幾nice~~~個waiter哥哥超好人家，轉頭大家就知道點解>.<

0的鴨片左之後會分3碟上枱，第一碟先是薄薄的一層全皮，單蘸砂糖吃，輕軟香酥，入口即溶，是一流的美食新體驗。但因為係全皮既關係，食左3-4塊已經好膩

第二碟係齌鴨肉，齌食會悶d﹐但係用依個加青瓜夾薄餅食﹐唔太肥膩﹐可以食多幾件。但上呢個已經係一個惡夢既開始，原本呢個會跟2籠各5塊既薄餅，但因為粱生人緣太好既關係，另一個waiter哥哥竟然拎多左2籠俾我地，結果0個2籠都無點過，真係浪費!!!!

至於第三碟就係半皮半肉，呢碟0的肉好嫩滑，就咁食已經好好食~~但其實食左3碟，都只係填鴨一食，我地其實亦都只係得一食，但結果竟然變左三食(咪又係梁生既關係囉).........

呢碟係二食既炒鴨崧(我地無叫過家)

配埋0的生菜食，整生菜包真係一流，0的生菜勁爽口，好食到停唔到~~~

三食係呢個紹菜豆腐鴨骨湯(我地都無叫家)，清清地唔錯，但好似唔夠鴨味

食完鴨之後其實已經飽飽地，雖然仲有$600，但其實只係叫多3個餸，一個甜品已經用哂，但我地得2個人，咩都夠食啦，以下就係我地另外叫既野食，呢個係鄉下仔田魚蝦毛，初頭囡囡一見到都覺得唔係太想食，雖然係好普通既四樣野 --- 花生、蝦乾、魚乾、苟菜，個卻離奇地合拍，呢個好似係東莞菜，囡囡一直都未食過，但daddy同mammy就話好好食，都好值得推介既一個餸

籠仔糯米蒸腩排，用生糯米包住0的生的腩排用文火蒸熟，所以需時較久，糯米一口一啖，啱啱好， 腩排0的油脂已全溶入0的糯米內，糯米軟肉香樣樣齊， 好味呀~

最後一碟係薑蔥鮮竹撈芥菜，呢個好有驚喜，從來都唔知芥菜係咁甜咁爽咁好食家，真係一流，必食之選~~

事實上我地叫既野，除左個甜品，已經全部上哂，但結果，仲有以下既野食.......

呢3個係前菜，有野生木耳拌蜇頭，陳醋雲耳拌烤夫，同埋涼拌虫草花，呢3樣都係得一碗仔，因為係waiter哥哥驚我地太飽，所以每樣俾少少系我地試

北方豬肉餃子，唔錯，幾好食，係得4隻，因為都係試家，我地都食唔哂......

呢個好特別，香脆三鮮鍋貼，有個好脆既網係0的鍋貼上面，從來未試過鍋貼可以咁食，好好味~好特別~~~

最後係手拉牛肉麵，呢度只係半碗，因為都係俾我地試下0者，唔需要咁多，0的牛肉好入味，但0的麵就麻麻，唔係太特別

食左咁耐，囡囡都係最鐘意0的甜品~~~女仔都係鐘意甜品~~~

呢個係呢度獨有既五粮液朱古力雪糕，濃濃既朱古力味同酒味，真係不可不試，但始終有酒係入面，所以囡囡食左兩啖已經無食喇~~~

呢個係茉莉花茶雪糕，好滑，好香茉莉花味，仲要有0的茶味，真係太好食喇，好食到想食多個~~

最後係紅棗軟蛋糕，呢個甜品即叫即做, 要等二十分鐘. 但值得等....蛋糕熱辣辣有淡淡紅棗香，外脆內裏軟綿綿，好像食緊疏乎里咁

囡囡只係得2個人，又點可能食得哂以上既野呢，所以食剩既全部拎返屋企考敬daddy同mammy，多謝哂梁生，今次咩都唔洗俾就可以試哂佢地既招牌菜，真係食得特別開心~~~

Mimo香港美食巡禮

由今個月25號到下個月25號係荃灣廣場會有mimo香港美食巡禮，大家得閒可以去參觀下~~

Re-ment 第八彈 ぷちスーパー

今日介紹既係Re-ment第一set既supermarket~其實都出左唔少supermarket既系列，當中緊係會有0的款會重覆，但自己都好鐘意呢個系列，因為儲多唔同幾set，真係夠哂products砌間supermarket出來~~

呢一set係一套五款的，初頭都覺得少，因為根本唔夠放滿一個雪櫃，但之後就愈出愈多，咩產品都有齊，個雪櫃都豐富哂~~

茶、清潔劑、螢光燈、魚，初頭開左都唔發現螢光燈入面真係有燈管，到後期先知..........但0個pack魚真係勁得，好似~~~

麵包、牛奶、茄汁、火腿、芝士，好鐘意pack麵包，可惜拎唔到出來，支茄汁都好正，因為有packing~~~

咖哩磚、米、薯仔、薄切豬肉、蘋果，0的蔬果仲未做得好好，袋米亦有少少假，但欣賞包豬肉~~~

薄切豬肉、豉油、麵粉、雞蛋、生菜，個生菜好得，盒雞蛋睇落好正，但其實成排痴實左，唔可以逐隻拎出來..............

盒裝紙巾、沙律醬、薯片、杯麵、罐裝咖啡，cup noodle~~~好cute，好想要多幾個啊~~~包薯片真係有野係入面家，正!

Re-ment 第七彈 和食三昧

今次輪到第七彈既和食三昧，由呢set開始，0的比例開始一致，無再大左，可以同其他食玩一齊玩，囡囡本身都好鐘意呢set，因為0的日式料理整得好好，好吸引~

一套十款，款款都好吸引，睇到都好想食~~~

牛肉火鍋，好鐘意個爐同碟牛肉，應該係和牛來掛~~~

雞泡魚刺身，真係透明家，做到好似精盈通透咁~

燒鯛魚同紅豆飯，條魚真係好得，好靚，盒紅豆飯都好少見

天婦羅，個人覺得和食処個天婦羅正0的~

蟹鍋，好正，睇到都想食~

關東煮，應該係最豐富既一款

鮭魚定食，件三文魚扒好正，碗飯都好得

冷麵，有0的普通，但好少見，所以夠哂特別

壽司，麻麻，唔太特出

松茸飯，好好食咁，最鐘意呢個

Re-ment 第六彈 日本縦断 駅弁紀行

最近好懶散，成日都唔想坐係電腦前面update個blog，希望頹廢既心情盡快消散，盡快再投入返0的玩具入面啦................>.<

今日輪到第6彈既車站便當，亦即係日本一0的線路上既出名便當，一套十款，size亦都係偏大左少少，唯一既缺點就係0的野貼實哂，拎唔到出來

北海手綱，只係知0個0的係飛魚子，但其他係咩就真係唔多知喇

かにめし，蟹飯，唔知邊0的係蟹呢，係唔係啡色一條條0個0的?

いかめし，魷魚飯，好特別，真係綏0的飯係條魷魚入面，仲要見到一粒粒添

いちご弁当，いちご應該係士多啤梨，但睇個樣又唔多似，都唔知係咩來...........

牛肉どまんか中，牛肉便當，一睇就知係牛肉，但無咩特別

だるま弁当，達摩便當，其實只係個外型係達摩，但入面係0的咩野來，就真係唔多清楚喇

ひつまぶし，係名古屋既一種用饅魚製既家鄉料理，呢個0的豉油可以拎出來家

ひっばりだこ飯，八爪魚飯，ひっばりだこ亦都有一個意思，即係好多人爭既意思，可能係話呢個飯好食到人人爭住食掛~

栗めし，栗子飯，個盒都係栗子型，好cute，入面除左栗子，亦有好多配料

囡囡呢set少左個，因為又中左特別版，但呢set個特別版唔要都無所謂啦，因為係飯團，無咩特別