Re-ment 第十七彈 夢の!!アメリカンライフ

第17彈係American Life，所以全set都係以美國為題，食物方面會大份左，一套十款，好有特色，亦好豐富

飛機餐，好豐富，0的肉真係好似好好食，仲有個tiramisu，食哂一定超飽

早餐，一睇支牛奶就知呢份早餐唔少野，又栗米片又煎雙蛋，但個煎雙真係好似，好真~

睇戲小食，個爆谷真係太大，枝汽水個size似係1.25L，一個人真係食唔哂

Cafe食物，杯藍莓飲品最正，好有starbucks feel，0的冬甩都好特別，好少見，仲0的刀叉真係木製，平時好難見

Halloween糖果，個南瓜籃真係好正，裡面既朱古力都係逐粒逐粒家，仲有0的珍寶珠都係一支支，而且所有包裝入面真係有料家~

cooking desert，有自己製既muffin同cookies，0的cookies好得，真係同出面買0個0的一樣家

shopping time，去supermarket買外國貨，好多美國牌子既product，支牙膏同牙刷真係可以拎到出來家~

T骨扒，美國既dish真係大碟0的，連塊扒都大過人，最鐘意佢支酒同茄汁，囡囡又諗起澳洲買既綠色茄汁喇~~

Birthday party，唔知點解有壽司食呢，cup cake蛋糕都係第一次見，係下面切一件出來，上面唔會掉落來?

手信，有好迫真係nut啊，真係激似，仲有post card同朱古力，入面真係有料家，勁~

魔法米奇～UniBEARsity～

今個月日本disneystore出左4套新衫俾UniBEARsity既Mocha同Pudding，囡囡當然有忍唔到手買哂返來啦，暫時只係收到魔法米奇衫，另外0個3套要下個星期先收到喇，好期待啊~~~

魔法米奇look既mocha，超可愛啊~~~~

一套衫仔，但個packing超大，好浪費0的位，但2500yen一套，又真係平過Duffy好多

比埋Duffy試下，真係細件好多，但Duffy都算0岩著既~~

連個袋都有Mocha，好可愛，最鐘意佢呢套校服，好0的收到就好喇，可惜校徽扣針一出就賣哂........好可惜啊..............>.<

Liz Lisa + Tralala shopping

不知不覺夏天又來喇，當然要購置過0的新裝啦，之前冬天食多野左，搞到個人肥左，好左最近瘦返幾磅，又fit返哂，可以著靚靚既衫迎接夏天喇~~~所以又大敗左係Liz Lisa同Tralala到喇.......>.<

太花既衫囡囡唔多鐘意，買左3條裙，結果全部都係白色.............

買左Liz Lisa既長裙，好飄逸啊~~~

之後係翼著0個條，個袖好lace，襯背心一流，但真係超短，要打底

Tralala呢條用左好多唔同既布，一眼就已經好鐘意

最後買左Liz Lisa既復古包，粉色既，而且仲係大size，真係好大個下，0岩哂囡囡帶好多野出街啦~~~

Re-ment 第十六彈 和食日和

第16彈既係和食日和，故名思義係介紹日本料理既，一套十款，全部都造得好細緻，賀係非常之吸引~~~

過節料理，係日本傳統正月時食既料理，無所有器皿都帶俾人好新年既感覺~~巧鐘意個櫻花筷子座~~~

手握壽司，全set料理都係用來慶祝女兒節既，所以先會有菱餅，好鐘意0的壽司，而且全set都係以紅同粉為題，真係望到都唔捨得食，好有春天既感覺

刺身船，用船來盛載刺身已經夠特別，仲要有一樽冷酒，而且0的筷子都係透明既，感覺好涼快~~~

牛丼，去日本點可以少得佢，只係一碗已經夠哂飽，沙律+生雞蛋，好想食啊

三文魚子丼，雖然囡囡唔多鐘意，但0的三文魚子真係好新鮮咁，仲要有茶碗蒸，好正~~~

鯛茶泡飯，咁多款入面比較失色，可能0的湯唔應該cup落0的飯度啦

湯豆腐，有埋個爐煮住0的豆腐，好似打緊邊爐咁，冬天已經開始到喇~

鍋煮烏冬，其實只係睇到好多餸，睇唔到有烏冬，但個石鍋好吸引~~

可樂餅定食，囡囡最鐘意食家喇，男爵薯餅仲一流，0的飯入面仲要有青豆，食完一定好飽飽~~~

大阪燒，好鐘意佢0個兩個鏟仔，但要自己整真係有0的困難，杯西柚汁既色都好吸引，最正係有榨汁0個個野

麵包工房 + 史迪仔 扭蛋

前排出左set麵包扭蛋，一set八款，全部都係一0的係hk好common既麵包，雖然大左少少，但造型真係好真，所以忍唔到手又扭左一套返來~~~

腸仔包~~~而家0的腸仔包應該無佢咁脹卜卜

雞尾包一流，勁似

火腿蛋包，0的蛋同火腿差少少

忌廉椰絲包，太似喇，無懈可擊

法國長麵包，都好正，但比例上反而細左少少

牛角包，比較上差左少少

椰絲賓，都唔錯喎

菠蘿油，全set既精粹，真係激似，大愛~~~

仲有史迪仔介指扭蛋，之前好似都出過，但今次大好多，最近都無咩史迪仔出，期待緊下個月出0個set海盜look史迪仔扭蛋~~~

Re-ment 第十五彈 ぷちスーパー２

第15彈係supermarket 2，又係有原色同別色之分，囡囡呢set亦都係原色來家，所以亦係一套五款，所以好少野既感覺

納豆、豆腐、蘿蔔、紫菜

牛肉、蔥、黃牙白、醬油

啤酒、枝豆、秋刀魚、魚生

垃圾膠袋、廁紙、洗潔精、gas

餐包、士多啤梨、牛奶、牛油、果jam

Re-ment 第十四彈 ヨーロッパグルメツアー

第14彈既係Europe Gourmet Tour，亦即係食盡歐洲既美食旅行，故名思義係介紹歐洲各地既食物啦，一套十款，去唔到歐洲旅行，都可以望下0的食物望梅止渴先~

意大利既燒雞，隻雞好似細左少少，但枝香檳勁得~~~

法國既牛扒，但鐘意後面既餐包同甜品多0的

法國既網燒鱸魚，唔講真係唔知原來係碟魚，但朵三文魚花真係好靚

西班牙大鍋飯，全套最鐘意就係呢個飯，0的蛤仲要隻隻企哂係度咁，好靚，0的飲品都好吸引，有檸檬添

瑞士既芝士火鍋，一向都係囡囡既至愛，但0的麵包唔多似

意大利既tiramisu，碟pasta吸引0的~

德國既火腿腸併盤，火腿唔錯，但0的腸就差0的，個杯好有特色

北歐麵包，呢款係全set入面比較少配件既，但0的麵包都唔錯

俄羅斯既磨菇湯，個皮有少少假，但可以除出來，入面就見到有磨菇湯喇~但另外一碟就真係唔知咩來

土耳其既卡博串，即係燒羊肉串，0的都唔0岩囡囡口味，但用把刀插住，幾特別