10月份 Re-ment

今次10月份，re-ment出好多set野，但會唔會買，就真係見仁見智，起碼囡囡一定會買鬆弛熊0個2sets先~~~

鬆弛熊既chocolate cafe~

又係得6款食玩，數量始終好少，但都好吸引，個朱古力蛋糕同麵包多士好吸引啊~

買左咁多set鬆弛熊食玩，終於出cafe枱喇，當然又要買啦，如果唔係點襯埋一齊玩喎

又點可以無左disney既食玩呢?今次出big food mascot，睇圖都應該唔細個，但就幾吸引，鐘意杯野飲同蘋果批，但好似最近出既米奇都好有懷舊感

disney、鬆弛熊，再加埋Hello Kitty，真係好少見一個月內有齊哂佢地出現，呢set Hello Kitty decoration sticker其實都唔錯，可惜囡囡唔鐘意，如果出史迪仔就必買

Hello Kitty Boston Bag，都應該幾大，可以放到digital camera，但囡囡都唔會買

今個月仲要多左set新成員，カピバラさんcafe sweet mascot，初初見到真係覺得好奇怪，因為呢隻野其實唔係好紅........capybara，即係水豚，水豚(南美無尾大水鼠)係南美既無尾大水鼠，呢隻野係日本都有返一段歷史，但re-ment真係唔驚無人買呢，囡囡就驚佢開左呢set，遲0的會design埋set cafe俾佢............>.<

史迪仔月餅

今年一樣收到梁生既史迪仔月餅~~仲要個packing好cute家~~~

但兩隻耳仔好易整爛，見到有好多都斷左隻耳仔......

其實係一個圓球體鐵盒，正面係咁既

個底都有好多史迪仔~~~

入面緊係有個月餅仔啦，好似係白蓮蓉月餅，通常囡囡都唔會食，因為只係鐘意個月餅罐~~~

Mimo 意大利 Gelato 雪糕屋

0岩0岩見到Mimo又有新野出，今次出意大利Gelato雪糕屋，感覺上比之前0個間差0的，因為間鋪唔多掂，自己都可以搭一間差唔多家啦，但0的雪糕都唔錯，應該唔會太貴

利佳 廣東料理 橫浜中華街 蒸飯 扭蛋

終於見到呢set扭蛋有平，當然二話不說買左佢啦，真係又平又迫真，只係size大左少少......
一套八款，真係好有中國特色~

臘味飯，0的臘肉真係勁似，可惜條臘腸無相影得咁靚咁真

榨菜肉片飯，0的危差少少，有0的難分邊0的係榨菜，邊0的係肉片

北菇雞飯，正，0的雞都似，尤其係隻雞翼尖，粒冬菇簡直係精髓所在~

咸蛋肉餅飯，0的肉餅差0的

窩蛋牛肉飯，隻蛋睇落好新鮮，好似真係0岩0岩打落去咁

咸魚肉餅飯，塊咸魚好似細左少少，條菜係唔錯，但應該好少加菜落蒸飯掛

梅菜肉餅飯，0的梅菜係點落去既，好似有0的求其

鳳爪掛骨飯，全set至愛，因為真係激似，比蓮香樓好太多

利佳 台式 珍珠奶茶 扭蛋

呢set扭蛋之前買左好耐，但一直都無時間post，呢set其實都幾得，只可惜大左少少，如果細返0的，就perfect喇~~~但呢個size同蒸飯好似差唔多，蒸飯仲未見有平full set買，唯有再等等，反正最近都要溫書，無時間出去行街.........>.<

一套8款

個底真係料到家

粒粒芒果西米，有0的透明粒粒家

香芋珍珠，好明顯見到0的珍珠，仲有0的芋頭粒家

紅豆涼粉爽，有紅豆粒同涼粉~~~

荔枝薄荷冰茶，呢款反而唔覺得入面有荔枝

芒果蘆薈爽，有0的芒果碎同綠色一條條既野

朱古力碎咖啡，真係有好多朱古力碎係入面~~~

奶抺點子，有0的綠色既物體，但真係唔知係咩

珍珠奶茶，勁真勁似~~~好多珍珠~~~

利佳 8月份 新扭蛋

而家利佳出既扭蛋真係愈來愈0岩我地既口味，每個月keep住有一set食物扭蛋，而且質素都唔差，真係又有一條line俾我地買

今個月會出蒸飯啊，真係0岩哂，唔知可唔可以同埋蓮香樓一齊玩呢~~~但感覺都係大少少，可能可以同t for candy一齊玩既~~~

之後繼續出月餅，同上年有少少唔同

Re-ment Hello Kitty 和菓子

最近雖然好忙，但新玩具始終都要買既~~今日買左Hello Kitty最新既和菓子食玩~~

個box好pink，見到好開心~~~

雖然係有8款，但其實只有4款，另外4款係色違版，但同上次0的壽司一樣，size係偏大左少少既

個Hello Kitty公仔好似怪怪的，但個草莓大福同櫻餅真係唔錯~~~

抺茶人形燒、Hello Kitty大福、蝴蝶結水菓子同蘋果和菓子，個盒好靚啊~~~

Hello Kitty大福都唔似既，好似糖多0的

個Hello Kitty籃好可愛~~~

三色小丸子、Kitty形蛋糕

呢盒蛋糕真係好靚，個盒仲正

抺茶隻杯同碟都係Hello Kitty家~~~0的和菓子都好靚~~~~

之後既都係色違版，除左顏色唔同，只有少少係唔同既

櫻餅變左柏餅

蛋糕變左Kitty饅頭，好cute啊~~~~

Mimo 荷香樓 part 2

個friend定左下個月結婚，囡囡要做伴娘，而且下個月囡囡都要去上海出trip，所以來近都好忙，可能唔會再咁密update個blog，但一有時間都會抽出來update下，到時可能又無時間買新玩具.............好多野煩...............>.<

尋晚要砌成個場景都好麻煩，因為轉左個景係膠整既，所以牆紙0個0的要自己落手落腳去貼，因為太浪費時間，所以尋晚囡囡都係用bluetack貼住先

先睇下吉鋪，用左膠，真係穩陣左，但要貼貼紙，煩左