利佳 廣東麵 扭蛋

呢期利佳既扭蛋真係愈來愈有水準，好似專為我地而設咁~今次呢set廣東麵既水準keep住咁高，認真唔錯

牛腩牛肚麵，好似下，但個湯應該深色返少少會仲似，因為有腩汁家嘛~

豬肝撈麵，0的豬肝真係幾似，但好似大塊左少少

炸醬撈麵，點解囡囡會覺得似0的肉條既，咩唔係應該好似肉醬咁既咩?

雲吞麵，都ok，但如果0的湯多返少少會仲好~~

魚旦粉，全套入面最正最似既，0的魚片激似~~~

豬手麵，0的豬手都好似，但0的麵好似少左0的

Mimo 麵家 (UPATED)

今日收到環球通知，話又出左新既麵家，今次有成個鋪位家，但未有時間出去睇，因為聽日係個friend既大日子，囡囡要忙住跟出跟入同做伴娘，過多幾日先去過~~

睇落其實同之前既食玩無分別，D個檔位睇落都唔錯，其他真係要研究下0的食玩係唔係有唔同

New Brand~Jude Etta~Liz Lisa既新line~

今次有新brand要介紹，今次要介紹既係~Jude Etta~一條以French Lady為題既概念店，囡囡之所以會留意到，係因為呢個新品牌係囡囡至愛既Liz Lisa既新line，又即係佢既姊妹店，以呢條line就係指由Liz Lisa蛻變出來，由kwaii既girl蛻變成lady，0岩哂一眾鐘意Liz Lisa風既朋友，就算年紀大左，仍然可以keep住大人可以擁有既可愛，以前成日諗過左三十如果仲著Liz Lisa好似好怪，而家呢條新line就0岩哂啦，真係長著長有~~~

Juge Ette會係聽日開幕，暫時全日本只有一間店，就係開係原暫竹下通0個間Liz Lisa既樓上，亦即係意味左2樓既Tralala執左喇.........design一樣好宮廷feel~

0的袋一樣好kwaii，不失Liz Lisa既味道~

Jude Etta會以粉色係為主，大家可以留意一下聽日宮網會有衫update，真係要密切關注下~~~

http://jugeetta.com/

十月份利佳扭蛋

最近利佳出既扭蛋真係愈來愈吸引，起碼而家每個月都會有一套值得去買先啦，10月都一樣有囡囡想買既壽司手卷，但估計都會幾大下，希望到時會細返0的啦~

另一set係designer chair，始終係扭蛋，應該同日本出0個0的無得比，但勝在夠平，都係$5抽一張，抵玩啦~

囡囡特製東海堂芒果流心慕士蛋糕~~~

最近新整既芒果流心慕士蛋糕，半球型既外表真係好吸引，同東海堂既流心芒果蛋糕有得揮，係唔係呃得下人呢?

一切開，入面既芒果汁就好似岩漿咁流哂出來，正~~~

優先試玩「頭」入「迪士尼黑色世界」

0岩0岩過左既星期五，去左迪迪尼試玩今年既Halloween，今年迪迪尼用左headless houseman做主題，串聯左成個故事，氣氛都唔錯，但鬼屋始終唔好期待太大，雖然多左個全新既黑色馬戲班...........

其實今年既佈置好得，但因為唔記得左拎閃光燈，好多detail位都影唔到，下次再去補返

星夢城堡始終係最靚~~~

headless houseman係有出現，但隻馬俾人拉住出來，震撼不大.....而且隻馬一路行一路痾，要專人跟住係後面幫佢清查............

今年新鬼屋，黑色馬戲班，入面幾光猛下，都真係唔係太驚

夜光巡遊同之前一樣，無變過，無特別

今次既戰利品~~~

今年張card做得好正~~~

之前提早續證送既5週年pin

一set4個，可惜無史迪仔，囡囡都係比較鐘意上年0個set~

史迪仔同angel既水晶球，今次呢款算做得唔錯~

史迪仔燭台，史迪仔同小金就跌落去咁，好可愛~~~

Duffy紀念幣，上次壞機，今次終於整到喇~~~

Duffy相簿

入面又係有duffy家，可愛~~~

最後係今次halloween出既南瓜裝，當然唔少得啦~

雖然勁抄上年TDL0個套

BANDAI x 出前一丁扭蛋《第二彈》

多謝blog友Kelly大小姐報料，先去留意下ok有無得扭，但都真係幾難搵，因為唔係好多間ok有得扭，囡囡都係係大圍一間ok扭齊一套，當然要多謝梁生出錢扭俾囡囡啦~~~

黑蒜油豬骨湯味，最近既最新款，但囡囡唔覺得太好食

咖哩味

雞蓉味

香辣海鮮麵

東京紫菜醬油風味

今次呢set最特別既一款，5包裝麻油味出前一丁

有5包，同真既好似，可惜入面唔係真係麵餅

其他同之前一樣，都係有齊哂麵餅同調味料