史迪仔10週年第一彈~UniBearsity~Blue~Berry~Pie~

就快6月，好快就到史迪仔10歲生日，佢既10歲生日緊係唔可以錯過~呢set Unibearsity就係佢既第一彈product，每款只係限時5000個，原本以為實賣唔哂，結果竟然小金最快賣哂，成個東京都無哂，最後好彩係skytree仲有，如果唔係就少左佢喇.......

史迪仔整既係blue，angel整既係berry，而佢地亦都幫小金整左隻pie~

阿blue同史迪仔一樣，對耳係崩左個角既，而且條tie有佢個背面既印記

berry隻粉紅色係baby pink，好soft~仲有隻大蝴蝶結~

pie其實基本上同金仔一樣，只係多左對耳仔

重兀

Disney 110th 非賣品 pin

見尋介紹左disney 110週年扭蛋，今日繼續disney 110th既產品，今次呢個徽章係非賣品，要disneystore member先可以換到，麻煩Leo今次幫囡囡換返來~個pin用好靚既紙盒包好，一睇就覺得好珍貴~

個pin雖然係唔洗錢換既，但一樣非常精緻，個packing真係抵讚，而且個size都幾大個，心型既design都特別過圓形

鐘意呢個pin既另一個原因，當然係上面俊史迪仔啦，disney咁多個卡通人物，史迪仔係俾挑選出來既其中一個，而且size都唔細，證明佢有返咁上下地位~

Takara Tomy Disney 110th 史迪仔 扭蛋

呢set扭蛋出左都有一後時間，囡囡只係想要史迪仔，當然唔會走去扭，買一隻返來就算，今年係disney既110週年，亦都係史迪仔10週年，真係好有紀念價值~而且呢個造型太cute喇~

道地 磁石

今日經過7仔想買野飲時見到道地做緊promote，買一支茶+$4.9(好似係，唔記得exactly係4個幾)就可以換講一個磁石，其實囡囡一向都唔買道地既product，因為唔鐘意劉德華，但都買左支來試，原來支十八茶既味名玄米茶好似，所以都ok
以下就係加錢換既磁石，全套總共有7款，一見到個packing，已經覺得唔錯~


入面個磁石係同用blister裝住，個packing咁正，個cost都唔少啦，難怪唔可以跟支茶送，要加錢換啦

支茶係唔錯既，可惜大左少少

而且因為係磁石既關係，只係得半支家.............其實如果佢做返細少少，唔做磁石做電話繩，有一支個樣，應該好快可以換斷市，而家買一個玩下都ok既

Mimo X Toy Story

之前一早聽阿kent講來緊會出Toy Story，而家終於有相睇喇~原來總共出4款，打頭陣既會係Sheriff Woody同Pizza Planet，好鐘意胡迪0個set，另外三眼仔都唔錯，唔知會唔會個夾公仔機識郁呢?anyway，4 sets都會儲齊~

7月份 Re-ment (update)

7月份既Re-ment出哂喇，除左輕音少女0個set匙扣外，仲有2set
sanrio終於唔係只出Hello Kitty，今次輪到My Melody喇，今次好多款都好吸引，必買~

另外又係動物，但今次係海入面既動物，仲要係水族館最高人氣既，隻企鵝超可愛~

Takara Tomy Disney Egg Pack Mascot 扭蛋

呢set扭蛋等左囡囡好耐，因為應該係4月出既，但直到5月中先有full set買，其實原本只係想要史迪仔既，但睇落又ok，結果都係等full set，每個卡通人物都有一盒蛋，每盒有6隻，其中4隻係有圖案既~

左起係米奇，米妮同winnie the pooh

左起係唐宅鴨，妙妙貓同史迪仔~

其實0的蛋既大細幾適合同re-ment一齊玩，但個盒係開唔到既，囡囡仲研究緊睇下可唔可以開左個盒拎0的蛋出來

Re-ment 鬆弛熊 mart

今個月set鬆弛熊入手喇，明明0的yen比上年跌左，但唔知點解今年開始Re-ment個價好似不斷升緊既，呢set雖然有8款，但真係比上年8款0個0的個價貴左0的.......

因為有8款，所以全set都算多配件家喇~

好好味既仙貝，今次呢set有好多透明膠袋仔，0的仙貝係熊仔頭型家~罐茶都唔錯~

早餐係豬仔包，今次0的盒全部要自己摺家，print得好靚靚~豬仔包上面印左鬆弛熊個樣，好可愛~而大家都鐘意既牛油盒係開唔到既........

一齊整hotcake~原本盒入面有包hotcake粉，相無影出來，支jam都幾正~

日用品，好鐘意個雞仔樽，包廁紙都唔錯~

炸薯仔餅，個薯仔餅好似炸過頭，仲以為係漢堡扒添，但0的洋蔥圈都係熊型家~

3點下午茶，大家鐘意既希甸反而唔係咁高質素，實物唔吸引

pot pie~有齊哂材料，可以自己整，但點解無肉既，囡囡想食肉批多0的~

今日買到既野，其實杯麵應該可以整得更好......有0的失望........

Jim Shore~Ohana Means Family~史迪仔擺設

上次入迪迪尼，俾囡囡發現左呢隻Jim Shore既史迪仔擺設，上年出既時候已經好想要，今次見到，而且有9折，所以又諗都唔諗又買左~


史迪仔彈結他，妮露跳土風舞既造型~

講真今次呢隻史迪仔整得好麻麻

但妮露個樣簡直可以俾滿分，有9成9似，而且造型生動

迪迪尼既史迪仔戰利品

前0個排知道迪迪尼出左批新既史迪仔，結果又專登走左轉迪迪尼，只為買下面堆野~

今次入去既目標係下面呢2個擺設，但質素真係唔多得，同mimo比，呢4個囡囡自己qc左好耐先揀到落手.....

史迪仔搖頭擺設同水晶球

呢個水晶球都真係幾可愛，史迪仔既起跑姿勢，真係幾少見呢個造型

呢個中間0個隻史迪仔個頭入面係有彈簧既，但講真個樣真係差0的