又一史迪仔陶瓷擺脫.........

Disneystore又出招喇，點解唔早0的呢，係人地返左來先出

好彩呢隻唔係大，只係3.1kg，17x25x16.5，14,490円《税抜13,800円》

返到hk都係$1500，仲可以afford到既~~~

所以已經訂左，月頭會收到喇~~~

東京4日3夜瘋狂購物之旅(part 2)

呢個係第二場show，係donald同高飛家，佢拎住0的水喉周圍噴，噴到0的人全身濕

仲要連城堡都會突然之間放水蛋，搞到好似落雨咁，囡囡行過都全身濕哂啊

之後就係大巡遊喇，真係一早就已經有好多人霸哂位，好彩，囡囡都睇到史迪仔，呢架車係新家，就係為了迎接7月25日開既新game家

呢架係東京迪士尼25周年的花車啊~~~

第三及第四天(7/12-13~2008)
只係0個2日都係周圍shopping，行程來來去去都係新宿、池袋、上野0個0的地方，無咩特別，但就真係買左好多野，下面就係囡囡既戰利品喇，囡囡會逐0的post上來家喇~~~

 

東京4日3夜瘋狂購買之旅(part 1)

囡囡今次呢個東京之旅真係決定得幾倉卒，由報名到出發都唔夠2個星期，而且只係得4日，真係無咩地方可以去，但呢個都唔係問題，因為7月係日本既大減價月，所以一早都預左係來買野，而唔係來觀光家啦，如果係來觀光，就唔會揀呢0的旅遊旺季啦，所以今次呢個團既目的只係買大家想買既野，去邊就根本唔重要啦，反正囡囡前年已經去哂成個東京咁濟~~~好喇，係時候介紹下今次既行程喇~

第一天(7/10~2008)
一落機既第一站就係台場，點解係choose台場，因為要去呢度囉

呢座就係Tokyo Big Sight喇，呢座係咩來?佢就等於香港既會展，一切東京大型既展覽會都會係呢度舉行，係唔係好奇怪點解要來呢度呢?因為0岩0岩舉行緊gift show同stationery show，囡囡見反正來開台場，所以咪來埋囉，今次真係大開眼界，真係唔可以唔佩服日本人既設計頭腦，佢地0的design真係好靚，好特別啊~~~

跟住第二站就係Aqua City喇~來得呢度緊係shopping啦，因為有好多鋪頭都有30-50% off~~

呢度係Aqua City對出既海旁，而呢個自由神像就係美國送俾日本既，但真係細得好緊要，下次一於去美國睇0個個先~~~

係佢後面既就係好出名的彩虹橋，但其實無咩特別，之前已經覺得其實同香港既青馬大橋無咩分別，就算係夜晚，都唔覺得有幾靚

第二天(7/11~2008)
跟住第二日去左囡囡至愛既Disneyland

日本人真係好奇怪，唔知點解咁鐘意排隊既，未開門已經有好多人排隊喇...

登登登，呢度就係7月25日開既新game喇，同史迪仔有關家~~~

呢度就係今日既戲肉喇，borineshianterasu restaurant

來呢度既目的係食lunch同睇show家.............

依，呢個背影咁熟口面既

oh，原來係Lilo~~~

你睇，仲有史迪仔添~~~~係唔係好kawaii呢?囡囡仲同史迪仔影左好多相添啊~~~

剛剛撞正summer，所以有好多show睇，但全部都同玩水有關家，呢個就係高飛既，佢揸住架車周圍噴水，同人降溫啊~~

囡囡最愛的人

去左日本返來咁來，真係一直都唔係好開心，明明見到成屋係日本買返來既史迪仔，但始終都係興奮唔來，明明就因為唔開心，所以先去日本玩，諗住玩完會好開心咁返來，但就係落機一刻，心情就好似坐過山車咁，突然跌左落谷底.......

如果問囡囡一生中最重要的人係邊個，囡囡可以話俾你聽唔係daddy同mummy，因為佢地無陪伴囡囡過最重要既時期，囡囡最重要既人係姑婆，雖然佢唔係囡囡既親阿婆，但我地既感情係無人能取代的。

由出世開始，囡囡就係由阿婆一手帶大的，佢日日帶囡囡去飲茶，帶囡囡去公園玩，渡過了一個美好既童年，就算之後無再同婆婆一齊住，只要一有長既假期，囡囡都一定會去佢到住，因為係阿婆到點都開心過係屋企。囡囡一唔開心都會搵婆婆傾訴，因為佢會明白囡囡既感受，佢會識得點樣哄囡囡，所以囡囡一直都好錫婆婆~~~

直到兩年前，婆婆突然貧血入院，囡囡每一日都去醫院探佢，睇住佢一日比一日瘦，真係好唔開心，之後就算出左院，佢都已經唔可以再好似以前咁行上行落，除左係屋到，邊度都唔去得，係呢兩年間，佢成日都要去醫院再輸血，身體一日比一日差，直到半年前，婆婆突然個胃生左個瘤，但因為年紀太大，唔能夠做手術，婆婆亦因為咁，開始唔肯食野，搞到個人愈來愈瘦，去到最後，更加要住醫院。婆婆兩個星期前先由醫院轉左去老人院，囡囡知道佢一直都唔鐘意住老人院，所以去親探佢佢都唔出聲，囡囡見到佢咁都好唔開心............

可惜，估唔到囡囡只係去左日本4日，返到來婆婆已經過左身............>.<囡囡到而家都仲未接受到婆婆唔係度呢個事實，囡囡到而家都仲好掛住婆婆，囡囡知道呢一世都唔會忘記你，呢一世都愛你，你永遠都係囡囡心目中最愛的人..................