F4 JAPAN TOUR 2008

囡囡今日真係超HIGH~~因為今日係F4係東京開演唱會既大日子，囡囡一放學就即刻搭車去日本武道館，日本武道館位於靖國神社既對面，真係好古色古香哦~~

每一次睇F4演唱會都會見到好多唔同國家既人，今次就係會場出面撞到香港人添~~囡囡由F4出道以來就鐘意到而家，計落已經足足8年了，F4可以話係改變囡囡一生既組合，因為囡囡仲記得中五會考時，F4陪伴左囡囡渡過左一個難捱既會考(好像原應該這樣講，因為囡囡臨考會考前0個一個月仲日日煲流星花園煲到零晨4點，睇唔哂根本無心機溫書)，渡過了一段瘋狂追星的日子(囡囡同F4握過手，仲有仔仔同VANNESS既親筆簽名家~)，最重要既係因為F4，囡囡先會咁鐘意史迪仔，因為如果唔係F4唱史迪仔既主題曲，囡囡根本唔會留意到史迪仔，所以囡囡係由史迪仔一出就已經鐘意到而家，最初F4同史迪仔既商品都仲有KEEP係度哦~~~~

今次F4 JAPAN TOUR 2008，囡囡買哂2場係東京開既飛，今日超興奮，因為位置相當唔錯~~~坐第8行啊~~~

囡囡個位係唔係好近個台呢?日本武道館比香港的紅館細，所以囡囡都坐得好前~~~

最重要既係囡囡個位超近仔仔常常站既位置，可以超近距離見到囡囡至愛的仔仔啊~

因為今日係係東京既第一場演唱會，0的野可能唔係好完善，係仔仔唱唱下歌時，個升降台壞左，演唱會要暫時停左，但仔仔再出場時又唱多次原本既歌，所以囡囡覺得賺多左一首仔仔既歌，超開心~~可能因為今次係日本開既關係，佢地4個都有唱日文歌，仔仔唱左2首，原來仔仔0的日文都幾好家~~跟上次演唱會一樣，仔仔唱既歌都加左話劇既元素，囡囡覺得而家仔仔既演技真係愈來愈好，同佢0岩0岩出道時轉變得最多，由以前既怕醜仔繞身一變成而家既大男孩，以前既佢都是靠F3來講野既，而家佢反而係帶起全場氣氛0個個，亦都係最懂得哄FAN既人了~~~仔仔全場都以白馬王子既感覺出現，有國王LOOK，機師LOOK同醫生LOOK，真係型爆啊~~~

不可不提的是今次演唱會是由日本人編排的，所以舞台元素真係正爆，從未看過這樣編排的演唱會家~~~原以為日本人可能唔係太識聽F4既歌，可能會無咩氣氛，點知0的氣氛仲勁過囡囡係HK睇，佢地企足全場，仲要令F4 ENCORE左2次，最感動既係最後唱既流星雨，竟然連日本人都識唱，實在太震撼，F4真係太厲害喇~~

囡囡覺得F4已經可以稱得上世界上數一數二既團體，每一個地方都會有人知道佢地係邊個，佢地做台灣既觀光代言人係實至名歸既，因為佢地已經為台灣既旅遊業賺左好多，來緊既飛輪海跟本比不上F4，仲話想係F4演唱會上來個交接儀式，跟本全心想滔F4既光之嘛，佢地係日本跟本無人識既，囡囡真係超鐘意F4啊~~~0岩0岩睇完呢場演唱會，已經期待緊佢地聽日既表演喇，聽晚又要再HIGH過喇，係呢度，囡囡真係好感謝幫囡囡買到咁好位置飛既LEO同出錢請囡囡睇兩場既梁生啊~~~囡囡覺得咁幸福都係因為你地家咋~~~好愛你地啊~~~