由2002開始鐘意史迪仔到而家，不知不覺儲左好多野，記得當初一出時，得好少地方有史迪仔既product買，仲記得最初只係有bossini同mcdonald有佢既product，囡囡都有係bossini買左件史迪仔tee，0個陣時日本都仲未有史迪仔，但其實0個陣時會買都係因為有F4同史迪仔製作特輯既vcd送，所以0個時開始擁有囡囡呢生入面第一件史迪仔既野，件tee仲keep到而家~~之後mcdonald既開心樂園餐又出左成set史迪仔玩具，搞到0個排日日食m記，先換哂成set，仲砌哂成set係地同隻狗一齊玩....而且仲食到有本史迪仔頭毛毛memo簿，間中拎返出來真係幾回味~~
而扭蛋，已經唔記得幾時開始有史迪仔，但最早應該係史迪仔公仔頭同磁石開始有成set史迪仔蛋，當時真係扭左好耐先有成套...............而且0的蛋已經多到display盒唔夠放，又係時候買0的新盒返來喇~~~
嘩!!!你的扭蛋都幾多!!! 我有好多都無呀!!!>.<
回覆刪除[版主回覆08/06/2009 09:22:00]扭蛋係我儲咁多樣野入面最平既，所以盡量都會儲足既~~~
d盒咁樣放扭蛋好靚呀 ! 係咪係無印度買架!!@@?
回覆刪除[版主回覆06/13/2010 00:30:00]唔係啊，之前係大陸買家，原本係裝首飾既，我打直佢地來放扭蛋，發現又ok喎，所以先咁用，之後想再買返已經無哂喇.............
我岩岩上左淘寶搵過~~會唔會係呢一種到? http://item.taobao.com/item.htm?id=1425666501 同埋你d格係咪好大架@@
回覆刪除[版主回覆06/13/2010 20:57:00]0的格唔係好大家咋，都係放到2-3隻左右，我之前買好似$15左右，你0個隻多左2行，但好似都係貴左少少，我都再搵下，睇下搵唔搵到，如果搵到我覆返你啊~~~
好呀唔該晒你呀 因為我一直都想買呢d..但係無印見到又勁貴.. 接近兩百蚊一個..而家都係買吉之島十蚊店個種4格既頂住先ja~~
回覆刪除hihi~~唔好意思又煩到你了, 我想問你每一格大約係幾cm * cm~~? 因為我找到類似這款的盒想買黎試下~~~唔該晒你^^
回覆刪除[版主回覆01/16/2011 21:27:00]唔洗客氣，6cm x 5cm家 你係邊搵到?我都想買返0的，其他放左係袋入面好耐都無得show出來
唔該晒你呀~~~ 我都係去返之前淘寶個網睇呀 ~~ 問左個SELLER係有蓋的, 有一隻12格~每格係 7*8CM http://item.taobao.com/item.htm?id=1425645135 有隻係5.5*5.8CM ~~有D似你個隻~~24格 http://item.taobao.com/item.htm?id=1425666501 我問左買5個既話,運落黎要$120蚊運費度 (用順豐)~~ 我諗月尾應該會買返幾個~~KAKA~~
回覆刪除[版主回覆01/16/2011 21:54:00]運費$120太貴，上次我都無咁貴運費，唔係好重家咋 0岩0岩再度多一次，我0個個size同中號0個隻一樣，只係我間左15格，佢就得12格
係呀 !!運費唔平..不過HK搵唔到冇解啦~~~ 咁即係12格個隻=你而家呢隻?
回覆刪除[版主回覆01/16/2011 22:01:00]我而家0個0的係15格家，但佢0個3個size都係得12格，之前真係買得好平，所以而家覺得有0的貴，佢pack得太detail，令運費貴左，加上佢係義烏，運費再貴左