7 Mimo 迷你版 (updated)

尋日Kami打來既時候，除左講左有冰室外，仲話7 Mimo出左個細版，所以今日當然去左研究一返~~

今次呢個版真係細狙好多，大細只係同一間室咁上下大，至於價錢，當然平過$6999好多啦，只係$1800就可以買到full set，今次仲影左相俾大家一齊研究下

事實上，$1800full set係包括左3個系列，零食飲品架、凍櫃系列同設備系列工個系列

先介紹一下零食飲品架，零食飲品架有4款，$600可以任揀3件，包括a)糖果朱古力架b)3分鐘食得杯麵架 飲品架 c)餅乾 脆脆薯片架 d)健康藥品 時尚雜誌架，如果散買，就要$248一款，唔好睇佢有兩個，其實每款只有一個，只係影前後俾你睇家咋

凍櫃系列又係4揀3，但就要$700先有3件，包括e)樽裝飲品凍櫃 f)盒裝飲品凍櫃 g)叮叮食品凍櫃 h)滑滑豆品奶品凍櫃，呢個系列散買每款要$288

最後就係設備系統，呢個係$500任揀一款$288設備同$348設備，包括$288既i)生財工具系列 j)微波爐加雪糕櫃 $348既k)思樂冰 汽水 加油站 l)7-Mimo 檔口

反正就係係呢3個系列入面揀款砌出屬於你自己既7-Mimo，囡囡已經研究過呢set組合，發現其實如果choose最後7-Mimo既檔口既話，根本唔會夠位擺哂0的架，所以根本唔洗考慮個檔口，自己整個大既仲好啦，反正都係紙制

另外，如果買左$1800full set，之後再加錢散買剩低0個0的架，計埋個檔，其實擁有哂所以架加設備都只係$3000左右，咁點解一開始要set $6999呢，就算大0個間每款架又2個，都真係貴太多喇，而家咁櫃拆哂買，真係好好多，囡囡已經決定左訂，下次再出旺角時就會訂，希望快0的有現貨啦~~~

今日加埋官方圖俾大家參考下~~~