囡囡由細到大都好鐘意儲野，有時根本未必鐘意一樣野，但因為見有幾件係度，漸漸就愈儲愈多，儲下儲下又覺得儲左咁耐，而家先唔儲好可惜，正因為咁，儲既野愈來愈多，種類亦都愈來愈雜，以前只係會儲史迪仔，之後又儲埋Re-ment，最近連Duffy都儲埋，真係幾多間房都唔夠囡囡擺，儲儲埋埋咁多野，其實最應該係儲錢，咁先可以買樓，建造自己既玩具王國(好遙遠既夢想)
新年無咩點執過屋，最近見有時間，係度執埋0的食玩，所以順便講下囡囡係點收埋佢地既~~
一set食玩通常有8-10小盒，囡囡又係次次只會買full set既人，如果全部都一box一box咁收埋，真係太浪費地方，所以每次影完相之後，囡囡都會拆箱，咁樣夠慳位嘛，但0的盒其實又印刷精美，丟哂佢地又真係有0的可惜，所以會剪返個面同個底出來，再每一set file好佢，而度就係儲左咁耐既紙箱喇，3個box file都夾唔哂
每一set食玩都有大盒同小盒既圖片家~
咁樣會好清晰搵返每一set既內容，可以儲埋0的盒，但又唔會浪費太多地方
之後就係呢幾個file喇，每一盒食玩都有一張介紹紙，呢張紙緊係唔儲唔得啦，所以囡囡用0的有間格既頁袋裝好哂佢地，又係可以好清楚咁搵返每一款有咩配件~
最後就緊係0的主菜啦，影完相之後，囡囡會有個細既有zip既袋仔裝住佢
之後再用一個大既有zip袋將全set裝起
咁樣就可以減少盒與盒之間既空隙，省返好多位家~
最後會放係呢0的DHL箱入面，唔好睇少佢地，每一箱都有接近50sets食玩，如果連 box 儲，實唔止咁多位，分分鐘連0的史迪仔都無位企，但囡囡間玩具房又接近飽和狀態喇，只淨返而家見到既空位，其他都已經堆到上天花，所以又要再努力執下，睇下仲有無空位淨...........>.<
你好有心機呀! 逐樣整入個folder 度, 又整齊又靚喎~得閒拎個folder 出黎睇都開心呀! ...我最近都頭痛緊間房d 大盒細盒點算... 但係我除左re-ment, 仲有好多森林家族, d 盒全部都唔捨得掉... 仲有高達..(好多都未砌...."_").. 救命....
回覆刪除[版主回覆02/24/2011 16:30:00]thanks~得閒拎出來睇真係好開心家，有時見到0的都唔記得自己原來買左~
森林家族真係好難唔要盒，我都係RE-MENT，MEGAHOUSE先可以，MIMO既場景就唔得喇，真係係0的食玩先可以咁樣執法，大大件0個0的野唔可以唔要盒家
你真係整得好整齊~
回覆刪除又可以收到好多set~
very good ar~^^
[版主回覆02/24/2011 16:34:00]多謝你既讚賞，最緊要係真係可以收埋好多set，慳返好多位，我都唔知幾時先可以有我既dream house show哂佢地出來....>.<
真係好organized啊~ 我全部啲食玩嘅大細盒仍然keep住，有啲唔捨得掉因為啲盒都好靚，不過我其實都想好似你咁買啲file/folder番黎整理佢地, 裝啲蛋紙同細盒個面同底，但我仲未有時間整
回覆刪除[版主回覆02/25/2011 11:35:00]無錯，0的盒真係靚，丟哂佢真係好可惜，而家咁樣又可以儲埋，又慳地方，真係幾好，但就真係要有時間先可以咁做囉
嘩！好pro 呀！又整齊方便，一目了然。
回覆刪除[版主回覆02/25/2011 11:47:00]多謝你讚賞，我都係想同大家分享下0的慳位既收納法~~~
Good Idea!! 屋企都有好多盒又唔想dum thanks
回覆刪除[版主回覆02/25/2011 11:48:00]唔洗客氣，如果0的野唔係大件，呢個方法真係可以慳好多位~
真係好整齊呀, 我d蛋紙都係用個膠盒裝住, 你收納方法既idea好好呀, 一目了然, mimo你又點收納呀?
回覆刪除[版主回覆02/28/2011 14:32:00]MIMO既食玩都係用相同既方法來收納，但場景實在太大，所以只可以搵個大BOX一次過收埋佢，亦都無辦法可以盡量減少位置