Mimo 招牌車仔麵

車仔麵檔出左POSTER，仲以為出左添，但好似只係接受預訂，成個睇哂，感覺好似將舊0個0的車仔加長左既......但一碗碗0的配料都幾吸引~

 

Re-ment Hello Kitty 料理時間

前日Re-ment官網出左set新食玩，其實同之前Hello Kitty0個set食玩一樣，只係顏色唔同左，仲多左本receipt，但就要自己親手整

但full set一0的都唔平，要800yen一款，而且好似要係書店先有得買，唔怪得之前一直都唔見0的網站提，所以真係唔知hk既玩具店會唔會返貨，如果唔會，要係日本訂返來真係唔平.....>.<

利佳 新扭蛋 ~ Latte Arts ~

利佳最近好似出少左扭蛋，有時一個月先出一次，有時就成個月都無，今次出呢套latte arts題材唔錯，市場少有，可惜應該幾大個，而且杯碟無得分開，差少少，但只係$5隻，買來玩下都ok~

5月份 Re-ment (update 版)

慶幸Re-ment唔係出哂0的動漫產品，始終每個月留返一set食玩，雖然都係同人crossover，但囡囡接受到，鬆弛熊呢set超級市場商品會買，最鐘意佢0個pack布甸~

返出返草莓妹妹屋企，可惜係紙公仔，如果佢只係景，留返哂0的傢俬位俾我地放返之前0個set0的野來玩，興趣應該會大0的

 

Revoltech 山口式 胡迪 again~

大家都應該記得囡囡之前先買過隻Revoltech既山口式胡迪，上次0個隻胡迪既最大賣點係佢有個惡搞樣，所以俾人係咁影左0的好衰既相，但又出奇地好賣，出左2次都賣斷市，而家仲炒到$5xx隻，真係有市有價，今次出呢隻比上次平同細隻左少少，仲有三眼仔送，其實都唔錯，而且呢隻個比例應該係1:12，同1:12既食玩match到

同三眼仔來個擁抱先~

胡迪全身關節都可以郁，同figma一樣可以擺到好多唔同既pose，來個mj pose先~

今次無左個惡搞樣，但有一個無奈樣，一樣好唔錯~

最近胡迪迷上左玩太鼓

三眼仔都想玩，可惜唔夠高.......>.<

 

白色情人節禮物~Duffy &amp; ShellieMay~

係0岩0岩過左去既3月14日白色情人節，囡囡好到梁生既禮物，記得上年都係收Duffy同ShellieMay既情人節衫家，thanks for my sweet heart~

今年2兩套侍應衫，真係好襯兩個小可愛佢地~

好鐘意ShellieMay今次條裙後面既design~超可愛，囡囡都想要一條~

Duffy都整左件士多啤梨蛋卷俾ShellieMay~

掛袋size既廚師同侍應look都好得~

Duffy都係情人節朱古力大廚來家~

MayMay呢身侍應服都好可愛~

來個情人節全家幅先~

 

囡囡の結婚式~Pre-wedding篇(2)~

基本上去左一次婚紗展，再經過返屋企搜索資料，囡囡已經決定左一定要join自己好鐘意0個間，但梁生又始終唔係咁鐘意，咪唯有再去睇多之展覽，希望再俾佢比較下啦，所以之後又去多左次九龍灣既婚紗展

九龍灣既婚紗展比會展真係細好多，但都ok多野行，我地都係主要睇去輕井澤既為主，睇左2-3間都唔係好滿意，因為價錢大多貴過Picasso Wedding，而且拍攝手法我地兩個都唔鐘意，所以基本上，梁生已經認同左join Picasso Wedding既pre-wedding~~~可惜九龍灣0個次展覽佢地無擺，所以無得即刻join，唯有等下次啦。我地既然已經去左，所以順路又睇下其他pre-wedding~囡囡其實除左想去日本影之外，仲想去台灣影多一輯，但就無同梁生傾過，因為知佢實唔俾家喇，但見有時間，所以又順便睇下台灣0的package會係咩價錢

行行下囡囡睇中左其中一個攤位係台灣影既櫻花，台灣同日本既櫻花唔同，係比較深色，所以襯婚紗出來0個效果相當唔錯，睇左佢0的sample，覺得台灣影婚紗相真係幾靚，有好多景都好唔錯，最重要係囡囡真係有0的心動想影埋櫻花，而且睇呢間0的sample途中發現左本水晶相簿，又係好吸引(囡囡真係好易比0的可愛同閃既野所吸引到)，所以都有0的心動，聽完仍介紹完之後，聽埋個價，其實唔算貴，但因為從來無同梁生一齊考慮過去台灣影，所以當然唔會話join，結果個sales又係咁free我地好多野，又加衫，搞到我地都唔好意思走，而且囡囡又覺得佢地真係影得好靚，所以開始同梁生傾下影多一輯既可能性，梁生又好就囡囡，話影多輯都ok，因為佢都覺得影得幾靚，但因為佢知囡囡實唔會放棄輕井澤，所以budget最好唔太over，囡囡都覺得影2輯，自然唔想over太多budget，兩個人都好有共識地如果個價可以再減到去我地心目中既價位就join，如果唔得就走，個sale又好似知道我地既顧慮，又再減左個價去到我地心目中既價，所以我地就即刻join左去台灣影多輯pre-wedding，真係有0的預料之外，因為囡囡一心想join日本，結果而家反而join左台灣先~

之後亦都新年前去左Picasso Wedding join左輕井澤既pre-wedding~所以囡囡會影2次pre-wedding，會10月去輕井澤，之後註完冊會去台灣影櫻花~~~另外其實囡囡都密謀緊第3次pre-wedding，但仲係游說緊梁生既階段，成事會同大家匯報~

順便介紹下呢2個pre-wedding既package~

1) Picasso Wedding : 輕井澤全程一整天拍攝，包2套婚紗禮服，全日化妝造型，唔記得35定40張相既相簿同油畫一幅，所有相底全數可以取回

2) 法國巴黎 : 台灣全程一整天拍攝，包6套婚紗禮服，包夜景拍攝，全程化妝師，指定攝影稍，50張相既水間相簿，油畫，手掌型相簿，簽名布

5、6月Re-ment

當囡囡睇到來緊會出既5月同6月既Re-ment時，囡囡呆左數秒，因為囡囡覺得Re-ment出disney又好，sanrio又好，鬆弛熊亦好，囡囡都接受到，因為起碼都仲係迷你食玩，但囡囡真係接受唔到佢愈出愈雜，而家連動漫產品都出埋，囡囡唔係宅男，所以真係唔識欣賞，但只係覺得Re-ment好似去左秋葉原咁............今次出0個套動漫係輕音少女，囡囡其實無睇過，但知有呢套野既存在，所以如果來近會出返set樂器組合，反而有得考慮

anyway，囡囡都唔識點介紹喇，大家自己睇啦，究竟Re-ment出呢0的crossover係唔係真係好賺得?定係呢0的crossover一直都唔賣得，所以要不斷出唔同既crossover，睇下邊隻最好賣?

Pullip Dal Rot Chan

上次見姜斯拉post佢個mini rot chan，囡囡就醒起屋企0個個大rot chan，rot chan係囡囡第一個dal，當年就係睇中佢0都嘴個樣超可愛所以先買佢返來，當年都幾沉迷，所以都買左唔少pullip同dal，可惜好耐無玩，難得今日可以重見天日~


小紅帽，真係好cute~

頂紅帽0的毛好舒服

真係好鐘意佢把茶金色頭髮

囡囡の結婚式~Pre-wedding篇(1)~

因為已經決定左出年結婚，所以基本上要開始行婚紗展，其實由上年直至而家已經行左3次，大部份都已經決定左~希望係個blog到記返低搞婚禮既點滴~

囡囡第一樣要決定既就係影pre-wedding，基本上梁生係無所謂既，只要囡囡鐘意就ok，咁囡囡最鐘意就係日本，所以即刻已經決定左一定要去日本影，而囡囡亦都好鐘意輕井澤，所以未行展會之前，已經決定左一定要去輕井澤影pre-wedding~但就仲諗緊影櫻花定紅葉好，囡囡2樣都親身見過，比較鐘意櫻花，亦都睇中左其中一間攝影公司既攝影手法，所以上年12月去左第一次婚紗展，諗住行下睇下有咩公司有做日本輕井澤既package~

入到展會，睇左唔少有日本package既公司，但始終鐘意睇中0個間既攝影手法，囡囡睇中0個間公司係Picasso Wedding，一開始睇中佢既攝影手法，亦都上網search過，都有唔少好評，對佢印象好好，所以當然去佢個booth到睇下啦，原來影櫻花一定要4月去，而紅葉就10-11月去，4月囡囡要出trip，未必得，而且睇完0的sample之後，覺得紅葉影出來sharp好多，所以睇完都覺得10月影紅葉好似好0的，但同梁生商量過之後，都覺得行一次就決定有0的倉卒，加上梁生又唔係太鐘意Picasso Wedding既攝影手法，所以都係行下拎0的資料返去再研究下~

好忙的2月

今年既2月真係特別忙，以前2月通常係新年，少好多野做，今年新年遍遍係1月過，結果一係有好多個月都無假期，一係0的假迫係一個月，好唔balance.......而家又要準備開會喇.....>.<