Re-ment 幸福的食譜 第二回

終於有新update喇，今次出左8款食玩既圖，但因為仲係創作階段，所以全部打左格仔，只係有少少紅字，0的紅字係因為仲未決定到應該點好，所以來近真係出時，會同呢幅圖或者有0的出入，雖然0的圖打左格仔，但囡囡睇完已經覺得好興奮，因此內容真係幾吸引，真係想快0的有得買，當然，囡囡都唔知其實下面既野exactly係咩，但睇埋0的字，大約可以知道係咩，所以當然要分享俾大家啦

今次呢個主題係想表現幸福夫婦既餐桌，呢對夫婦應該係住係二子玉川，係30-40歲既新婚夫婦，而今次既靈感應該係源自以下呢兩個啤酒廣告

好喇，係時候去戲肉，其實就咁睇真係覺得0的配件有0的少，而且又係得8款，但內容卻有驚喜，at least入面有一款係非買不可先~~~都係逐個介紹先~

1. 製作時間短既蒸煮料理，呢個真係睇哂0的字都唔知係咩，但估計綠色0個盆野同廣告入面既料理應該一樣
2. 幸福的均衡便當，一睇就知係水壺同愛妻便當，預計個便當會幾可愛
3. 燒雞，個煲一開始design係黑色，但而家改左橙色喇~
4. tajine燉白肉魚，tajine係摩洛哥既一雒煲，同幅圖一樣，個蓋係尖頂既，另外亦都有rosemary同鍋墊
5. 重點~簡單的焗麵包，所以大家睇到既唔係飯煲，而係麵包機，真係唔買唔得，但仲未決定到係提子包，乳酪包定係cream cheese
6. kitchen garden既沙律，用後園種出來既菜整沙律，沙律盆仲design緊，好似想用素麵盆既感覺
7. 休息日整既自家製tiramisu，或者今次既tiramisu會同之前唔同，真係令人期待
8. 飯後既咖啡時間，架咖啡機會係可以放到2隻杯0個隻，因為夫婦當然要用一pair杯啦~~~

唔知大家又係唔係最鐘意部麵包機呢?