日本11月1日一出即賣哂既NDSi

囡囡４年前一出ＮＤＳＬ，就係係日本即刻買到，又係唔洗排隊同人爭，４年後既今日，囡囡又再一次係日本買到新出既ＮＤＳｉ，一樣又係唔洗排隊，囡囡同ｎｄｓ真係好有緣，每次都只係行過，完全係無心專登去買既～～～囡囡尋日係街已經見到好多人一早排哂隊，所以都知道買唔到家喇，結果今日行北千住既0101時，原本諗住入間shop睇史迪仔，點知就俾囡囡見到竟然仲有白色既漏網之魚，緊係即刻就買埋啦，又唔洗同人爭，真係一0的都唔辛苦，囡囡同nds真係好有緣，2次都係無意之中買到家~~~~

新既ＮＤＳｉ比舊既薄左少少，輕左少少，唔再係容易花既令面，屏幕更大，０的顏色更ｓｈａｒｐ，初頭覺得多左２個鏡頭無咩用，但原來質素好高，影出來０的相都好正，唯一美中不足既係用唔到Ｒ４，睇來要等ＨＫ出左先會有得ＤＯＷＮＬＯＡＤＧＡＭＥ來玩，咁囡囡唯有用來做住字典先啦，But I Like It Very Much～～～