pizza既放題

囡囡今日約左Leo去左池袋食pizza放題，日本人好鐘意食放題，放題係hk即係自助餐既意思，但係台灣，就"吃到飽"，唔同地方真係有唔同既文化啊，日本既放題有好多，有和牛啦，有燒肉啦，有甜品，而囡囡今次就係食pizza放題，呢種放題就係池袋同原宿最多，因為囡囡要去買史迪仔，所以緊係choose左去池袋食，每位只係1180yen，但就已經飽死，因為囡囡好鐘意食pizza，所以不知不覺食左好多.........

先睇下頭盆，囡囡choose左個薯蓉同乳酪來食，個薯蓉真係無得頂，但個乳酪就........囡囡原以為係沙律，食落先知係乳酪，囡囡唔鐘意食乳酪家.............

之後緊係食囡囡至愛既pizza啦~~第一round先來4件，右手面2件都係咸既，而左手面0個2件就係甜既，最加手面既辣肉腸pizza，有好多芝士，囡囡至愛~~隔離係薯仔pizza都唔差，之後係香蕉pizza，怪怪咁，囡囡唔多鐘意，最後係蘋果pizza，好似食蘋果批咁，好好味~~~仲有個炸薯仔都好好味家~~~~

第二round主攻意粉~~意粉得4隻味，所以好快就食哂，囡囡覺得肉醬意粉就麻麻，但其他都好好味，特別係明太子同菇菇意粉，真係超好食，呢一round既pizza又同第一round唔同，有粟米芝士，火腿芝士同不知名既白汁pizza(俾0的意粉遮住左)，但好似第一round既最正...........

Leo食到第二round已經停左手，但囡囡就食第三round，其實已經見飽，但又想試多0的味，所以繼續努力，今有另外一款薯仔pizza、至尊、魷魚同木魚pizza，木魚0個個好似食緊八爪魚丸咁，其他0個0的唔知係唔係已經太飽既關係，無哂感覺........

最後仲要來多round，食呢個棉花糖pizza，黃色0個0的係奶黃，所以好甜，但都幾match，食度呢度只可以用辛苦來形容...........

呢度仲有咖哩飯食，好好味，所以又不知不覺食左大半碗，總括而言，全部都好好味，囡囡結果食左4round，仲要加多碗咖哩飯，飽到夜晚0個餐都食唔落，計下計下食左12款pizza，足足大半個大批...........而家見到pizza都有0的怕怕............