7月份 Re-ment

好耐無見，終於去完旅行返來喇，0的相仲未整理好，所以update下0的簡單0的既野先，就介紹下7月份會出既Re-ment~~~~但大家都應該可能要繼續失望，可以留返0的錢買mimo，因為7月份繼續係同卡通人物crossover既世界

第一套係Hello Kitty雪糕筆，出完迪士尼，就到Sanrio，下次應該係鬆弛熊.......都ok可愛既，而且只係3款，可以考慮下

第二set既又係Hello Kitty，今次出埋鐵盒添，呢個真係完全無興趣

第三set係toy story既sweets pen，又係筆，有0的悶，但唔係雪糕筆已經算有0的新意，又威化餅又朱古力，睇落都算ok既

最後一set又係鬆弛熊，但已經係最想要0個set，因為之前0個幾set都有買，所以呢set都唔例外，但真係愈出愈少，而家得返6盒，但價錢又唔見平左.......

Re-ment 第二十五彈 和＊SWEETS

今個星期最後一篇update，因為囡囡要準備出發去旅行，要等下個星期返來先繼續update喇~~~0岩0岩好，今次係第25彈既和＊SWEETS，終於講左25套喇，係一個好開始，和＊SWEETS係一套十款既和菓子，和菓子一向個樣都好靚，但又唔係全部都好好食，呢一套一樣，0的和菓子超靚~~~

茶會既和菓子，係季節性既和菓子，好鐘意櫻花0個個啊，其他都好靚，連隻杯都襯返哂~

賞櫻既和菓子，有大福，當然唔少得三色小丸子，低個籃似有中國特色多0的

千歲糖，日本一向都有三五七同成人禮，寓意0的小朋友又健健康康咁成長，所以呢0的糖就唔少得，一到呢0的時節，就會見到好多小朋友拎住家喇

羊羹，呢堆和菓子係凍食既，所以有0的都係精凝通透，可以睇到入面既野，有個入面有條金魚添~~

葛粉，好透明，一定滑0都0都，0的竹都好得，仲要真係搵竹葉包住，好搞野

栗子和菓子，秋天賞紅葉時最0岩，但比其他有0的遜色

女兒節既和菓子，有白兔仔饅頭，仲有好多糖，全部都係散開一粒粒既~~~

藝術和菓子，做出來係俾人鑑賞多過重於食既，0的花型和菓子真係整得好靚，隻鶴同白兔糖都整得好似

燒和菓子，呢堆和菓子都係要燒過先整到既，最鐘意緊係豆沙餅啦，好有叮噹feel

有餡既和菓子，有囡囡鐘意既人形燒，細細粒，真係好可愛~~~但真係唔捨得剪開佢囉.......

Sogo Thankful Week 大出血

上個星期五Sogo開始左半年一次既大減價，囡囡一放工就去左尖沙咀shopping，足足行左2個幾鐘先走，買左收下2樣野

其實一開始係睇中Agnes B家，可惜梁生死都話唔靚，又話好易整污衊，所以最後反而買左patrick cox，但拎個超抵，半價咋，所以可以粗用~~~

之後係Liz Lisa買左藤籃巴黎set，呢set上年出既時候已經好想買，可惜覺得有0的貴，所以最後無買到，今次接近減左一半，所以最後都買左

有一個藤籃、長裙、蕾絲背心同頸鍊，其實真係好抵~~~

Re-ment 第二十四彈 郷土めぐり

第24彈既鄉土巡迴料理係囡囡至愛之一，佢係由北海道至沖繩入面十個地方既出名美食組合而成，一套十款，又大大盒，而且配件又多，又迫真，真係特別正~~~

北海道既Atka mackerel魚定食，條魚真係煎得好正，仲要有埋蜜瓜，真係睇到已經好想食~~~

北海道既成吉思汗鍋，其實係羊肉鐵板燒既一種，囡囡就覺得0的生羊肉似0的，熟0個0的變左一堆野

秋田既米卷鍋，個鍋就真過0的米卷喇，0的米卷個樣有少少怪

盛岡既椀子蕎麥麵，無咩特別，但0的碗仔似碟多0的~~~

東京既文字燒，個燒爐好得，仲有0的道具都好正~~~

名古屋既飯團，係一種包左隻炸蝦天婦羅既飯團，個樣有少少怪，但個手信好似吸引0的~~

北陸既會席料理，感覺好似清水既湯底，而且好似盆雜菜吸引0的

大阪既炸串，以豬扒為主，隔雜蔬菜，好鐘意把遮仔同碟生菜啊~~~

高知既鹽燒鮎魚，每條都可以拎出來，可以多元化咁玩，碟燒魚都好得啊~~~

沖繩既沖繩料理，咁緊係炒苦瓜啦，但個芒果都好吸引~~~

Re-ment 第二十三彈 うまいもん市場

停左好耐無講Re-ment，又係時候講返喇，今次輪到第23彈，產地直送便part 3，亦都係目前為止最後一套產地直送便，一套十款，盒盒都份量十足，囡囡記得呢set當年出時，唔洗$100已經可以買到full set，唔知點解一出就跌價得咁厲害，但而已經唔得喇........

北海道既海之幸三昧，包括毛蟹、蟹子同三文魚子，0的蟹子整得好似，但始終鐘意0的毛蟹，肥0都0都咁好可愛~

兵庫縣既八爪魚，碟八爪魚刺身好得，真係有少少精盈通透，而曬乾左既八爪魚都好唔錯

靜岡既曬物，即係曬乾左既海鮮，感覺好似咸魚，麻麻地鐘意

高知既雞蛋，一箱有3排，勁多，可惜唔可以逐隻拎出來，得旁邊0個盒先可以，盒雞蛋布甸又好似發左霉咁......

千葉既花生，有好多包花用，又有花生油同花生醬，都好豐富下~

New Zealand既奇異果，有係有毛毛面家，夠哂迫真，如果有埋黃色心0個隻仲正~

長崎既枇杷果，0個2盒0者哩真係有果肉係入面家，只係唔知點解會有一枝樹幹

山型既啤梨同車厘子，0的車厘子麻麻，但buy佢0的啤梨，勁似~

長野既磨菇，有咁多種菌，會唔會有0的係唔食得家，但盒冬菇認真麻麻

荷蘭既三色椒，一盒已經有好多隻，而家仲要有3盒，呢款真係超抵!

 

Star's Taste Cookies

前0個排先發現公司附近原來有間好出名既餅店，個大廚係好多間酒店做過，好似半島同君悅咁呢0的大酒店，所以0的cookies真係唔錯，又鬆化，感覺亦唔會太肥，真係值得推介

個紙袋同0的packing都好grand，好似好貴咁，但囡囡覺得價錢算適中，唔算太貴

買左2盒返來試，一盒係最出名既蝴蝶酥，另一個係開心果曲奇

蝴蝶酥好鬆化，又唔太甜，正!開心果曲奇都好正，鬆化程度達到入口即溶既效果，最重要係用料十足，每塊都真係見到有好多開心果而且勁有開心果味，真係好好食~

OLYMPUS 珍藏版 MINI PEN kit set

多得blog友果子報料，先知今期東touch送OLYMPUS 珍藏版 MINI PEN kit set，即告叫左梁生去入手，$15一本仲要有呢部相機仔送，真係幾抵，同抽隻扭蛋無咩分別~

有白色同黑色兩隻顏色

每款都跟2支鏡頭，認真細心

大細同個$5銀差唔多

0的鏡頭俾你自己組嵌

配備長鏡頭時

配備短鏡頭既佢

前面好過後面好多