Mimo 荷香樓

今日學完整馬卡龍之後，已經急不及待拎左返屋企，個sales話由今set開始0的場景轉左做膠整既，所以可能因為咁，少左支橫樑，而家裝唔到把風扇，佢話要問左上面先知點解決，而家唯有等下先玩啦......

Mimo 茶樓點心車 (update)

讓大家久等喇，之前諗住今朝可以一早upload0的相上blog，忘記左今日係呢個月最後返工日，所以要埋數，忙左成個朝早，而家趁食飯時間先有時間update下個blog~~~

大家期待以久既茶樓點心車

Mimo 茶樓點心車

搶先動漫節買到Mimo茶樓點心車，真係意想不到今次一出poster即有得賣，今年可以唔洗再入去喇~~~聽朝訓醒先update實物照~~~

Mimo 動漫節 新出產品

正當囡囡猶豫緊今年去唔去動漫節時，就收到環球今年會係動漫節推出既product，雖然囡囡知道實唔會有現貨賣住，但睇完真係好有沖動入去睇下實物先~~~

9月份 Re-ment

前0個幾日都見到blog友kit kat post左9月份既新出Re-ment，睇完真係無咩興趣，今日見到有大verison，睇完唔知又會唔會改觀呢?

Mickey Mouse既Retro Kitchen，盒又係可以摺成個廚房，囡囡唔多鐘意呢隻classic米奇，但都應該會買呢set，而家每個月點都會買一set既

動物圖鑑之休閒的牧場生活，而家好似每個月都出一set同動物有關既食玩，但呢款同之前0個0的好似，如果佢第日跌價，都可以考慮下買既

Minnie Mouse既Jewel Sweets Charm，知道日本最近呢0的甜品keycharm好hit，但無史迪仔既野，囡囡唔感興趣囉

Hello Kitty既Jewel Mascot，好大粒Hello Kitty頭既寶石，但囡囡只對咁大隻既蝴蝶結有興趣，唔知可唔可以拆出來呢?

Pullip Paja 恐龍囡

大家有無發現囡囡個blog入面有一個類別係叫Pullip既呢?但囡囡一直都好少update，事關囡囡已經好耐無玩，所以都無咩點同佢地影過相.....
Pullip是由日本JUN Planning 公司出品的大頭娃娃，自2003年7月誕生，公司每月推出一個新款。她眼睛由腦後的按扭控制，可以向左向右 ,也可以睜開或閉上。她的身上有多達20多個關節，可以按照您的意願擺出各種造型，所以深受玩家的喜愛。囡囡一直都覺得其實Pullip同b囡好相似，但Pullip個樣似返0的人樣，而且可愛0的~~~

囡囡既第一個Pullip係恐龍囡Paja，當初係俾佢頭長髮，同埋好summer feel既妝所吸引，另外佢訓左0個樣都好可愛~~~

佢套衫真係好恐龍~~~

佢把長長既秀髮真係好吸引囡囡，長到落地家~~~

佢個妝係唔係好有summer feel呢，又黃又綠又橙~~~

因為佢身上有好多關節，所以可以擺好多唔同既pose~~

呢個size既公仔，都有好多人用re-ment同佢一齊襯來玩

UniBearsity掛袋

0岩0岩星期六，日本disneystore又出左mocha同pudding既新product，今次出左同duffy一樣既掛包，好可愛~~~即刻要get到手~~~
兩個小朋友超可愛~~~

mocha仔

pudding囡

佢地2個對手都有磁石，可以拖手仔~

好明顯duffy細過佢地兩個

duffy同shelliemay0的衫仔，mocha同pudding都0岩著

佢地兩個真係好cute~~掛係袋到一定cute爆~~~

Ｒｅ－ｍｅｎｔ 第三十六彈 お気に入りの文房具

又好耐無ｕｐｄａｔｅ過呢度喇，今次輪到第３６彈既文具套裝，呢ｓｅｔ相信都係大家既至愛，因為襯埋書枱一齊玩，真係一絕～～～呢ｓｅｔ一套八款，另外仲有２款色違版，做工真係十分細緻～

第一日返學既新文具，最鐘意個筆刨，簡直同真既一樣，個筆盒都唔錯，因為真係２面都開得，同細個用既一模一樣～～～

開心快樂既課堂，今日係出外寫生既日子，水彩當然唔少得，仲要一支支可以拎出來，最正仲有支白色顏料，比其他大支家，真係同真既一樣

道具箱入面，有好多平時返學會用到既工具，呢款都算咁多款入面比較少配件既一款

聽日要帶既野，好鐘意０的雕刻刀，囡囡記得小學時都用過

最鐘意工作，放學之後要出席課外活動時會用到既野，釘書機同膠紙座真係好真實

祝賀禮物，應該係讀書讀得好會收到既禮物，盒蠟筆以前細個真係成日用，而家真係好少見喇

目標係拎滿分，背字卡真係好有用，至於塊紅色板對於用來背書都係非常有用家，唔知大家又有無用過呢？

休息時間，會同０的同學一齊畫下畫，盒粉筆真係好值得懷念啊～～～

第一款既色違版，呢個色好適合男仔用，個筆刨好ＣＯＬＯＵＲＦＵＬ，好似高達咁

沖繩手信

0岩0岩0個幾日，囡囡上司去左沖繩旅行，買左好多史迪仔手信俾囡囡，真係好感謝佢，因為囡囡真係超鐘意呢份手信

日本版益力多，有300v，而且仲係低糖既

沖繩限定版史迪仔筆

係菠蘿史迪仔look，好可愛

最正都係呢對公仔，一見到佢地就已經愛不釋手，佢地兩個個樣真係勁可愛，囡囡真係超級鐘意呢對公仔~~~

佢地2個都著左沖繩特色既衫仔，俾囡囡既第一個感覺係好似森林家族0的公仔，但佢地2個可愛好多~~~~

Re-ment 鬆弛熊 cooking

本來諗住等埋下個月出既Hello Kitty先一齊買來玩，點知今日都係忍唔到手，買左返來玩，可能因為最近真係無咩新玩具買啦，但呢set鬆弛熊煮飯仔始終都係又貴又料配件，除返開，差唔多$30一款，真係幾唔抵..........

full set都係得咁少野，好似得以前既一半，但價錢差唔多

休閒午餐，由包到餡都係鬆弛熊型，咁整出來既三文治真係好cute~

裝飾蛋糕，隻鬆弛熊拎住支朱古力醬怕羞個樣真係幾可愛，個蛋糕其實都唔錯啊~

屋企整冬甩，個煲可以同其他一齊玩，0個2個冬甩都好可愛

親手造既cookies，連小麥粉都係鬆弛熊packing，佢焗出來0個0的cookies樣，囡囡記得出面真係有咁既模可以焗出一模一樣既cookies家，搵日囡囡試下焗先

晚餐係漢堡扒，但呢塊扒似烘燶麵包多0的......>.<

特製cream soda，呢款應該係最抵買0個款，因為真係多配件，但係杯soda好似比例大左0的

呢set0的餐具都係印哂花家，起碼唔似之前咁係貼紙先啦.......>.<

Re-ment 第三十五彈 バクヤスデンキ

第35彈係家電2，今次一樣係一套五款，同樣係分左原色同別色版，而囡囡0個set係別色版來既~~~

吸塵機，夠哂迫真，別色係紅色，所以先買

coffee maker & toaster，雖然黑色版既coffee maker好似似0的，但個toaster有花花係面，感覺可愛好多~~~

電熱鍋，有3塊鐵板可以換，最正緊係0個塊八爪魚丸板啦

printer，覺得別色呢隻藍色靚0的，夠哂sharp，young好多

最後係電視同電視櫃，呢款都幾多野，連個櫃都有埋