好耐無繼續update0的舊款Re-ment，今次輪到第31彈既韓國tour，呢set真係一半鐘意，一半唔鐘意，一套十款，每款都幾多配件下，相比起而家既Re-ment，已經好好多喇
石頭飯同チヂミ，記得之前係日本讀書時，一個韓國朋友教過囡囡整チヂミ，囡囡都好鐘意食呢種韓式薄餅家，碗石頭飯都唔錯啊~~
韓國雜貨，囡囡只係鐘意個櫃仔，因為上面0的花紋真係好靚，反而個公仔有0的可怕.............
韓國泡菜，0個個泡菜都真係整得好似下，仲有一堆菜附送，真係幾抵玩
人參雞湯，囡囡好鐘意隻雞，因為整得真係好似，至於其他0的湯就無咩特別喇
九節板，個盤同個盒都好得，但0的野食就普通左少少，反而0個3塊餅得0的~~
韓國傳統茶，個茶壺都幾特別，成個燉盅咁
街邊小食，張枱同櫈既比例好似細左少少，但支酒都唔錯，一碟係韓式壽司，咁另外一碟又係咩來家?
韓式烤肉，相對於其他烤肉，呢set反而普通，無咩特別，而且0的肉都麻麻
supermarket，最鐘意緊係個辛辣麵啦，其他就無咩特色喇
手信，0的盒入面真係有料，咁已經好唔錯，但可惜囡囡對呢0的手信興趣不大
呢套我好想買番，因為我好鍾意食韓國野...早幾個月前都係$4XX，宜家要成$7XX，黐線架升得好快呀啲Re-ment..好後悔嗰時無買!
回覆刪除現在升到$8XX啦~
回覆刪除[版主回覆09/11/2011 22:15:00]好多套都已經愈升愈高，見到有平真係應該即刻買返
但現在套套好似都吾平呢~點先叫平呢?
回覆刪除8XX, 買得過嗎? (還要拆了盒, 只未開袋~)
[版主回覆09/11/2011 22:23:00]呢套$8xx我又覺得唔多值，$8xx可以買到其他更好既，呢套係個主題特別，因為係唯一既韓國re-ment，但$8xx真係唔多值，其他仲值0的
邊D值D呢?
回覆刪除[版主回覆09/13/2011 13:38:00]其實有好多set而家都係咁上下價錢，真係要視乎你有邊0的仲未有，你除左呢set，仲有邊set想要?
我想要:
回覆刪除1)文房具
2)小學生文具
3)和食日和
4)高級蛋糕
5)藥房
6)學生午餐
以上有D很難找了, 但如找到, 邊款會貴貴都值呢?
[版主回覆09/13/2011 14:59:00]4,5,6我見$500樓下都仲有，你可以買左先，無咩邊套值唔值，因為全部都已經斷左市，再遲0的買，只會愈來愈貴，但1,2,3而家都好貴，所以最多人想要，如果要買1,2，最好有埋書枱，因為真係夾埋玩先最正
謝女女提點, 我會買書檯呢!
回覆刪除4)高級蛋糕, $300樓下, OK嗎? (大小盒也未開過)
3)和食日和, $800上下, OK嗎? (已開小盒, 未開袋)
但真係想想地買韓國, 但我都係最吾喜歡NO.2 個公仔, 好邪~~~
[版主回覆09/14/2011 15:53:00]4)高級蛋糕$300樓下當然買得過啦，我記得呢set有美版，所以唔係炒得太貴，3)和食日和，$800左右差唔多，我都好少見呢set仲有低過$800
女女, 美版的會吾會沒日版的靓呢?
回覆刪除[版主回覆09/15/2011 10:31:00]美版同日版一樣，只係入面張介紹紙由日文變左做英文，其他都不變家
女女 , 你呢套韓國, 特別版係邊款呢? 係米盒盒的特別版都吾同?
回覆刪除[版主回覆09/15/2011 10:33:00]呢套特別版係你話唔鐘意0個個公仔既別色版，每套既特別版都唔同家，有時可能係其中一款既別色版，有時就係完全一款唔同既，所以都要睇下邊set而定
THANKS~
回覆刪除甘韓國呢套, 係米盒盒的特別版都係2號的公仔? 會吾會係其他款?
[版主回覆09/18/2011 17:37:00]據我所知呢套只有一款特別版，就係2號既別色版，我暫時無見到仲有其他款