讓大家久等喇，之前諗住今朝可以一早upload0的相上blog，忘記左今日係呢個月最後返工日，所以要埋數，忙左成個朝早，而家趁食飯時間先有時間update下個blog~~~
大家期待以久既茶樓點心車
4架一齊擺好壯觀啊~~~~而家真係好少茶樓仲有呢0的車，通常都已經變哂做即叫即蒸，呢0的車仔都被淘汰哂喇，真係好有紀念價錢
點心車
0的籠有0的係獨立一個個既，有0的係3個一棟既
0的點心既質素唔錯，開始期待荷香樓既食玩~~~
係0的籠好似深色左少少，其他都近乎完美
腸粉車，基本上同點心車係一樣既，只係呢架係擺腸粉既
0的碟又係有0的係假既，打開唔到，個蓋同隻碟痴實左既
只有2碟腸粉，有少少失望，因為個樣麻麻，如果真係有齊4款腸粉就好喇
但遠睇都ok既
糖水車，外型同之前0個2架無咩分喇，但加左0的蓋，真係好似~~~
好迫真，但0個碗紅豆沙就差0的
有好多碗、碟同匙做配件
4款唔同既糖水，如果0個糖水有個位放到個湯匙，效果應該更好
灼菜/魷魚車，大家既flavor，外型真係靚爆
有公雞碗家，如果有埋豬紅豬皮就perfect喇
側面
得2款菜，好似少左0的，0的魷魚同之前粥鋪0個0的一樣，唔多似
又灼菜0個個煲位，都好似清湯既感覺
呢架車絕對可以改裝成煎腸粉車，希望之後會出返啦~
如果點心同腸粉可以個個食物同籠/碟分開就更好.
回覆刪除D腸粉得2碟可以打開太少...全部都可以打開就更好
[版主回覆07/30/2011 18:03:00]如果全部都可以打開，可能仲貴0的喇...............
我鍾意灼菜車同糖水車! 你有無買t for candy嗰架啊？唔知兩者有咩分別呢~
回覆刪除[版主回覆07/30/2011 18:05:00]T FOR CANDY 0個架大0的，唔可以MATCH來玩
kit kay講係咪e套呀???
回覆刪除kit kay講係咪e套呀???
回覆刪除[版主回覆07/30/2011 18:06:00]我想要煎腸粉車啊~~~
架菜車好正呀!
回覆刪除[版主回覆07/30/2011 18:07:00]係啊，但都係煎腸粉車吸引0的~~~
我今曰都去咗買兩架車仔，菜車同糖水！都訂埋荷香樓c餐一切玩
回覆刪除[版主回覆07/30/2011 18:07:00]荷香樓有貨我會通知埋你家喇~~~
腸粉車好似爭d喎,如果多d可以打開就good喇,另外~灼菜車好正呀~好想入貨呀~
回覆刪除同意你講呀.而家去飲茶同點心紙,好似冇晒特色咁,以前有車仔有特色好多, 另外,如果mino可以出埋jelly,甜品車就好喇,記得以前d甜品車係一格格透明架,d jelly仲有把牙纖 遮仔 插住係度,以前細細個去親飲茶一定要叫架~
[版主回覆07/30/2011 18:09:00]佢呢個系列如果賣得好，應該會再出，到時可能真係有你想要既jelly,甜品車~~~之前0的車仔檔都出左咁多架啦
本來想買腸粉車，但又覺得2碟開得唔多好玩。
回覆刪除[版主回覆07/30/2011 18:10:00]佢真係比想像中既弱，原本覺得佢最得家，而家又好似灼菜車正0的
睇落都真係幾吸引，我以前買咗好多架走鬼車，而家睇又好似點心車靚D喎!!
回覆刪除[版主回覆08/01/2011 17:12:00]走鬼車同點心車一樣都咁正~~~