終於講到最後既四季火鍋喇，呢set後過孖妹火鍋，所以0的質素好0的，某0的都整得唔錯，亦都幾特別，同孖妹火鍋加埋一齊，可以算係應有盡有，做火鍋店0的食物都有齊哂咁濟~~~
羊腩煲，個湯底似咖哩多0的，所以都唔係好睇得出係羊，生菜係唔錯，但都係太少喇，多返少少會好0的
生蠔+蝦，燒蝦唔錯，但唔明點解火鍋店有燒蝦..............
鮮冬菇+扇貝+芋絲，扇貝同之前一樣，無咩改進，但芋絲同鮮冬菇都唔錯
涮羊鍋，好似小肥羊，0的豆腐好好多
四色雜丸+海鮮併盤，0的丸好得，個海鮮併盤都唔差~~~
牛丸同雪花肥牛，孖妹火鍋碟牛肉好好多，呢碟好似牛肉卷囉
水餃同東星，水餃又一誠意之作
薑蔥炒蟹同蒸鮑魚，雖然同火鍋店又好似無咩關係，但真係整得好似
椒鹽瀨尿複都ok，但0個一鍋，真係估極都估唔到佢係0的咩...............
最尾嗰煲應該係辣酒煮花螺! 呢set都幾好喎，有海鮮，鮑魚同羊肉孖妹火鍋無嘅~
回覆刪除[版主回覆10/12/2010 11:28:00]係啊，2set都各有特色，所以最後2set都買哂，咁先可以齊哂
wow 你已經買左喇~ d 海鮮 , 由其是d 蝦 .....好正呀! 睇住你個blog,我同老公都中中地毒 hahaha
回覆刪除[版主回覆10/19/2010 10:31:00]散買食玩始終平過連埋0的場景買，而且有好多時0的場景都好似，一個場景可以用係幾套食玩，所以唔洗買咁多既~~~
而家打冷0個套都做緊減價，可以考慮下啊~~~
你都係散買嫁? 信和? 我今個星期出去逛逛睇睇^^ 有無 "買起里" 裹面的垃圾堆, 指示牌,小巴站等 公仔係唔係一定環球先有? 如果只係食品 , 應該有幾多SET
回覆刪除[版主回覆10/19/2010 14:44:00]你話買起里入面0個0的垃圾堆一定要買哂成條街先有得送
出面見到0個0的通常只係會有食品，唔會有場景，如果信和，2樓有間叫<孤注一扭>賣扭蛋既鋪頭有散買mimo，前排見到有燒味、大孖妹同粥店，但成日都唔同家，價錢around$280-$320左右一盒
另外sogo同一田都有得賣，大約$300-350左右，你都可以留意下
公仔就一定環球先有，又或者網上有人放出來，如果你要買，可以買0的有主題0個0的，因為通常會根多一款食物而係0個set食玩無既