最近re-ment好少出新野，就算出左都未必會0岩，所以都轉哂去買Mimo孖妹，但其實囡囡都好早開始玩孖妹，因為好似都已經係4-5年前既事，當時環球仲係一間只係賣玩具同模型既鋪頭，0個時囡囡成日都會去下睇gundam家，之後先發現佢開始出食玩，所以第一set孖妹就係燒味，但買左3set之後就停左一輪無買喇，而家先開始慢慢儲返，因為佢愈出愈多，主題又幾吸引，所以又俾佢迷住左喇~~~
最近大減價，所以買左唔少公仔，但其實囡囡之前已經有好多個，最近執相先發現佢地，因為0的相係4、5年前影既，質素有少少差，大家唔好介意啊
先介紹一set 4個既和民公仔先，呢set係當年環球同和民crossover出家，因為環球0岩0岩出左set和民食玩，所以順勢推出埋呢4個公仔，呢4個公仔入面其中有2個係要係和民食夠唔知幾多錢先有得換家，所以而家都應該絕左版，好難先搵得齊4個喇
之後呢set囡囡都唔記得左幾時買家喇，但好似係動漫節出家，一set4個，係囡囡最鐘意既，因為4個都係以bathing ape來做主題，雖然係有抄襲成份，但4個既衫都好靚同真係好猿人下，仲要有好多對靚靚既波鞋，真係好fashionable~買左咁耐，真係無再係出面再見過有呢4隻出現過
之後0個0的已經唔係太特別，因為而家都仲可能會見到，呢個係Mimo@ New York，勁鐘意佢套衫同大大既旅行袋~~~
最後呢2個係囡囡第一批買既mimo公仔，亦都係環球最早出既，而家間中都仲可以見到一兩隻家，但真係已經唔多吸引喇
嘩！原來你儲左咁多mimo.你連盒都會儲埋架？我都未見過ape系列呀！同埋mimo@new york果個旅行袋好靚喎。你真係可以申請為super super vip呀！
回覆刪除[版主回覆01/03/2011 16:58:00]係買左好多，但實則都係上年先拎出來玩，之前一直都無掂過。我無儲盒家，呢0的相係以前買既時候影落家，所以先有盒，而家0的盒無哂家喇，太阻地方喇，前0個幾年已經神早拆哂0的盒丟哂
ape系列真係醒唔起幾時出，只係記得一見到就好鐘意，一定要買咋~~~有時有0的野，真係要第一眼見到想要就買，唔係遲左可能就無，我一向都係咁諗，所以先唔會有俾自己後悔既機會
好多好靚ar~
回覆刪除而家d rement炒到咁貴~
都係學你地玩mimo lu~hehehe^^
[版主回覆01/04/2011 09:58:00]呢0的已經買左好耐家喇，之前都係見佢有半價先又買左一批
無半價我都唔會買住喇，買都買0的食玩先啦~~~
嘩你都買左好多mimo公仔！你儲齊佢啲公仔未？
回覆刪除[版主回覆01/04/2011 10:01:00]呢0的買左好耐，咁0岩執相時見到，咪post出來分享下囉~~
0的公仔我無儲哂家，我都係見可以同0的場景一齊show到出來先買，所以其實唔係咁多0者，但mimo0的食玩就差唔多儲齊喇，仲有唔係好多set~~~