今日同媽咪行完惠康之後，發現左新既扭蛋，今次係鐵板燒，見到好想扭，但最後無扭到，因為今次要$10扭一次，所以決定full set買，費事最後扭唔到一套，之後亦即刻買到一套，同扭一套既價錢一樣，好彩無扭到~~~
利佳 廣島風 鐵板燒 扭蛋，一套八款，最近利佳0的扭蛋認真唔錯，0的象真度真係愈來愈高，但今次要$10扭一次，真係有0的貴......>.<
雜扒，有少少一堆唔知咩野既feel，但其實已經做得唔錯
牛扒，大件夾抵食，塊扒真係好似下，但0的汁做得太厚
美國牛扒，多左0的配料，顏色多左，靚左，但唔知左上角0個條係咩來既.....
黑椒牛扒，好明顯見到0的黑椒，因為都係一點點黑色咁點落去0者，但唔知點解要一件件既
之後0個四款唔係扒類，所以塊鐵枝都唔同左，都幾有心思
燒春雞，外型真係好似，但唔知點解個面有一條氣既紋既
鐵板豬扒，好少有3塊咁多既豬扒，最正係條牛油粟米~~~
鐵板豬扒蝦，隻蝦真係差0的，配蝦既鐵板餐通常係海陸空三種家嘛，差左一樣，應該加多半隻乳鴿
最後係羊扒，囡囡最鐘意呢個，0的紋真係好似，但感覺上仲有少少生，最重要係個薯蓉好得~~~
為左等大家更清楚呢套扭蛋既大細，專登搵左其他食玩一齊對比，最高0個塊鐵板係mimo扒房既，好明顯0的扭蛋大左好多
之後0個個漢堡扒係re-ment既，大細差唔多，所以呢款同re-ment一齊crossover絕對無問題~~~
好正呀!!!
回覆刪除謝謝你的情報!
請問你在那裏買full set的?
[版主回覆06/27/2011 10:51:00]我係深水埗買full set家，你可以去玩具街睇下，另外我見yahoo都有人賣緊，你可以睇下
我係呢兩日又抽左百幾蚊.....依家仲欠"黑椒牛扒"....還需努力...我都係琴日見到7仔有, 咪抽一個, 之後覺得好靚, 仲可以配re-ment玩....
回覆刪除我都覺得十蚊粒貴有少少, 因為早前d魚仔都係5蚊....不過見到靚就唔理, 照抽....
[版主回覆06/27/2011 10:55:00]$10抽一個，真係有0的貴，我就係唔想抽到最後差一隻，因為再係咁抽既成本高太多，又無咩必要多一兩隻同款，所以寧願full set買，我幫你留意下仲有無"黑椒牛扒"啦~
嘩~正ar~今日我都睇到~
回覆刪除不過未買~
聽你意見我都買full set~唔該晒你~^^
[版主回覆06/27/2011 10:55:00]唔洗客氣，好野緊係要互相分享~~~
嘩！呢套好正咁喎，必買！希望佢keep住出多啲唔同嘅食物扭蛋啦，好過買Re-ment..
回覆刪除[版主回覆06/27/2011 15:32:00]都係啊，利佳0的質素愈來愈好，而且佢而家都行返0的食物路線，0岩哂我地玩
我都買扭左兩隻
回覆刪除[版主回覆06/27/2011 16:56:00]兩隻夠喇?唔洗要full set?
我覺得e套仲好過mimo出個套~你覺唔覺呀???
回覆刪除[版主回覆06/27/2011 20:19:00]mimo 0個set0的款好普遍，呢set扭蛋0的款特別0的，而且某0的整得仲靚，可惜始終係扭蛋，刀叉飲品0個0的配件，如果遲0的出埋，真係勁正
唔錯唔錯喎。
回覆刪除[版主回覆06/28/2011 10:26:00]係啊，好值得買一套玩下
點解你個什扒好似少左隻雞翼咁既
回覆刪除[版主回覆07/19/2011 14:06:00]係啊，你都覺，我影0個陣時都覺得係，可能係錯版