尋日0個set ORCARA入面，其實就係加左套海鮮市場既扭蛋入去，呢套扭蛋係利佳出既，其實已經出左一段時間，之前行過無咩興趣扭，之後突然醒起，想扭返，結果搵左好耐先搵到，因為已經換左新款，原本只係想抽一條出來睇下0岩唔0岩大細，抽完發現OK，就想要一套，不知不覺愈抽愈多，諗住可以用來砌下漁市場，但應該都唔會家喇
尋日加手面既魚就係出自呢SET扭蛋，全部都係大阪既魚種來家
Nemipterus virgatus，亦即係紅衫魚，囡囡就係一抽抽到佢，先想要埋其他，因為佢真係好似同好靚，不知不覺抽左3條添~~~
Cephalopholis miniata 青星九刺鱸，講真都唔知係咩魚，但好似係斑囉，因為佢有斑點嘛
Cheikinus undulatus 曲紋唇魚，亦即係大家叫既蘇眉，所以呢條比例上係大左0的既，但囡囡就唔多鐘意佢，因為佢個樣有0的醜
Epinephelus fuscoguttatus 褐點石斑魚，呢隻真係勁似石斑，0的細緻位全部都有，勁~~
Siganus canaliculatus 長鰭籃子魚，雖然唔知係咩魚來，但呢條其實好正，因為佢係半透明家，個身係透明既，只係上面油左層油，所以仲可以見到佢係半透明家~
Pampus echinogaster 鐮鯧，一睇就知係鯧魚啦，但有無留意到，兩條唔同色家，差左少少家，勁，反正魚無可能條條一樣
Psetta maxima 瘤刺鮃，亦即係多寶魚，同真既都好似~
Epinephelus lanceolatus 鞍帶石斑魚，亦即係所謂既龍躉，但呢條有少少怪，0的色怪怪地，唔多似
8款都做得唔錯家
結果囡囡扭左咁多返來..........
又真糸幾靚，我之前抽到一條倉魚便無抽了，我其實唔食魚的！
回覆刪除[版主回覆06/23/2011 12:37:00]其實我都唔食魚家，但見只係$5，質素又唔錯，所以不知不覺愈扭愈多囉
哈哈!我都扭咗好多條，又係諗住整海鮮檔！
回覆刪除[版主回覆06/23/2011 12:38:00]我係咁諗，但估到最後都係唔會做家喇，因為太懶喇，我都係等睇你個海鮮檔好0的~~~
幾令喎e套野
回覆刪除[版主回覆06/23/2011 12:39:00]係啊，真係唔錯，快0的去扭返套啦
搵左好耐都搵唔到~
回覆刪除唔知玩具街有無呢?
[版主回覆06/23/2011 12:41:00]玩具街好少有呢0的扭蛋full set買家，深水埗好似仲有2間7仔仲有得扭，你想要一套定係某幾款?
囡囡~我想要2set~
回覆刪除因為好似你咁想砌一個魚市場~hehe^^
等我得閒去深水po睇下先~
唔該晒你~^^
[版主回覆06/23/2011 14:00:00]2sets真係有0的難度，因為我抽左咁多都唔夠兩sets............
但而家有0的3條，有0的2條，感覺都ok~~
近睇唔錯啵！睇黎又要破費啦！嘿嘿
回覆刪除[版主回覆06/26/2011 13:22:00]係啊，真係要買，但好似唔見有full set賣，可能要自己扭喇