最近真係又煩又忙啊!!!!

囡囡最近身邊真係發生左好多事，搞到囡囡連透氣既時間都唔夠喇................

首先，囡囡竟然今個財政年度要交稅!!!!!囡囡真係完全無諗過07/08要交稅，因為囡囡畢左業之後已經玩到9月先返工，計落先係今個財政年度返左7個月，點會係7個月內搵過10萬家，所以而家要諗下計仔扣下0的expense先~~~~

囡囡最近已經夠忙家啦，仲要有腸胃炎，足足痾左成個星期，睇左兩個醫生，食咩痾咩，搞到囡囡咩都唔想食，足足瘦左6磅，真係好過減肥，但就好辛苦，好唔舒服囉.........而家0的裙唔0岩著喇............

忙係會愈來愈忙家，最衰自己衰心軟，應承左Sandy幫佢個仔補習，好啦，而家來緊0個個月都唔會返到屋企食飯喇，三、六、日就要返馬會，二、四就要補習，一、五要去探阿婆，一個星期7日都無日得閒，無一日有假放，真係唔買返0的史迪仔來平衡返都唔得(雖然囡囡最近已經買左好多)，但唔緊要啦，捱多一個月馬季就完喇，到時就有假放，又有bonus出~~又可以買史迪仔，又可以周圍去，諗起都開心，而且只係捱多4個月，囡囡就可以飛去同史迪仔雙宿雙棲喇，諗起都開心啊~~~~

RE-MENT X DISNEYSTORE 6月新貨

這個實在太正喇，真係不可不買，RE-MENT真係期期驚喜，這SET"HAPPY BIRTHDAY CAKE"真係咁多SETS入面最正家~~~

每一款都有一個蛋糕盒，一個蛋糕，一個蛋糕台，一張CARD，一SET爉燭，可以俾你自己改變生日歲數，用來送俾人真係夠哂心思~~

有8款蛋糕咁多，8個迪士尼人物，緊有一款適合你~~

而囡囡緊係最鐘意史迪仔啦，但點都會成SET買，鬼叫係RE-MENT出既咩~

看似HAWAI花的粉紅色CREAM，真的十分可愛

仲有咁精神既史迪仔~~

RE-MENT 6月新貨 迪士尼樽型匙扣

Re-ment係6月又有同Disney既crossover喇，但今次這個樽型匙扣就好似無之前0個兩套咁靚........

史迪仔係同小金雪條一pair家~~~

OHANA VILLAGE 新產品~~

囡囡見有幾日假期，終於得閒update下個blog，日本disneystyore近排出左咁多新既史迪仔產品，囡囡又點會放過呢，但佢實在出左太多喇，仲要係一次過，咁唯有只買一部分啦，因為囡囡仲要買限量既大擺設同BABY-G嘛~~~

咁可愛既史迪仔搖頭擺設，囡囡又點會唔心動呢?

史迪仔搖頭錄音機，一樣咁可愛，仲要係ohana village既主題公仔，真係十萬分喜愛~~

ohana village soundtrack~~~必買之選，因為囡囡一向都好鐘意儲史迪仔既cd家啦，而呢隻仲好多歌都好好聽，有A-teen唱既史迪仔主題曲(但囡囡緊係鐘意F4唱既多0的啦)，而且隻碟都有史迪仔家~~~

史迪仔相簿，比其他既都靚~~

又係囡囡至愛既粉紅色，又有史迪仔，仲咁有SUMMER FEEL，絕對0岩哂今個SUMMER啦~~~

又係NDSL機套啊，囡囡買左好多個喇，但始終唔捨得用，點算好??

史迪仔MINI PUZZLE，咁鐘意砌PUZZLE既囡囡又點會放過~~

仲有好多靚靚既飾物，今個SUMMER仲唔係史迪仔SUMMER~~~

同場加影今次OHANA VILLAGE既非賣品，囡囡無重覆到是但一個，但就差左ANGEL，好想要齊一套啊!!!!