8-9月 扭蛋

唉，都怪去左一個星期出差，update唔到0的玩具資訊，而家見到正野都訂唔到喇，0岩0岩今日先留意到，來近8月同9 月有好多set扭蛋都好吸引，但好多已經截左訂，而家唯有等佢出時留意住啦..................

EPOCH8月出學校枱櫈，枱有分唔同顏色同高度，都好抵玩，呢SET囡囡平時買開間SHOP有入，所以唔會貴，唔洗驚

Epoch 購物手推車 扭蛋

上次介紹過既摺櫈出第二彈，今次係購物手推車，有兩層，可以放兩個籃，而且又有個架安置0的籃，又係必有之選，福利實有，而且實會炒貴添..........>.<

Bandai 摺櫈 扭蛋

最近0的扭蛋真係愈來愈吸引，今次想介紹下bandai出既摺櫈扭蛋，真係勁吸引，因為可以真係摺得到~~~~一set五款，4張摺櫈，1個摺櫈架

利佳 中國傳統婚禮吊飾二代 扭蛋

最近迷上左<來自星星的你>，搞到用左一個星期睇哂星星、太陽月亮，無時間update個blog~~~而家終於煲哂，可以慢慢update返0的野，皆因前排買左超多野，真係要俾0的時間慢慢update，今日先update返0的扭蛋先~~~利佳出左中國傳統婚禮吊飾既二代，今次有成12款，但有0的size會大左0的，因為之前買左part 1，所以自然儲買part 2啦~~

利佳 1/12 扭蛋機

呢排最正既扭蛋，當然係呢款1/12既扭蛋機啦，$10蛋來講真係好唔錯，可以扭，又有蛋出，真係好正，一SET有6款，但原來有別色，所以total有12款，先睇原色

EPOCH Musical Instrument 7 扭蛋

最近屋企有事，所以都好忙下，無咩時間UPDATE個BLOG，新既一年第一次update，祝大家新年快樂，身體健康~~~~

最近忙之餘，亦都無咩新野出，好多野都仲等緊，應該過埋今個月中就會一次過爆哂出來，等緊今個月大出血^^所以最近只買了一set扭蛋，今次係電鍍金屬樂器，size都ok，可以夾到四葉妹妹玩，一set六款~

Fujifilm Instax Mini 8 匙扣 扭蛋

某情度上，囡囡已經儲左好多相機扭蛋係屋企，雖然唔係1/12，但既然已經儲開，一有新既都會買，今次呢set比較另類，因為係即影影有相機，真係一見到已經超鐘意，仲要係最新型號既mini 8，真係點可以放過呢，一set5款，所有顏色齊哂，同真既無咩分別~

Bandai Monsters University 怪獸大學 Art Collection 扭蛋

終於買到呢set怪獸大學既扭蛋喇，多得Anita報料，先可以係精品低價入到，真係太正喇，話哂都係300yen蛋，質素真係一流~~~

Microwave Oven Fast Food 微波飯盒 扭蛋

最近出左呢set微波飯盒，真係超正，一set8款，仲要只係$5蛋，超抵玩，囡囡都忍唔住買左2sets~

透明盒包裝，所以可以睇到入面~

芝士通心粉，無論packing定內餡都係一流家~

咸雞炒麵，0的麵整得唔錯~~~

咖哩牛肉飯，0的飯好真下，0的咖哩都唔錯啊~~~

咖哩炸豬扒飯，囡囡覺得呢款最正，個炸豬扒好得

乾炒牛肉意粉，0的意粉唔錯，但點解會同0的餸分開既.......

排骨苦瓜飯，0的排骨同苦瓜真係幾唔錯~

甜酸排骨飯，好colourful，真係見到都開胃~~

黃姜飯，印尼好出名既飯，呢個差少少

同左個$1俾大家比較下個size，其實唔係太大

放入re-ment個微波爐都無問題

今日媽咪去左街，無人煮飯，唯有食叮叮飯啦............

Bandai Honey Toast 蜜糖土司 扭蛋

復活節第一日，就抵受唔到誘惑，買左套300yen蛋，真係幾貴下，但又真係整得好細緻，真係好難忍到手.......今次呢套蛋係bandai出既，所以真係細緻好多，唔怪得貴咁多......full set有5款

最基本既honey toast，咩野配料都無家

云呢拿雪糕honey toast，個雪糕球超正~~~

pudding honey toast，0的朱古力汁激似~~~

朱古力香蕉honey toast，呢個最正，同真既一樣~

最後係士多啤梨牛奶honey toast，呢個既士多啤梨反而上色麻麻，但其他都ok

配四葉妹妹都ok，唔會太大~
超開心呢~有咁多唔同味既honey toast可以食~~~

最近新買扭蛋

今個月都買左唔少扭蛋，相信有0的大家已經一早扭哂，但對於囡囡來講，full set買始終好過自己逐個扭，所以唯有等佢出full set~~~
第一套旅行喼，size真係好fit，最重要係唔貴~~一套5款

第二套係kitchenware，家庭廚房用品，全套有2隻唔同色，要扭都扭到手軟啦，而且唔知扭幾多錢先齊哂，當然又係直接買full set先簡單方便啦~

大出血

今日大出血，買左超多玩具，好耐無咁痛快，全部都要砌，砌完先再POST過~~~

利佳 漢堡包 扭蛋

大家新年快樂，囡囡聽日要返大陸過年，要初一先返，所以今次係今年最後一次update個blog，祝大家蛇年行大運，買多0的又平又正既玩具~~~
今年最後要介紹既係呢套利佳扭蛋~漢堡包~一set六款，$5蛋來講質素真係唔錯~

supreme burger

fish burger，魚柳包真係超正~

cheese burger，係牛角包，正~~~

chicken burger，呢個都唔錯~~~

beef burger

hot dog，都好吸引啊~~~

最後用個5毫比較俾大家睇，其實都已經唔算太大家喇