史迪仔便當+halloween布甸

訂左一個月，終於等到既史迪仔便當，真係好kawaii，好唔捨得用囉

個保溫袋係唔係好正呢?好可愛，又大個，但裡面係錫紙來家.........

可惜呢個碗係紙盒，應該keep唔耐.............

第二set最正，因為又有飯盒袋，飯盒，叉同杯，真係超抵

0的野仲要好好味道~~~~可惜細盒左少少，唔多夠食..........

今日順便去訂埋2009年既布甸杯時，先醒起今日出史迪仔halloween布甸，當然要即刻去買返個來食啦~~~~

食都係其次，最緊要又係隻杯好靚靚，又係7-11限定，仲只出3日，唔買真係對唔住自己~~~~

Sagamiko Resort - Pleasure Forest

前日係學校既遠足，就係PADDINGTON BEAR公園，囡囡對呢隻熊真係無咩興趣，但呢度0的景又真係幾靚既~~~

全日最期待既應該係LUNCH，因為係BBQ，仲要係放題，一見到盒肉已經好吸引~

日本既BBQ其實係鐵板燒，好多肉，鐵板燒既話，始終係豬肉好食0的，雖然囡囡鐘意食牛肉多0的...........但真係太多肉同超油啊.............

呢0的係囡囡炒既麵，原本好好玩家，而且仲好好味添~~~係唔係好好食咁呢?囡囡未試過去BBQ可以炒麵家，但囡囡都唔係最勁，竟然俾一枱台灣學生諗到整炒飯..........囡囡真係甘拜下風，如何有機會，囡囡都想試下.............

呢度0的機動遊戲都係0岩小朋友玩多0的，囡囡都係鐘意0的景同坐摩天輪多0的~~~

香港和東京迪士尼的Halloween

來日本之前，囡囡選擇左去迪士尼既halloween，而唔去海洋公園，因為囡囡已經去左4年海洋公園既halloween喇，開始覺得悶，所以改改口味，來迪士尼，而囡囡的確無choose錯，因為迪士尼既鬼屋都好恐怖.......最緊要係可以見到史迪仔同買史迪仔嘛~~

起左之後都係第一次來既小小世界，結果鬼影都無隻...........

High School Musical ar~~~佢地同主角真係無得比，但希望因為呢個表現可以令更多人認識呢套戲啦，因為真係好好睇家~~~~

當然唔少得Halloween既主角阿Jack啦~~咁大架阿Jack，真係好正~~~

跟住緊係到日本東京迪士尼既Halloween啦~~~囡囡星期日來，真係好多人啊.......

第一站就緊係去搵史迪仔啦，但如果唔識日文，真係會幾悶，因為你根本唔知佢做緊咩，但都無所謂，見到史迪仔就ok啦~~~

呢度係之前起緊怪獸公司遊戲既地方，估唔到只係過左2個月，已經起好咁濟~~~根據最新一期DisneyFan既公佈，怪獸公司係出年既4月15日開幕，到時又有新野玩喇~

壓軸登場既Halloween巡遊，阿牛玩得超投入，囡囡有史迪仔就ok~~~

當然唔可以唔玩阿Jack版既鬼屋啦，有阿Jack係度，間鬼屋既氣氛完全唔同哂，但好似for聖誕多0的..........值得一提既係呢個係而家最多人玩既遊戲，一入去要即刻來拎左fastpass先，唔係好快會無哂，咁就要排2個半鐘喇............

25周年既巡遊，史迪仔架車停正係囡囡面前，lucky~~影左好多近距離既相~~

呢間就係最新落成既酒店，但其實.........唔住都應該唔會錯失0的咩既感覺，因為只有外表.......裡面一0的特別都無

夜晚既花燈巡遊就真係幾正，但Halloween那個只係中午既著燈版，真係有0的失望...

總括而言，囡囡比較鐘意香港迪士尼既Halloween多0的，因為有阿Jack巡遊，感覺有Halloween feel多0的，東京迪士尼都係shopping最好~~~

東京迪士尼Halloween史迪仔戰利品

尋日係disneyland真係玩到超tired，搞到囡囡今日上堂無哂精神咁，disneyland既精彩節目一陣先介紹，而家先睇下尋日既戰利品先~~~囡囡今次應該係洗得最少既一次，因為有好多囡囡之前7月已經買左，今次主攻史迪仔新game既products~~~

史迪仔file

史迪仔糖果罐，真係好kawaii，好靚靚啊~~~

史迪仔名信片，超抵，190yen，點都要支持下既~

史迪仔指甲挫，咁可愛又點捨得用喎...........

史迪仔餐盒巾

史迪仔搖頭公仔，囡囡知道自己一定會去disneyland，所以先係hk死忍唔買，而家終於得手，仲要只係1800yen，yada~~~

史迪仔杯杯，好靚，平時唔多買杯既囡囡都忍唔到手要買返隻

新game既爆谷筒點都要買返個既~~~

呢盒曲奇好似係新出既，反正就係囡囡無既，個罐咁可愛點都要買返盒既~~

裡面0的曲奇除左包裝有史迪仔次外，餅上面都有家，囡囡下次食既時候再影相俾你地睇~~~

史迪仔毛毛珠仔電話繩，因為同囡囡最近買既電話繩同手鍊好襯，所以又買左佢喇，囡囡最近都鐘意0的有珠仔既野~~~

史迪仔介指仔，呢樣真係無咩用，但見佢有半價，咁又不知不覺放左落個籃到....

最後臨走都要俾囡囡買返來既史迪仔公仔袋，後面有拉鍊家，可以扣係袋，佢個樣好似同緊囡囡講帶埋我返屋企咁，所以囡囡就帶左佢返來喇.........

淨低既都係食甜品送既杯碟，因為halloween所以先有既南瓜杯碟同minnie心型杯碟