孖妹月餅同7 Mimo

上次介紹完7 Mimo，今次繼續補充返0的資料同介紹另一間新鋪

孖妹月餅

感覺上好細間，但價錢卻唔係，正價要成$1488，會員特價$1288，感覺上配件唔夠多，好似唔多抵玩

最近買既史迪仔~

雖然最近好似無咩史迪仔擺設出，但囡囡都買左唔少史迪仔~~~

呢幅puzzle有100隻史迪仔家，真係隻隻都好可愛~~

可惜太易砌，囡囡一日就KO左佢，因為只要知道邊隻史迪仔係邊度，就好快可以砌完，搞到好似無難度咁...........

renew左個annual pass，所以送左set掛頸繩同pin俾囡囡，都唔錯啊，幾靚~~

係酒店入面發現左菠蘿史迪仔~~~點解上年好似唔見有既...............

最後係史迪仔陶瓷陶樽，呢個其實係一個便當來家，原本只係係web見過一次，估唔到個friend專登幫囡囡買返來，真係非常之感激~~~~

最近買ったばかりのリズリサ

7月，又係大出血月，因為日本大減價，所以又忍唔到手買左一堆Liz Lisa喇.........最近真係買太多，有0的好似一次都未著過添..............

平平地，又買左件馬甲來襯衫~~~

又一長裙，唔係吊帶既，所以覺得比較特別~~~

結以條裙最終都忍唔住買左，成set買，連埋件牛仔褸

另一件結以既上衣，可以一字膊~

想買多一條繡花牛仔褲好耐家喇~~~

呢件牛仔褸去書展時發現有好多人都著緊

來近8月結以會出第一本屬於自己既書，教大家護膚同化妝，囡囡必買啊，所以已經訂好左，仲有，結以0岩0岩幫109影左catalog，唔知幾時會出呢，好想要啊~~~

動漫節登場既Mimo 7

囡囡一向對動漫節無咩興趣，因為次次去親都買唔到野，但行親一定會去Mimo個檔睇下會唔會有平野，今年亦不例外，買滿$100減$10，買滿$1000減$200，但仲俾囡囡發現，今次會展出Mimo 7，但一睇到個價錢，真係俾佢嚇親，要成$6988!!!!!咪同條街差唔多......買6間鋪好過買一間7仔啦，睇來都只係有得睇，無得買家喇，囡囡真係懷疑佢打錯價錢.....................真係要入去會一會呢間價值連城既7仔........

Re-ment 9月新貨

囡囡雖然鐘意disney，但都覺得Re-ment最近出得太多，開始失去一直以來出迷你食物既方向，最近真係毫無驚喜，仲要有0的失望添........

又係鎖匙扣，仲要無史迪仔?!!

呢set感覺上都ok，但都應該唔細.......但唔明點解電燈泡同錶會溶......同其他格格不入

出2sets迷你屋........又未輪到史迪仔..............

仲要唔明點解咁早有11月既product預訂，雖然有史迪仔，但想要更有特色同更別緻既，曲奇呢條橋已經出左好多次，開始有0的悶.........

又一大堆史迪仔~

6月無咩點買史迪仔，結果緊係7月買返一堆啦，如果唔係真係對唔住自己，可疑其實無咩新野，結果唯有買0的舊既先啦

前年一番くじ既大獎，史迪仔南瓜鬧鐘，之前係日本抽唔中，又買唔到，而家終於得到喇~~

下面個南瓜眼識發光家~~~

之後好似係上年既一番くじ變品，勁愛呢3個樽仔，因為個樣好CUTE~~

之後係史迪仔剪刀，原本唔想要家，但見到實物原來好似figure咁，而且亦唔貴，所以又買左當擺設擺~~~

根住就係東京disneyland既product，呢個迷你版風扇仔，大既要來好似無用，所以想要個細既~~~

最後係而家Mid Summer Night Panic既post card，個造型幾特別，可惜無咩product睇中，所以只係要postcard，但個show其實好正，有老鼠威博士同鋼圖艦長份，佢地成班又係係度跳舞擊退佢地囉，但個show真係ok既~~

全套ORCARA

一考完試就想狂買野玩，之前已經想買，但買左無時間玩，所以決心忍手忍到考完先買，一次過買哂13 sets，又係玩得好爽，仲要只係用左$1018，真係抵，雖然未開哂，但其實某0的真係唔係太差既~~~

終於又有時間執下屋喇~~~

溫左幾個月書，終於係前0個排搞點左個N1試，即刻成個人鬆哂，鐘意做咩都得，講真，囡囡都幾鐘意考試，因為每次有考試先可以迫到囡囡溫書，合唔合格其實係其次，因為每次考完囡囡都有進步到，咁就已經足夠啦，好似今次考N1咁，囡囡就發現自己既listening進步左唔少，改制之後既考試更有挑戰~~~

考完試，好free，所以又執下屋先，無計啦，間房已經接近飽和，如果再唔執，就唔可以再買........

0的史迪仔已經上哂天花..........大家都知道囡囡鐘意史迪仔，由2002年暑假睇完史迪仔之後，已經迷上左佢，咁當然係因為F4先啦，如果唔係F4做左史迪仔既代言人，囡囡都唔會去戲完睇史迪仔，仲有，當時外國既史迪仔代言人係A-teen，囡囡0個時都好鐘意呢隊組合，咁就令囡囡鐘意左史迪仔8年，但講真，咁瘋狂迷上都係近年先開始，因為呢幾年史迪仔先開始愈來愈紅，products亦都愈出愈多，先搞到囡囡愈來愈收唔到手...............>.<

除左史迪仔，囡囡另一至愛就係Re-ment喇，囡囡由form6 定唔知form 7買左第一set Re-ment開始，已經無法自拔咁每個月貢獻一筆出來買佢，所以其實囡囡儲Re-ment既歷史應該比史迪仔更長，應該已經有6-7年，人地係鐘意某一款而去買0個一款，但囡囡就一定成set買，即使自己可能只係鐘意其中某幾款，囡囡都會成set買，0個陣可能仲細，覺得出面散買幾盒既價錢同買成set既價錢其實唔係差太多，所以點都會成set買。慢慢演變下，鐘意既可能已經係Re-ment呢個brand，所以除左小動物0個0的系列囡囡真係完全唔鐘意外，其他所有系列都係照單全收咁就，最近得閒court下，發現自己原本已經有超過150sets既Re-ment，當中其實有好多sets都差左一款，因為囡囡中過好多特別版，以前真係勁憎，因為要出去買返少左0個款，感覺好煩，但自從無左特別版，又忽然覺得佢地好珍貴，人真係好矛盾..........

囡囡total儲左3大箱係屋企，平均每箱有50sets........如果講食玩，應該就唔止150sets，因為仲有megahouse同mimo，所以保守估計屋企已經有超過200sets食玩，囡囡真係敗家.............

囡囡既興趣可能真係儲野，除左史迪仔同Re-ment，囡囡仲有好多其他玩具，好似Pullip，囡囡就有十幾個，mimo公仔都有十幾個，最近又迷埋Duffy，屋企已經又有十幾隻，仲有lati，囡囡真係愈大愈細路，全屋都係玩具.........囡囡又要好迷Liz Lisa，每個月既開支真係愈來愈多，真係係時候開始節制下.....................

Re-ment Toy Story Happy Birthday Party~

YEAH~~最新既TOY STORY RE-MENT終於到手喇~~~尋日俾個細路點，搞到買唔到，今日終於買到喇~~~

來張全家幅先~~

最近真係紅返天既幾位主角~~

歡迎來到呢個生日派對

三眼睛仔既推薦菜單

大家一齊玩遊戲啊

糖果摩天輪

攻陷蛋糕台

仲有外送PIZZA，個肚好飽喇

嘩，生日蛋糕

想要既生日禮物