SEGA UFO CATCHER UFO夾公仔機

搬左來新blog第一篇既玩具網誌，手頭上原來仲有好多野未post，諗左陣終於決定post呢個夾公仔機^^
呢個我的遊戲中心系列係SEGA2005出既景品，之後仲出左VOL2，全部都係遊戲機，造型好仔細，好難得先搵到最想要既夾公仔機~~

酒蔵紀行 三杯目

呢set酒蔵紀行 三杯目其實都好似影左好耐相，但而家先來post.......呢set0的食物大細其實同re-ment差唔多，係0的酒會大左少少，但其實正常size都好似係咁大......

LE CREUSET 煲仔

LE CREUSET既煲好多人都好鐘意用，而且好多人都會儲，但囡囡就鐘意儲佢既迷你版多0的，唔同顏色唔同形狀，不知不覺都儲左好多個喇~~~
呢個係BOX SET裝既磁石

一SET四款，好可愛~~~

另外日本PEPSI其實都出過2次，一次係磁石，另一次係匙扣，匙扣囡囡儲齊，但磁石仲未儲齊.......

呢SET係匙扣，有唔同形狀，星形、心形、梅花形

全部既SIZE都同RE-MENT好MATCH，如果可以打開埋個蓋就PERFECT喇~~~~

美贊臣安嬰寶

前0個排個friend送左set飛行棋俾囡囡，好似係買美贊臣奶粉送既，開左先發現入面0的棋原來係一罐罐既奶粉，但size都算大大地，1/12應該用唔到，但1/6可能會0岩用~~~anyway，有16罐，其實都唔錯~~~

Megahouse 家家酒 煮飯仔 玩具

開始努力upload下0的玩具喇，今日介紹下megahouse既玩具，大家應該有見過以下呢款supermarket既玩具，因為前0個排出既，但可能size大左0的，所以大家無買到，雖然好平，好似唔過一百，但0的食物質素麻麻，所以囡囡都無買到，但原來呢個系列長出長有家.....

來緊2月會出donuts鋪，感覺其實都好一般

最想介紹既係3月份會出既family restaurant，因為0的食物好吸引下，好似re-ment出開既感覺，雖然可能大過re-ment少少，但幾十蚊買來玩下都唔錯啊~~~

Licca 回轉壽司店

最近超忙，所以好耐無update個blog，因為要清左公司手頭上既工作，準備下個星期去東京旅行，真係好miss東京，雖然好熟東京，但近年真係多左好多新景點，所以都真係要睇下0的新景點~~~
之前見好多blog友買左，所以前幾日係ssp見到，即買，但要去完日本先返來開喇，無時間玩住，如果有blog友未買，又想買既話，可以考慮去ssp買，比sogo平$50，真係一盒re-ment既價錢咋~~~

明太子~

炎炎夏日，個人食咩都無咩胃口咁，最好有0的凍野食下，日本人簡簡單單一碗白飯+隻生雞蛋都可以做早餐，而明太子就係另一隻愛歡迎既配搭，辣辣地，用來撈飯真係唔錯，可惜囡囡唔食辣既.........

咖哩飯?豬手飯?

雖然睇張蛋紙係寫咖哩飯，但咖哩來講，好似太過稀，但好肯定一樣野，0個2隻豬手既物體真係好迫真~~~

大熱天時打邊爐

而家日日都三十幾度，真係出親街都成身汗，熱辣辣仲要打邊爐，真係咩食欲都無哂，一人一爐，少少地都唔錯既，碟肉其實超似，但囡囡影完有0的唔清，下次影清楚0的先

黑執事 食玩

呢套食玩都出左2年，一直都好鐘意，之前終於入手，但最近先開來玩~呢套係一套叫黑執事既卡通出既，所以都以卡通入面既場景為主題，好有歐洲古堡0的神秘色彩，一套五款＋特別版，由於又係已經絕左版，所以都有0的貴

1. Early morning tea，鐘意0個3個鬆餅仔~

2. Silver Tableware，全set入面最鐘意呢套銀餐具~

好有舊時0的歐洲feel~

3. Garden Tea，high tea，正，0的蛋糕係唔錯，但細左0的

4. Fantom Company，囡囡鐘盒朱古力，好貴咁~

5.Ciel's Birthday，勁like香檳+洋燭呢個配搭，0的蠟燭有0的熔既feel勁正

個蛋糕都好正家~

基本上成set既比例都有0的唔同，所有既茶具都會大左少少，而食物就偏細左，應承左姜斯拉影0的對比，茶具呢set同re-ment差唔多大，唔係差太遠

蛋糕size同megahouse差唔多，同re-ment一齊玩會偏細少少

不同的食玩~

見大家間中都會post0的隨影出來，加上最近真係少左好多食玩買，搞到囡囡都想影下post下，費時成日唔update個blog啦，囡囡轉登揀左0的少見既食玩來影，好鐘意呢set既配搭，candle+香濱真係絕配~~~

High Tea

又到左下午時間，high tea就緊係最正啦，有一套靚靚既茶具，飲茶飲得開心0的~

道地 磁石

今日經過7仔想買野飲時見到道地做緊promote，買一支茶+$4.9(好似係，唔記得exactly係4個幾)就可以換講一個磁石，其實囡囡一向都唔買道地既product，因為唔鐘意劉德華，但都買左支來試，原來支十八茶既味名玄米茶好似，所以都ok
以下就係加錢換既磁石，全套總共有7款，一見到個packing，已經覺得唔錯~


入面個磁石係同用blister裝住，個packing咁正，個cost都唔少啦，難怪唔可以跟支茶送，要加錢換啦

支茶係唔錯既，可惜大左少少

而且因為係磁石既關係，只係得半支家.............其實如果佢做返細少少，唔做磁石做電話繩，有一支個樣，應該好快可以換斷市，而家買一個玩下都ok既

Takara Tomy Spongebob American Collection

估唔到Takara Tomy都會出食玩，呢set食玩出左一個星期左右，唔係舊貨，雖然一樣都係同卡通crossover，但都想睇下Takara Tomy既食玩質素，所以買左set來玩，全套只有5款，但一box就會有十盒，囡囡買左full box，因為囡囡個妹鐘意spongebob，所以佢要左一半

其實配件都唔算太多，但勝在某0的幾特別

full set同而家re-ment差唔多，少野

food，m記餐，個包既質素唔差家

toy，就係呢款吸引左囡囡去買呢set

唱片機~

就係睇中呢盒lego，好正，可惜0的lego唔可以真係拎出來啦

sweets，鐘意個爆谷同0的餅，0的餅有spongebob個樣，好cute

kitchen，個煎pan有spongebob個樣，所以煎出來既pancake都有樣家

house-keeping，個桶好搞笑，當然唔少得有海綿啦～