新年快樂!

祝大家馬年行大運！國泰民安！家肥屋潤！財源滾滾！心想事成！

Sony Cyber-shot QX-10 鏡頭

之前應該有提過，囡囡係一個超熱愛sony既人，全屋家電同隨身物品，盡可能都會有sony既，所以sony有新野出，當然第一時間去預訂啦，今次係Cyber-shot QX-10鏡頭，其實囡囡屋企已經有3部sony相機，但今次呢個design實在太正，太吸引，而且可以下個月去旅行時用~~~

個packing成個廁紙筒咁^^

 

新blog搬遷完成

搞左3日，終於將之前666篇(好邪啊.....)網誌全部搬哂來呢個新blog，但唔知係唔係太多相既關係，所以舊網誌0的相load得比較慢，如果大家要睇返舊網誌，可能要俾0的耐性等佢load^^

今日又開始start of something new~~~

囡囡家既新成員

之前曾經提過囡囡屋企多左個新成員，為左照顧佢，囡囡呢個月都無咩點玩過0的玩具，今日就同大家介紹下呢位新成員先~~~
佢個名係そら(sora)，亦即係日文"天空"既意思，只係出世左4個月既男仔，對於陌生既人同環境，佢會震哂咁縮係角落，但一旦熟習左環境，佢就會超活躍，所以而家成日係張床度跳來跳去，成隻兔仔咁~~~

~201314~

在0岩0岩過左去既201314，囡囡既婚禮終於完成，因為擺酒會返大陸擺，所以當日只係註冊同夜晚擺cocktail，搞點呢兩樣野真係輕鬆哂，唔洗再左擔心右擔心，終於有時間追返哂0的日劇同開0的玩具玩，所以來近都會update返個blog多0的家喇~~~

另外亦都好多謝各位blog友對囡囡既祝福~~~在此送上當晚cocktail既佈置~~~係囡囡最愛既pink同史迪仔呢~~~~

專登搬左隻史迪仔去俾人影相~~~

backdrop~自己砌既汽球

cupcake塔~~~

 

我返來喇~

尋晚終於由日本返來，先滿足下大家既期待~尋日係上野影既~實物真係超得~~~P.S.原來全日本只係得上野有實物show，所以呢張實物照絕對係獨家~~~~

其他相要慢慢upload喇，因為有太多野要執，2個人去，4件寄倉行李+2件hand carry返來，真係需要0的時間慢慢執..............

中秋節快樂~

大家中秋節快樂~記得食多0的月餅啊~~~

2012 動漫電玩節

尋日同梁生行左今年既電玩動漫節，其實都預左無咩野行，因為年年都係除左環球，其他都唔多吸引，但尋日去時撞正玉置成實開SHOW，真係好耐無聽GUNDAM SEED主題曲，現場聽真係超正~~~原來咁橋今年都係GUNDAM SEED十週年~~~最後係動漫行左2個鏗，只係係環球買到野，洗左4千幾蚊，但都只係可以拎左下面咁多野咋，因為其他訂左要8月同9月先有............

0的史迪仔卡套送既，但仲差一款...........>.<

今年mimo既主打之一disney play buddies collection，暫時只有呢2款但囡囡仲訂左其他款

又一套好有香港特色既disney系列~

鋼架，已經好難見到....

竹蜻蜓同毽，真係好令人懷念~

搖搖板，正~~~

扶手係米奇同米妮耳~~~

史迪仔雪糕車，棉花糖車同爆谷車趕唔切係動漫出，所以訂左

今年另一主打~同一屋詹下~1:18，比較細，但有齊所有配件+景，點，好似會出返呢個size既公仔添~所以又訂左

萬聖節play buddies，都訂左

中秋節play buddie，亦都訂左，盒月餅有米奇頭家︿

囡囡の結婚式~Pre-wedding篇(2)~

基本上去左一次婚紗展，再經過返屋企搜索資料，囡囡已經決定左一定要join自己好鐘意0個間，但梁生又始終唔係咁鐘意，咪唯有再去睇多之展覽，希望再俾佢比較下啦，所以之後又去多左次九龍灣既婚紗展

九龍灣既婚紗展比會展真係細好多，但都ok多野行，我地都係主要睇去輕井澤既為主，睇左2-3間都唔係好滿意，因為價錢大多貴過Picasso Wedding，而且拍攝手法我地兩個都唔鐘意，所以基本上，梁生已經認同左join Picasso Wedding既pre-wedding~~~可惜九龍灣0個次展覽佢地無擺，所以無得即刻join，唯有等下次啦。我地既然已經去左，所以順路又睇下其他pre-wedding~囡囡其實除左想去日本影之外，仲想去台灣影多一輯，但就無同梁生傾過，因為知佢實唔俾家喇，但見有時間，所以又順便睇下台灣0的package會係咩價錢

行行下囡囡睇中左其中一個攤位係台灣影既櫻花，台灣同日本既櫻花唔同，係比較深色，所以襯婚紗出來0個效果相當唔錯，睇左佢0的sample，覺得台灣影婚紗相真係幾靚，有好多景都好唔錯，最重要係囡囡真係有0的心動想影埋櫻花，而且睇呢間0的sample途中發現左本水晶相簿，又係好吸引(囡囡真係好易比0的可愛同閃既野所吸引到)，所以都有0的心動，聽完仍介紹完之後，聽埋個價，其實唔算貴，但因為從來無同梁生一齊考慮過去台灣影，所以當然唔會話join，結果個sales又係咁free我地好多野，又加衫，搞到我地都唔好意思走，而且囡囡又覺得佢地真係影得好靚，所以開始同梁生傾下影多一輯既可能性，梁生又好就囡囡，話影多輯都ok，因為佢都覺得影得幾靚，但因為佢知囡囡實唔會放棄輕井澤，所以budget最好唔太over，囡囡都覺得影2輯，自然唔想over太多budget，兩個人都好有共識地如果個價可以再減到去我地心目中既價位就join，如果唔得就走，個sale又好似知道我地既顧慮，又再減左個價去到我地心目中既價，所以我地就即刻join左去台灣影多輯pre-wedding，真係有0的預料之外，因為囡囡一心想join日本，結果而家反而join左台灣先~

之後亦都新年前去左Picasso Wedding join左輕井澤既pre-wedding~所以囡囡會影2次pre-wedding，會10月去輕井澤，之後註完冊會去台灣影櫻花~~~另外其實囡囡都密謀緊第3次pre-wedding，但仲係游說緊梁生既階段，成事會同大家匯報~

順便介紹下呢2個pre-wedding既package~

1) Picasso Wedding : 輕井澤全程一整天拍攝，包2套婚紗禮服，全日化妝造型，唔記得35定40張相既相簿同油畫一幅，所有相底全數可以取回

2) 法國巴黎 : 台灣全程一整天拍攝，包6套婚紗禮服，包夜景拍攝，全程化妝師，指定攝影稍，50張相既水間相簿，油畫，手掌型相簿，簽名布

囡囡の結婚式~Pre-wedding篇(1)~

因為已經決定左出年結婚，所以基本上要開始行婚紗展，其實由上年直至而家已經行左3次，大部份都已經決定左~希望係個blog到記返低搞婚禮既點滴~

囡囡第一樣要決定既就係影pre-wedding，基本上梁生係無所謂既，只要囡囡鐘意就ok，咁囡囡最鐘意就係日本，所以即刻已經決定左一定要去日本影，而囡囡亦都好鐘意輕井澤，所以未行展會之前，已經決定左一定要去輕井澤影pre-wedding~但就仲諗緊影櫻花定紅葉好，囡囡2樣都親身見過，比較鐘意櫻花，亦都睇中左其中一間攝影公司既攝影手法，所以上年12月去左第一次婚紗展，諗住行下睇下有咩公司有做日本輕井澤既package~

入到展會，睇左唔少有日本package既公司，但始終鐘意睇中0個間既攝影手法，囡囡睇中0個間公司係Picasso Wedding，一開始睇中佢既攝影手法，亦都上網search過，都有唔少好評，對佢印象好好，所以當然去佢個booth到睇下啦，原來影櫻花一定要4月去，而紅葉就10-11月去，4月囡囡要出trip，未必得，而且睇完0的sample之後，覺得紅葉影出來sharp好多，所以睇完都覺得10月影紅葉好似好0的，但同梁生商量過之後，都覺得行一次就決定有0的倉卒，加上梁生又唔係太鐘意Picasso Wedding既攝影手法，所以都係行下拎0的資料返去再研究下~

好忙的2月

今年既2月真係特別忙，以前2月通常係新年，少好多野做，今年新年遍遍係1月過，結果一係有好多個月都無假期，一係0的假迫係一個月，好唔balance.......而家又要準備開會喇.....>.<

2012年情人節

過左情人節先來出post，又好似慢左少少，無計，呢排都好忙，無咩時間，今年情人節照舊係屋企玩煮飯仔，但今年除左整朱古力俾梁生之外，仲整左心太軟俾佢食~用糖霜灑左個史迪仔係面~

另外都收到禮物，可惜最近無咩玩具特別想要，如果唔係可以叫梁生買多0的

山口式baby milo，之前無諗過想要，但見到實物可以擺好多唔同既可愛pose，所以又忍唔住想要>.<

原本想訂美心0個蛋糕，點知鬼死咁多人訂，一早截左訂，註定同佢無緣，最後買左呢2個，都唔錯~又靚又好食~

真係好yummy，連baby milo都係咁話~

生日禮物~Liz Lisa篇~

生日買福袋，好似已經係第4年既習慣，因為囡囡生日0個日正正就係日本開始賣福袋既日子，之前曾經神早係日本街頭排隊買福袋之後，而家每年都會買Liz Lisa既福袋，因為要將0的福氣袋返屋企嘛~

生日禮物~Arrows Kiss篇~

今年收到最鐘意既禮物一定係呢部Arrows Kiss，因為都想換電話，而且一出，已經睇中左呢部，可惜特別版個價太貴，覺得有0的唔值，相反普通版其實唔係差太多，而且隻粉紅色更靚，所以最後都係揀普通版~

有大事宣佈~

囡囡要結婚喇~~~暫定2013年1月4日，一生一世，囡囡真係覺得好有意思~來近會愈來愈忙，但有一年時間準備，希望可以有一個自己滿意既婚禮，因為始終係一生人一次嘛~

2012年既生日會唔會太過火?

當囡囡今日同所有今年收到既禮物影大合照時，即刻好有罪惡感，皆因今年好似有0的過哂火.......但全部都係囡囡至愛，thank you all my dears~~~

My Birthday Present~

雖然仲有5日先到生日，但囡囡已經收到好多生日禮物，呢堆只係今日收到既一部分，之前一早已經收到另外一批，但相信大家對呢批最有興趣，可惜囡囡今年唔到正日都唔會拆禮物住，大家要等多5日先可以睇喇~~~

Christmas Eve聖誕大餐

囡囡一向都唔鐘意大時大節出街同人迫，所以一到呢0的節日，實係屋企邊度都唔去，呢個christmas亦都係咁，繼續係屋企過聖誕~~~囡囡都準備左唔少野慶祝~~~
日本空運到港既Feliciter樹輪蛋糕~~

真係幾鬆軟，又香綠茶味~

三文魚刺身，買左2磅，結果要2日先食得哂........

安格斯牛扒，係囡囡既至愛，無佢又點算聖誕大餐呢，只係用0的海鹽調味已經超好食~

仲開左支香檳，2個人都食唔哂~

之後仲有多個甜品，Royce既朱古力曲奇，又係日本貨~~~

呢隻曲奇真係超好食，好似只有海港城先買到~