Revoltech 山口式 特撮 翠絲

YAHOO BLOG要摺，真係幾迷茫，話哂都寫左好多年，有好多紀錄係度，又唔知搬唔搬得哂走.......anyway，囡囡都研究緊有咩新blog好，本來都有個心水，但係係日本blog，又驚各位唔識再留言，所以唯有睇下有無其他更好家啦~決定左之後實會話俾大家聽，請放心~~~
距離摺埋唔係得返好多時間，又要搬blog，所以應該唔會再經常update，今日要介紹下之前講過既翠絲，日本出左定價4000yen，精品已經有得訂，$27x，估計到時都會炒得起，所以要買真係趁手~~~

海洋堂 山口式 Revoltech 四葉妹妹 (化妝修正版)

記得之前有人講過想買返之前海洋堂山口式既四葉妹妹，但好多地方都無，而且就算有，亦都炒貴哂，同時，好多blog友都有玩呢隻四葉妹妹，所以今次應該有好消息帶俾大家，來緊8月海洋堂會再出返呢隻四葉妹妹，但今次既版本係化妝修正版，所以係同第一代有少少唔同既，基本上個人覺得個妝無咩唔同到，但就多左一個summer版既表情，而且都多左頂帽同個袋，多左野，個價當然比之前0個隻貴左啦，但最近0的yen趺左，照道理應該唔洗$200可以買到，想買既朋友記得留意住喇~

今次加多左既summer版表情+帽+袋

多左換手添~

Kotobukiya 壽屋 四葉妹妹 Figures + TOMYTEC 1/12 鐵道系列 長排椅

前0個排買左既四葉妹妹，砌好左之後未介紹過，雖然都有唔少朋友已經買左，但始終有好多朋友驚難砌而無買到，咁介紹俾0的未買既朋友睇下啦~

正如大家所知，成個都要自己一手一腳砌好，囡囡有砌開GUNDAM，所以無咩難度，其實跟住說明書一PART一PART砌就OK，半日都可以砌好家喇，至於上色方面，砌完其實唔上色都已經好靚，可以慳返唔上~

專登搵左山口式既四業妹妹一齊比較，個BODY基本上係一樣大，只係壽屋既個頭會大左，另外會有坐腳，所以壽屋既買葉妹妹會坐得接近人既姿勢，個人認為關節位都好過山口式，可以擺更多唔同既姿勢

壽屋四葉妹妹背RE-MENT書包好FIT~

坐學生枱亦毫無難度，同RE-MENT既SIZE超夾

介紹完四葉妹妹，又係時候介紹新玩具，尋日新買既1/12 TOMYTEC鐵道系列既長排椅，日本批發賣1400yen，估唔到來到hk要17x，原本想買埋綠色，但個價比預期貴左，所以都係唔買，只買左橙色來玩

真係同真既無分別，超迫真，而家好期待入閘機，但應該都唔平..........

一排5個位，後面加個廣告牌

個底同背面都跟足實物既detail位家

原盒跟左3張廣告，有印刷同棉被公司同居酒屋，方便你地換你地想要既廣告

囡囡揀左印刷公司既廣告，真係好有日本feel~~~

當然唔少得加0的人入去，等大家知道個比例係點啦，1/12來講，其實最fit真係壽屋既四葉妹妹，山口式只可以咁坐，有0的粗魯，至於mimo0個個1/12 body，其實都好fit，但隻腳好似長左少少，可能大人同細路既分別


始終覺得山口式好似細0的咁......

壽屋既真係同佢好fit~

等車，小心0的，唔好踩出條界，好危險家

Pullip 新line - Yeolume (PODO)

呢2日係咁post Disney set扭蛋，但post極都post唔到，真係嬲死人，所以唯有post左第二0的野先，今次想介紹下Pullip來緊會有一條新line，叫Yeolume，雖然囡囡好耐無玩Pullip，但見到新line都ok吸引，所以要介紹下

Yeolume被設定為Pullip第時個女家

Yeolume既年齡會係10歲

而第一個Yeolume將會係PODO

個樣真係幾可愛，有0的想買......