2010年12月30日 星期四

Mimo 扒房 & Soho 公仔

今日介紹另外2個mimo公仔,今次係扒房同Soho既公仔,呢2個相比其他,其實真係無咁吸引,因為0的食物其實同食玩入面既一樣,但有半價而且可以襯返0的景,咁都ok既~

扒房waiter


2010年12月28日 星期二

Mimo 大孖妹 公仔

之前環球半價,買左好多個mimo公仔來做囡囡0的佈景陪襯,一直都覺得想要入面0的配件多過個公仔,而家半價,咁就真係好鬼死抵~~~當買0的配件囉,今日先介紹其中兩個,大孖妹入面既staff~~

兩個staff最吸引既都係入面0的野食,因為係大孖妹既食玩入面係無既~


最唔開心既聖誕節

好耐無update個blog喇,因為聖誕發生左件事,搞到囡囡好唔開心,所以無哂心情做野..........

成件事都係因為26號囡囡發現唔見左梁生送俾囡囡萬勝節版既Duffy同ShellieMay公仔,對於視玩具如命既囡囡來講,根本無周圍亂放又或者拎左佢出街,之後囡囡亦搵哂全屋,但根本就無,經過同大家討論之後得出既結果,全家只有一個人會拎左,雖然矛頭好明顯,個個都咁認為,但當事人死口唔認,咁囡囡又可以點.........梁生話左會買過對俾囡囡,但囡囡始終好唔開心,有0的野唔係買過就可以當無事發生,囡囡真係無辦法再忍佢家喇!!!!

2010年12月24日 星期五

齋藤 智裕 KAGEROU

呢本小說係第五屆Poplar小說大賞優勝作品~齋藤 智裕既KAGEROU~係日本賣左5日已經加印到第五版,而且已經係日本歷年來最高銷量小說既第三位,真係唔簡易

但其實呢本小說係由一個囡囡好欣賞既演只寫家,佢就係水嶋ヒロ,唔知大家又知唔知佢係邊個呢,今年佢突然宣佈離開演藝界,要從事作家,初初真係有0的打擊,但而家見到佢有咁好既成就,真係替佢開心~~

尋晚睇左10頁,覺得有0的深,希望今個christmas可以睇哂佢啦~~~



2010年12月22日 星期三

一大埋零食

聖誕好快到,緊係要準備好食物開christmas party啦,囡囡一早預備左充足既零食作後盾,保證個個滿載而歸~~~

幾十款零食,總有一款0岩你既



樂天熊仔餅都有成6款唔同既packing~~~有0的仲係限度版來家



Re-ment都準備左幾款送俾大家



係唔係好想食呢?但其實佢地既size細過一個$2..............



囡囡食左2個月零食先至可以整到咁多款零食出來咋........>.<

Duffy既新聖誕裝(有小鹿造型哦)

好快就到聖誕,所以Duffy都換上新裝同大家一齊過聖誕~~~

~merry christmas~


新既Duffy聖誕老人look,都唔錯啊


原來小鹿造型咁襯Duffy家,好cute,一見到好想即刻攬住佢~~~


同場加影bb同Duffy既合照

bb:有隻野痴左埋來喎


bb:你地睇,我係唔係可愛好多先


bb:哼,我唔鐘意佢,唔想同佢玩喎,快0的帶佢走啦



2010年12月21日 星期二

史迪仔菠蘿罐頭

呢個史迪仔罐頭2年前已經出左,但個價錢唔係太值,所以一直都未買,咁0岩上次環球半價,呢款仲有,半價之後都ok,所以又買左返來~~~

開左同隻狗一齊玩,隻狗俾佢嚇死,因為個罐頭入面有隻史迪仔,只要敲個罐頭蓋,史迪仔就會申個頭出來,有時得半個,有時就成個頭,而且每次都會講一句說話,例如我個名叫史迪仔,我好寂寞,但好開心之類,佢仲會有時會訓左,有時唱歌你聽,亦會整郁個罐發脾氣,真係超搞笑~~~



2010年12月20日 星期一

史迪仔超大盞太陽能座地燈

早係2年前已經睇中左呢盞燈,因為自己已經有盞細既,所以想要埋盞大既,但一出時個價成3萬幾yen,太貴喇,所以一直都唔捨得買,一直等佢跌價,終於佢今個聖誕跌價,而且都跌唔少,所以諗左一陣又訂左佢返來~~~初頭都已經知佢大隻家喇,估唔到個箱仲要再0的,剩係運費都唔少野..........但實在太靚同可愛喇,買到心頭好,多多都唔緊要~~~

好大隻史迪仔~~唔同之前0個盞,呢盞有3隻色既燈家,耳仔同個口用紅色,心口用白色,其他全部都用哂藍燈


佢係用太陽能家,叉一日電可以用到6個鐘,有3個唔同閃燈模式


0的手可以舉高舉低家~~~


連個頭都可以郁,可以俾囡囡幫佢擺唔同既pose~~~可塑性好大~~~


來張全家幅先,細0個隻用濕電,始終光過行太陽能0個隻,但2隻放係屋度,真係好有christmas feel~~~


個箱超大,史迪仔先高51cm,但個箱仲要高多10cm.........浪費運費既設計!!!!



2010年12月19日 星期日

美國disneystore史迪仔聖誕水晶球

跟住就係呢隻史迪仔水晶球,之前一早已經知有,原本係一set4個,其中一個係史迪仔,所以有諗過買哂4個返來,因為都唔係貴,但之後見原來一個都唔算貴,所以都係買一個,無謂買多3個自己唔鐘意家啦,而且囡囡間玩具房就快飽和,唔可以再擺咁多野喇...........>.<

細細個,可以掛係聖誕樹上面,但囡囡始終有0的擔心,如果跌左落來就慘喇...........


美國disneystore史迪仔滑浪吊飾

前0個排先話最近買少左好多史迪仔,點知一日時間係返哂度.......出旺角拎隻大史迪仔,點知又買多左2隻返來,真係慘.......好彩2隻都係美國出既,唔算貴野

呢隻吊飾每年聖誕都會出,上年係貓王款,囡囡都有買,今年當然唔例外


呢個造型都幾常見到,來近香港迪士尼既飛天巡遊都係用呢個造型~~~


今個月真係大出血月!!!

事緣昨天去左旺角環球,諗住去訂7-Mimo,點知見到佢全場玩具白色價錢牌既做緊半價清倉,咁咪問下mimo公仔有無半價囉,結果0的sale話無,咁咪訂左7-Mimo就走,點知今日kami打俾囡囡,話今日連mimo公仔都有半價,咁就叫左佢留左3隻俾囡囡~~

頭先出去拎時,先發現原來半價只係做到今日5點,遲多少少囡囡都買唔到半價,結果行下行下,又買左一堆野走............12月真係慘,大出血啊........

結果買左6個mimo,但因為半價,無咁肉痛,而且可以全部放返入去0的場景到用~


2010年12月16日 星期四

煲仔飯 & 煲仔菜 扭蛋

相信呢套煲仔飯扭蛋,好多朋友都已經擁有,因為真係又平又拭玩


但原來最近出左part 2煲仔菜,唔知大家又有無興趣呢?


一樣一set8款,今次好過上次,起碼唔係半滿,而係全滿先啊~~~





史迪仔 手腳郁郁 扭蛋

一套好耐下既史迪仔扭蛋,0的手手腳腳都識郁,分左一半實色一半透明,見到好平,所以買返



2010年12月14日 星期二

SONY粉紅色限量版NEX-3

聖誕真係一個開心既節日,囡囡等左成個月,終於收到今年既聖誕禮物,SONY既粉紅色限量版NEX-3~~~一早之前已經見到日本出,但竟然要成8萬YEN,真係想諗下都唔得,好彩之後香港SONY出,而且亦無加到價,諗都無諗就即刻訂左喇~~


好美的金屬粉紅色,真係一見到就愛上佢


SONY出既野幾時都係咁正,線條好美~~~


真係一部好薄既EVIL



可轉動既LCD螢幕

雙鏡組合,仲有一個鏡餅


加錢換多左SET粉紅配件


全SET都好粉啊,超愛~~~


囡囡家既相機成員,左手面既CASIO專影人既,因為有好正既美肌功能,中間就係新寵NEX-3,最右手面既又係SONY,專影囡囡0的玩具既



一個人用3部相機真係有0的過火,但囡囡繼續貫徹年年換相機既習慣,5年內已經擁有過5部相機,真係有點兒那個........