史迪仔年賀狀software~

尋日行書局諗住買LIZ LISA本catalog，點知又賣哂，結果買左popteen同佢~估唔到會發現史迪仔，一見到諗都唔洗諗就即刻買左，因為今年佢擔正~~

呢本係日本人用來整年賀狀既software，每年一到新年之前0個2-3個月便會出，有超多唔同既款式，以由上年開始，disney亦都加入戰團，出賀年狀既software~就係出左下面呢2本~

當其時既史迪仔只係係米奇0個本入面既其中一part，winnie the pooh卻有成本!!!!但今年就唔同，今年史迪仔踢走winnie the pooh，實行繼續紅到2010年~~

唔好以為只可以用來整年賀狀，因為佢其實係0的相框，可以俾你裝飾0的相，每個框都可以加字又或者唔加，所以實際係相框software，非常實用，最新0個本史迪仔有超多相框，真係睇到囡囡流哂口水~~~

補足一點，這個software所save既圖只可以係有這個software既電腦上先可以開到，所以除左自己屋企有printer既人可以print到之外，係唔可以拎去街print既~奉勸想買既人考慮清楚先，因為仲要睇下你部腦sup唔support到先可以裝到，如果唔係買左返去都用唔到，得個睇字.............>.<詳情可以問囡囡~~~

全球限量300隻HALLOWEEN史迪仔擺設

好似好耐無update過個blog，所以係時候喇~~當然先睇下近掛既新玩意先~~

至愛既史迪仔吸血鬼造型~~

小金好cute~~

原來真係全球限定300隻家~~

跟住係最近買既新野~~

梁先生送我既史迪仔燈籠，超愛，thanks~

盞燈其實係會閃家~~

好難得有齊全家既夾，又點可以唔買呢~

之前已經好想買個蕉盒，但因為無史迪仔，始終唔想買，終於俾囡囡買到，以後每日都可以帶條蕉返工食~~~

最新既史迪仔halloween扭蛋~

之前託個friend幫囡囡係disneyland買既野，有65折，超抵~~

釣魚史迪仔擺設+扭蛋

好可愛既史迪仔，但就厭佢細左少少，如果大返0的就好喇~~~

~part 2 漢堡飽~

甜品史迪仔，好有re-ment feel啊~~

史迪仔十二星座，比起之前既盒蛋，呢套平好多~

史迪仔燈箱

史迪仔啤牌~

至今所擁有既史迪仔扭蛋

由2002開始鐘意史迪仔到而家，不知不覺儲左好多野，記得當初一出時，得好少地方有史迪仔既product買，仲記得最初只係有bossini同mcdonald有佢既product，囡囡都有係bossini買左件史迪仔tee，0個陣時日本都仲未有史迪仔，但其實0個陣時會買都係因為有F4同史迪仔製作特輯既vcd送，所以0個時開始擁有囡囡呢生入面第一件史迪仔既野，件tee仲keep到而家~~之後mcdonald既開心樂園餐又出左成set史迪仔玩具，搞到0個排日日食m記，先換哂成set，仲砌哂成set係地同隻狗一齊玩....而且仲食到有本史迪仔頭毛毛memo簿，間中拎返出來真係幾回味~~

而扭蛋，已經唔記得幾時開始有史迪仔，但最早應該係史迪仔公仔頭同磁石開始有成set史迪仔蛋，當時真係扭左好耐先有成套...............而且0的蛋已經多到display盒唔夠放，又係時候買0的新盒返來喇~~~

之前係香港disneyland同日本disneystore既史迪仔戰利品

之前7月頭去disney搵史迪仔時買既野，唉......成個7月先去得1次，8月要去多幾次先夠數!!!!

好睇得出今季既史迪仔產品好用heart去做，開始見到有0的似日本0的product喇，個鐘鐘襟章係專登忍手先換到家咋.............

呢張poster係之前去書展時disney counter個姐姐送既，都幾靚~~

恨左好耐既星星杯終於有貨喇，一路飲見到0的水係星形既，好正~~

又有新既mini puzzle，超鐘意以星空為主題既product，因為好鐘意星星~~~