2011年3月23日 星期三

Mimo香港美食巡禮

由今個月25號到下個月25號係荃灣廣場會有mimo香港美食巡禮,大家得閒可以去參觀下~~


2011年3月22日 星期二

Re-ment 第八彈 ぷちスーパー

今日介紹既係Re-ment第一set既supermarket~其實都出左唔少supermarket既系列,當中緊係會有0的款會重覆,但自己都好鐘意呢個系列,因為儲多唔同幾set,真係夠哂products砌間supermarket出來~~

呢一set係一套五款的,初頭都覺得少,因為根本唔夠放滿一個雪櫃,但之後就愈出愈多,咩產品都有齊,個雪櫃都豐富哂~~


茶、清潔劑、螢光燈、魚,初頭開左都唔發現螢光燈入面真係有燈管,到後期先知..........但0個pack魚真係勁得,好似~~~


麵包、牛奶、茄汁、火腿、芝士,好鐘意pack麵包,可惜拎唔到出來,支茄汁都好正,因為有packing~~~


咖哩磚、米、薯仔、薄切豬肉、蘋果,0的蔬果仲未做得好好,袋米亦有少少假,但欣賞包豬肉~~~


薄切豬肉、豉油、麵粉、雞蛋、生菜,個生菜好得,盒雞蛋睇落好正,但其實成排痴實左,唔可以逐隻拎出來..............


盒裝紙巾、沙律醬、薯片、杯麵、罐裝咖啡,cup noodle~~~好cute,好想要多幾個啊~~~包薯片真係有野係入面家,正!



2011年3月21日 星期一

Re-ment 第七彈 和食三昧

今次輪到第七彈既和食三昧,由呢set開始,0的比例開始一致,無再大左,可以同其他食玩一齊玩,囡囡本身都好鐘意呢set,因為0的日式料理整得好好,好吸引~

一套十款,款款都好吸引,睇到都好想食~~~


牛肉火鍋,好鐘意個爐同碟牛肉,應該係和牛來掛~~~


雞泡魚刺身,真係透明家,做到好似精盈通透咁~


燒鯛魚同紅豆飯,條魚真係好得,好靚,盒紅豆飯都好少見


天婦羅,個人覺得和食処個天婦羅正0的~

蟹鍋,好正,睇到都想食~


關東煮,應該係最豐富既一款


鮭魚定食,件三文魚扒好正,碗飯都好得


冷麵,有0的普通,但好少見,所以夠哂特別


壽司,麻麻,唔太特出


松茸飯,好好食咁,最鐘意呢個



2011年3月17日 星期四

Re-ment 第六彈 日本縦断 駅弁紀行

最近好懶散,成日都唔想坐係電腦前面update個blog,希望頹廢既心情盡快消散,盡快再投入返0的玩具入面啦................>.<

今日輪到第6彈既車站便當,亦即係日本一0的線路上既出名便當,一套十款,size亦都係偏大左少少,唯一既缺點就係0的野貼實哂,拎唔到出來


北海手綱,只係知0個0的係飛魚子,但其他係咩就真係唔多知喇


かにめし,蟹飯,唔知邊0的係蟹呢,係唔係啡色一條條0個0的?


いかめし,魷魚飯,好特別,真係綏0的飯係條魷魚入面,仲要見到一粒粒添


いちご弁当,いちご應該係士多啤梨,但睇個樣又唔多似,都唔知係咩來...........


牛肉どまんか中,牛肉便當,一睇就知係牛肉,但無咩特別


だるま弁当,達摩便當,其實只係個外型係達摩,但入面係0的咩野來,就真係唔多清楚喇


ひつまぶし,係名古屋既一種用饅魚製既家鄉料理,呢個0的豉油可以拎出來家


ひっばりだこ飯,八爪魚飯,ひっばりだこ亦都有一個意思,即係好多人爭既意思,可能係話呢個飯好食到人人爭住食掛~


栗めし,栗子飯,個盒都係栗子型,好cute,入面除左栗子,亦有好多配料


囡囡呢set少左個,因為又中左特別版,但呢set個特別版唔要都無所謂啦,因為係飯團,無咩特別



2011年3月14日 星期一

Re-ment 第五彈 回転寿司

自從上個星期五日本發生大地震同海嘯之後,囡囡既心情就開始好沉重,除左hk,日本就係囡囡生活得最耐既地方,希望災情唔好繼續惡化,日本可以回報悉日既樣貌

隔左幾日都無update過個blog,今日又開始update下先,今次輪到第五彈既回轉壽司,呢set係一套十款,size亦都係比較大既,但用既質料係同其他唔同家,有種油油地既感覺,所以其實更加似實物


吞拿魚壽司,一睇就知有光澤,所以特別迫真,而且仲有0的油油地既質感


熟蝦壽司,呢個反而差少少,個牙簽筒個比例仲要細左少少


魷魚壽司,一樣好fresh,杯布甸好cute~


玉子壽司,應該係最似,因為0的蛋既質感好似~杯jelly都好可愛~


小鰭壽司,0的魚皮勁似~


赤貝壽司,好新鮮,但杯啤酒又細左


八爪魚壽司,囡囡第二至愛,睇到都想食~


鰻魚壽司,好似好好食,可惜囡囡麻麻地鐘意鰻魚


飛魚子壽司,真係做到粒粒精盈通透,仲要真係睇到入面家


海胆壽司,勁似,表面仲有紋添~