渣打 & My Dream Account"

今朝返工行過渣打，見到原來今期個"My Dream Account"個promote係送飛天巡遊既擺設，可惜3款入面無囡囡至愛既史迪仔，如果唔係都即刻去開返個，但佢個存款額真係愈來愈高，要meet到都真係有0的困難

Re-ment 第三十二彈 居酒屋ぷち呑み

今次輪到第32彈既居酒屋喇，囡囡都幾鐘意呢set，因為一套有十五款咁多，價錢有平，0的食物亦都做好仔細~~~

枝豆同啤酒，居酒屋又點可以缺少呢兩樣野呢，杯啤酒都好唔錯~

最快會來既料理，應該係秋刀魚同蓮藕片?0的秋刀魚好得，仲要每條都分開家~

紅酒同唔知咩野既刺身，都唔知點解居酒屋會有紅酒家

甜酒同沙律?杯酒都ok，但0個碟野真係有0的怪

牛油粟米，好似mimo和民0的野食呁，個榨檸檬器係囡囡既至愛

漬物，囡囡對呢0的食物都係麻麻

梅酒同蛋卷，囡囡其實唔多鐘意食甜既蛋家........>.<

串燒，囡囡最鐘意係居酒屋食雞皮串家喇，因為真係好好食~~~

炸雞，好似有0的九唔搭八，居酒屋食炸雞......

煎飯團同麵豉湯，個飯團真係好迫真，好想食啊~~~

魷魚同清酒，呢碟魷魚比起之前其他，真係差左少少

刺身併盤，正，勁吸引~個開酒器好細，好得意~~~

炒烏冬，呢款都係大熱之一，好好味~

威士忌加冰，店長既私人珍藏來家

飯後煙同甜品，大家必愛既煙、煙灰盅同打火機~~~太可愛，太細緻喇~~~

又一堆絕版史迪仔

0的史迪仔同Re-ment一樣，愈出愈少，仲要而家既都唔多吸引，所以搞到囡囡又搵返0的舊既來買，今次呢兩款又係好罕有，但價錢超平~~~

Find Stitch既玻璃杯，好似當年要係酒店先買得到家

中間緊係Find Stitch字樣，米奇追住史迪仔

後面就有高飛、唐老鴨同米妮

史迪仔既廚師造型真係好可愛~~

之後係2006年Halloween貓貓造型史迪仔，之前一直都差佢，最近低價購入，終於齊哂~~~

好鐘意呢個造型，勁似露拿~~~

Re-ment 第三十一彈 韓国ツアー

好耐無繼續update0的舊款Re-ment，今次輪到第31彈既韓國tour，呢set真係一半鐘意，一半唔鐘意，一套十款，每款都幾多配件下，相比起而家既Re-ment，已經好好多喇

石頭飯同チヂミ，記得之前係日本讀書時，一個韓國朋友教過囡囡整チヂミ，囡囡都好鐘意食呢種韓式薄餅家，碗石頭飯都唔錯啊~~

韓國雜貨，囡囡只係鐘意個櫃仔，因為上面0的花紋真係好靚，反而個公仔有0的可怕.............

韓國泡菜，0個個泡菜都真係整得好似下，仲有一堆菜附送，真係幾抵玩

人參雞湯，囡囡好鐘意隻雞，因為整得真係好似，至於其他0的湯就無咩特別喇

九節板，個盤同個盒都好得，但0的野食就普通左少少，反而0個3塊餅得0的~~

韓國傳統茶，個茶壺都幾特別，成個燉盅咁

街邊小食，張枱同櫈既比例好似細左少少，但支酒都唔錯，一碟係韓式壽司，咁另外一碟又係咩來家?

韓式烤肉，相對於其他烤肉，呢set反而普通，無咩特別，而且0的肉都麻麻

supermarket，最鐘意緊係個辛辣麵啦，其他就無咩特色喇

手信，0的盒入面真係有料，咁已經好唔錯，但可惜囡囡對呢0的手信興趣不大

Revoltech 山口式 特撮 怪獸公司 毛毛 大眼仔

之前放假放左3日，但都無咩update過blog，太懶喇.......今日先有0的時間update下~~~7月第一日已經又走左去買玩具，又買左Revoltech 山口式既figure，因為今次係disney既怪獸公司，有毛毛同大眼仔2隻~~~

已經係囡囡第三隻山口式figure，都幾鐘意呢間出既figure，因為0的關節位真係做得幾好，可以擺到好多唔同既pose~~~

同之前一樣，揭開之後有一版介紹佢地既故仔

毛毛都係有多個樣家~~~

有兩頂帽，戴左好cute~~~

毛毛好可愛~~

大眼仔都唔差，佢地0的眼珠仲要識郁，可以有好多唔同表情

毛毛俾大眼仔嚇親

你地睇佢個樣幾驚~~