生日禮物~Arrows Kiss篇~

今年收到最鐘意既禮物一定係呢部Arrows Kiss，因為都想換電話，而且一出，已經睇中左呢部，可惜特別版個價太貴，覺得有0的唔值，相反普通版其實唔係差太多，而且隻粉紅色更靚，所以最後都係揀普通版~

生日禮物~Duffy & ShellieMay篇~

原本上年都無諗住買呢2套衫，皆因毛冷質地既衫仔，囡囡唔係有太大好感，因為好易起毛粒，但最後都係有人送，始終同佢地有緣啊

鐘意ShellieMay0個套多0的，因為多0的配件，而且件斗篷襯出來都唔錯~Duffy0個件反而有0的普通.....

今次每個隻手都揸住左隻聖誕襪，而且對靴都做得唔錯~

 

生日禮物~史迪仔篇~

今年既生日收到3份史迪仔禮物，相對地係較少，因為最近都出得唔多，但以下呢3份囡囡都好鐘意，thanks~~~
何生送囡囡既史迪仔結婚puzzle，0岩哂囡囡用，其實想要幅0的家，但好可惜1000塊已經係最大，如果有2000塊就好喇.......

史迪仔同angel既婚禮，真係sweet到爆，超鐘意啊~~~

日本抽獎禮物，史迪仔&小金 x bearbrick，呢個係box set H，原本睇中全套DISNEY既，但一套真係太貴，只係要set已經心滿意足喇^^

史迪仔聖誕老人look，好可愛啊~~~

小金既雪鹿look都唔錯啊~

最後係飛天史迪仔，呢個真係好經典，因為出左真係好耐，估唔到仲可以搵到，以前覺得只係一個玩具，無都無所謂，而家拆左，覺得佢都可以當figure擺既

有翼既史迪仔，背脊可以加條線，掛左係天花上面之後，開機，史迪仔就會係天花上面打圈飛家喇~

其實佢個樣都真係幾搞野~

 

有大事宣佈~

囡囡要結婚喇~~~暫定2013年1月4日，一生一世，囡囡真係覺得好有意思~來近會愈來愈忙，但有一年時間準備，希望可以有一個自己滿意既婚禮，因為始終係一生人一次嘛~

2012年既生日會唔會太過火?

當囡囡今日同所有今年收到既禮物影大合照時，即刻好有罪惡感，皆因今年好似有0的過哂火.......但全部都係囡囡至愛，thank you all my dears~~~