1月Re-ment新貨+新成員

捕左幾日，今日終於買到今個月既出既Re-ment喇，真係好似好耐無買Re-ment，希望今晚有時間逐一開哂每盒，聽日可以同大家匯報下呢批Re-ment~

p.s.仲有一個好大既天地無用盒呢，佢係囡囡訂左2個月既家庭新成員，下次介紹埋俾大家識~~~

Mimo 孖妹 Soho (part 1)

生日禮物之一既Soho，擺左咁耐，今時今日先開左盒食玩出來影下相咋，其他咩野都未開，咩野都未砌，太凍真係唔係咁好，搞到個人懶哂，咩野都唔想做，快0的暖返少少就好啦，咁囡囡可以去多幾次迪士尼同Duffy影相，又可以努力0的係屋企玩0的食玩~~~

Duffy & ShellieMay新裝~漁夫褸~

囡囡真係好錫Duffy同ShellieMay家，你睇佢地有又新衫著，而家真係買衫俾佢地多過買俾自己.......唉.......好想要來近情人節0個set侍應衫，有無人想一齊訂情人節0的product?如果有多0的人想一齊買，可以搵到個friend入去disneysea買，價錢around 12算左右，唔知有無人有興趣呢?

今次呢set漁夫褸係Disneysea最新既，其實覺得唔係太抵，因為配件唔算太多，但價錢就一樣.........

但件褸著得Duffy好型仔~~~

ShellieMay件褸係泡泡袖家，好fashionable~

東海堂pink pink賀年食品

前0個排見到東海堂出左一埋賀年食品，0的packing全部都係粉紅色既，一睇到就覺得好靚，好想要，所以最後都係敗左一堆返屋企囉.......

淨係個紙袋已經超靚，抽住佢返屋企既途中，聽到有個男仔都話靚~~~

買左3樣賀年食物

買左盒櫻花型既年糕，有紅豆同柚子味兩種，勁鐘意東海堂既十勝紅豆，因為真係好好食，所以都好期待佢個紅豆年糕，因為時間尚早，所以都係唔拎住，留返接近新年先拎來食~~~

呢盒杏仁條個盒真係勁靚，囡囡真係為左個盒而買佢

入面有3隻唔同味既杏仁條，其實睇樣都覺得應該好好食既~~~

最後就係兔仔年糕，又係好pink既packing，真係唔捨得食左佢

2件兔仔年糕超可愛~~~

賀年食品扭蛋

記得上年都出過set賀年食品扭蛋，但就無買到，今年買左呢set新既，0的糕都唔錯，但如果可以再detail 0的就仲好，始終都係$5扭蛋，其實已經相當唔錯~~

條鯉魚年糕同個年盒都真係幾正

最鐘意個年糕同煎堆，如果個煎堆再細0的就好喇~~~