Birkenstock x Bandai 扭蛋

去完上海返來就收到好多禮物~多謝梁生買左咁多對Birkenstock俾囡囡，囡囡都係鐘意收呢0的多過收真野~~~假既仲好過真既~~~

Birkenstock真係又多款又好著~~~

Davos，毛茸茸，冬天都可以著

Madrid，呢隻都唔錯~~又係pink嘛~~~

Boston~紫色都幾靚喎

Ibiza，鐘意呢隻漆皮粉

Arizona，感覺上呢隻款都幾老下

Gizeh，囡囡最鐘意呢隻款，但白色易污濁啊

一次買左6對，真係有排著~~~

好靚啊~~~

但其實..............係mini版~~~大過個$2少少咋，係唔係幾可亂真呢?

對對都咁真，收到佢地真係比買6對真野俾囡囡更開心~~~

其實係Birkenstock請來日本玩具界殿堂級的製造商Bandai合作，首度推出Birkenstock扭蛋，實行將Birkenstock打入玩具界，變成Cutie潮流精品。凡於指定店舖購買Birkenstock鞋履滿$600，顧客就能隨機抽出Birkenstock x Bandai扭蛋乙個，但街已經有得買，呢set扭蛋仲要係香港限定，其他地方無家，真係好值得買

 

睇下個紙盒一0的都唔馬虎家

囡囡全屋既鞋盒，來返張大合照先~~~Nike、Adidas、New Balance，而家多埋Birkenstock~~

全部都係迷你版，囡囡真係中毒太深喇.........

4日3夜上海之旅~

hi~~everybody~~~終於係上海出差返來喇，尋日落左機之後仲要返公司，tired到而家都仲暈暈地咁，所以而家先update個blog~今次出trip都無咩時間周圍去，因為晚晚都要陪0的日本人食飯，得最後0個晚先有時間出去行街shopping，真係有少少美中不足.......今次係囡囡第二次去上海，比係第一次，已經隔左5-6年，今次發現上海最大既轉變係，而家講日文多過普通話，出親去都聽到身邊既人係講日文既，囡囡今次亦都係講日文多過普通話，真係意想不到>.<
講返今次個trip，今次係去參加上海MEDTEC，先介紹下囡囡公司個Booth先~呢個就係今次囡囡公司個Booth，繼續成為全場焦點，好多人來影我地個booth家~

human body，今次最吸引既展品

其他展品

頸0個兩晚都要做PR，陪班日本人一齊食飯，完全無哂自己私人時間，到最後一晚先可以出去周圍行，所以叭可以去好少地方，第一站，去左城隍廟

原來夜晚既城隍廟好正，之前0個次係朝早去既，根本睇唔到呢個景，夜晚去真係靚到唔識形容

之後去左食南翔饅頭店既小籠包，來得上海，又點可以錯過小籠包呢~~~

蟹黃白玉卷，好好食，入面有以豆腐為主，外脆內軟，好正

蟹黃灌湯包，0的湯超鮮味，超好飲~~~好想飲多個~~~

招牌蟹黃小籠包當然唔可以錯過啦，真係好有蟹味，皮薄餡靚，可以見到入面0的湯家~~~~

之後就去左南京東路，之前都來過，無咩轉變，來都係為左買媽咪一直都想要既金華火腿咋~~~~

只用左2個鐘買返來既手信，女人，真係天生購物狂

今次個trip最衰時間唔夠，所以去唔到外灘同新天地，真係有0的遺憾...........>.<

上海公幹之旅 6/9-9/9

聽日開始囡囡會飛上海出trip4日，所以暫時唔會update個blog住~~~返來先至update下今次旅程既事~~~

另外來緊其實每個月都會飛一次，所以真係幾忙下>.<

利佳 中秋月餅 扭蛋

呢set扭蛋同蒸飯差唔多時間出，但最近先有時間買來玩，真係好似比上年0個set大左少少，但以$5來講，係抵玩之選~~

0的鐵罐真係製作精美~

CJ food 韓式煎餃

最近囡囡沉迷左係一款韓國製既餃子，囡囡覺得好好食，所以介紹俾大家~~

呢個韓國牌子叫CJ food，最近係美食節出現，原本囡囡0個日去搵呢隻薄餅煎餃，點知見到另外仲有隻粉絲煎餃，所以又買來試~~~

解凍之後煎5分鐘就食得，真係快靚正

先講薄餅煎餃，真係同食緊pizza無分別，入面超多芝士，可以食到0的芝士拉出來既效果，鐘意芝士同pizza既朋友真係唔可以錯過~~~
至於粉絲煎餃煎完就好似春卷咁，入面真係有0的幾粗既粉絲，韓式風味好重，但勝在夠特別，同我地平時食既餃子唔一樣，所以都好值得一試~~~

另外好似仲有2種味，下次要買埋佢來試~~~