正當囡囡猶豫緊今年去唔去動漫節時，就收到環球今年會係動漫節推出既product，雖然囡囡知道實唔會有現貨賣住，但睇完真係好有沖動入去睇下實物先~~~
Mimo x G.E.M.，之前一早收到風會出，但個人對G.E.M.無興趣，而且價錢一0的都唔平，要$2XX，其實只係對個結他有興趣..............
之後呢個，大家都一定有興趣，睇到時已經即刻眼前一亮，因為環球會出點心車，呢4架必買，唔理幾貴都會買~~~因為實在太鐘意喇~~~~但點解佢唔出煎腸粉車而出灼菜車呢，呢4架入面，囡囡至愛腸粉車~~~
最後，佢竟然出Circle M，係咁同落去，只係個架唔同左色同個鋪都唔同左，但其他野分別好似不大，到時真係要睇下實物先知0的食物有無唔同到.........
嘩~囡囡~我最鍾意架灼菜車~
回覆刪除如果佢係煎蘿蔔糕更正~
不過唔知貴唔貴~
我諗都要成千蚊~
[版主回覆07/28/2011 12:44:00]我估唔洗成千蚊掛，我覺得應該$2XX一架左右，4架一齊買，應該around$6XX-$7XX左右，應該同佢0的車仔檔差唔多價錢 而家佢出埋點心車，我諗住買埋茶樓，咁full set應該成2千蚊.........又要大出血............>.<
嘩, 舊年出7仔, 今年出K仔.....唔知內邊D嘢有無新嘢?
回覆刪除[版主回覆07/28/2011 18:19:00]聽聞無新野，真係好似只係logo唔同左
你會去會場嗎?? 唔知茶樓出咗未呢?? 如果 om 便利店有嘉x 面包.. 小牛蛋.. o 寧檬卷等等都會買..
回覆刪除[版主回覆07/28/2011 22:33:00]唔去喇，我頭先已經買左點心車喇，佢地話0岩0岩返左貨，正常係動漫節之後先會賣，但返左貨，又無講明唔賣得，所以我頭先買左喇~~~我仲訂左茶樓，佢地話呢2日應該有，最遲都唔會遲過下個星期 至於動漫節，blog友小妹問左，佢地話大致都係呢d，只係有d散裝摺枱賣，其他都係咩特別，我最想要既又買左喇，所以唔去喇 circle m頭先都見已經有得賣，同7仔0的食物一模一樣，真係只係0的色同logo唔同左，所以可以唔洗買，但個sale話個檔口有呢套開始會轉做膠，來近都會變膠，應該穩陣0的
其實環球出過煎腸粉車架
回覆刪除[版主回覆07/28/2011 23:33:00]係啊，但好耐之前，而家已經買唔到，希望佢遲0的食住個勢會再出埋煎腸粉車
煎腸粉車買左喇, 而家佢出埋灼菜車......諗緊買唔買好...
回覆刪除SET點心車貴唔貴?
[版主回覆07/29/2011 12:28:00]你就好啦，我而家都好想買返煎腸粉車，SET點心車4架就$800，一架就$248，都唔算太貴既
嘩,~~點心車好正呀,我最鐘意灼菜車~同意你講呀,如果出埋煎腸粉車仲好~
回覆刪除[版主回覆07/29/2011 12:29:00]4架都好正，灼茶車都真係好得，我覺得佢遲0的都應該會出返煎腸粉車
出完7仔又出circle m 好似有d騙錢感覺，不過點心車個四個就好正，唔知要賣幾多錢呢，有d想買呢！
回覆刪除[版主回覆07/29/2011 12:31:00]係囉，CIRCLE M0的野如果唔同7仔都可能會考慮買，但既然一樣，就真係無可能再買，只可以吸引到0的未買既人有2個選擇 點心車4架$800，一架就$248，唔算太貴，其實同車仔檔差唔多
我都有d興趣喎。
回覆刪除[版主回覆07/29/2011 12:38:00]全部都已經有得賣，係得MIMO X G.E.M一定要係動漫節先優先發售，點心車同CIRCLE M我尋日都已經見到有
circle M 咪姐係711啲野，搵笨～ 啲點心車幾吸引喎！
回覆刪除[版主回覆08/04/2011 15:30:00]無錯，所以絕對唔會買~~點心車真係幾正，可以考慮下哦~
OK店 只是 店舖外框, 收銀機不同, 零食架有些是深色
回覆刪除還是7-11比較好
[版主回覆08/04/2011 15:31:00]睇你自己鐘意邊間多0的啦，其實我鐘意去ok買野多0的，但買左7仔先，所以唔會再買一模一樣既野
OK 的新膠框是黑色, 不美
回覆刪除我最近才開始買mimo, 發現7-11加價了很多, 如果我去年開始買, 就便宜點了 >o<
零食飲品架 $700 三個 (去年 $600)
凍櫃 $328 一個 $800 三個 (去年 $288 一個, $700 三個)
設備系列 $600 選 $328 及 $368 各一個 (去年是 $288 及 $328, $500 選2套)
[版主回覆08/05/2011 16:28:00]係啊，我都係前排收到風7仔加左價，我估都同而家0的通賑有關