2011年3月8日 星期二

3DS 新LOOK

黑色既3DS一向都唔係囡囡會揀既顏色,但又唔想之後買粉紅色變左兩截色,所以最都係揀左黑色,但就算係黑色,囡囡都有辦法將佢變得靚靚~~~

細心打扮後既3DS~



其實係金屬粉,但因為有色差,所以變左淺粉,實物亦都閃好多,因為貼左好多水鑽落去,呢個design買之前既諗好左,如果唔係黑色底,就做唔到而家既效果家喇~

2011年3月7日 星期一

Re-ment 第四彈 中華街

星期六日都係屋企掛住玩3DS,所以無咩點影過相,所以趁住休息既時候影左第四彈既中華街,呢套都算係經典,因為係Re-ment出既唯一一套中國菜,雖然有0的未必係最似,但有0的都好唔錯

一套十款,中華街


北京片皮鴨,個頭其實真係差0的,但個身整得好似


中國茶+煎堆,套茶具係唔錯,但0的杯好似大左少少,個煎堆都差少少


杏仁豆腐,都ok,仲要有隻熊貓公仔,都幾cute啊~


乾燒蝦仁,認真麻麻,只係見到蝦形,感覺有0的怪怪既


開邊蟹,2隻蟹都做得好迫真,但碗蟹粉(?)就真係完全唔似


紅燒翅,0的翅其實好似家,但加左個汁係面,即刻差好遠


炒飯,最鐘意呢個,起碼睇到0的飯一粒粒~~~


燒賣小龍包,另一至愛,尤其係籠燒賣,幾可亂真!


紹興酒同春卷,春卷都好迫真~


中式果子,月餅麻麻,最鐘意個壽包,個肉包都唔錯~



2011年3月5日 星期六

Nintendo 3DS

囡囡除左係Sony既忠實fan之外,亦都係Nintendo既忠實fan,由gameboy開始,Nintendo每次出新機,囡囡都會買,今次都唔例外,但今次係梁生買俾囡囡既,真係好多謝佢,雖然一開始話唔鐘意佢呢2隻色,想等佢出白色or粉紅色先買,但知道左佢之後出咩色都好,裡面都會係黑色既,咁就覺得不如買全黑好過喇,因為唔想有2截色,而且囡囡有信心可以將黑色既3DS變得可愛~~

0岩0岩試機既時候已經感受到唔需要用眼鏡都睇到3D效果既威力,真係好勁同好靚,而家要沈迷下係レイトン教授既3D版解迷遊戲先喇,遲0的再報告下佢其他特點~~~



Mimo 孖妹驚蟄打小人公仔

聽日3月6日,亦即係打小人既"驚蟄",唔知大家會唔會去鵝頸橋打小人呢?囡囡就係網上發現左環球出左個打小人公仔喇,唔知大家會唔會有興趣買返個呢?





2011年3月4日 星期五

Re-ment 第三彈 街のデザート屋さん

第三彈既街頭甜品屋,係囡囡幾欣賞既一套,因為囡囡最鐘意食甜品,見到0的蛋糕同雪糕就最開心家喇~而且呢set既質素都好好,尤其係個蛋糕,囡囡記得自己散買多一個,但唔知去左邊呢.......

呢set開始就已經係一套10款喇~~~


アイスクリーム,囡囡至愛既雪糕,個軟雪糕真係好迫真,好想食啊~


ケーキ,應該係囡囡歷年來最鐘意既Re-ment蛋糕,好多士多啤梨,最接近現實既一款~


モンブラン,栗子蛋糕,如果0的栗子高少少,應該仲靚,另外大家覺唔覺得好似期既飲品做得好0的呢?


アップルパイ,蘋果批,個玻璃罩好重手下,感覺上grand0的~


パフェ,芭菲,囡囡另一至發,呢個睇落真係好好食~~


たいやき,鯛魚燒,0的魚紋唔夠深,如果深0的會更好


ホットケーキ,hot cake,日本既hot cake係最好食既,0的糖漿效果好好~


あんみつ,餡蜜,一種用蜜豆整成既甜品,都應該幾好食


ドーナツ,冬甩,係hk而家已經好少見到喇


宇治金時,刨冰,囡囡呢個係士多啤梨特別版,所以無左個綠茶版,遲0的真係要搵返個綠茶版返來,但特別版都唔錯啊,因為係粉紅色既~~~