囡囡除左係Sony既忠實fan之外，亦都係Nintendo既忠實fan，由gameboy開始，Nintendo每次出新機，囡囡都會買，今次都唔例外，但今次係梁生買俾囡囡既，真係好多謝佢，雖然一開始話唔鐘意佢呢2隻色，想等佢出白色or粉紅色先買，但知道左佢之後出咩色都好，裡面都會係黑色既，咁就覺得不如買全黑好過喇，因為唔想有2截色，而且囡囡有信心可以將黑色既3DS變得可愛~~
0岩0岩試機既時候已經感受到唔需要用眼鏡都睇到3D效果既威力，真係好勁同好靚，而家要沈迷下係レイトン教授既3D版解迷遊戲先喇，遲0的再報告下佢其他特點~~~
0岩0岩試機既時候已經感受到唔需要用眼鏡都睇到3D效果既威力，真係好勁同好靚，而家要沈迷下係レイトン教授既3D版解迷遊戲先喇，遲0的再報告下佢其他特點~~~
我男朋友都考慮緊買唔買好，不過我叫佢諗係先..佢玩幾次就唔會玩..貪新鮮 個3d效果勁唔勁啊？
回覆刪除[版主回覆03/07/2011 11:43:00]3d效果真係勁得，搞到我尋日玩左成日添，真係幾好玩，唯一既缺點係0的3d版既game太貴喇.......>.<
我都好想買, 不過好貴呢.... 加上唔識日文, 唔知點玩個 game....
回覆刪除[版主回覆03/07/2011 11:46:00]而家其實無咁貴，係一出時先貴，而家個價同日本賣既一樣~~~我買左呢隻日文game因為之前已經好鐘意玩呢隻解迷遊戲，而且可以俾自己溫下日文，但其實如果以0的迷語來講，都有好多就算你唔識睇都知佢問咩，而且仲有好多game其實唔識日文都可以玩到家
我都好中意玩呢個雷頓教授解迷遊戲架,幾集都玩過晒 唔錯~
回覆刪除好想睇下3ds個立體效果係點
[版主回覆03/08/2011 15:19:00]我又未至於咁迷吒隻game，只係暫時出左0個10隻game，我覺得呢隻最0岩我玩先買0者
雷頓教授入面咪間中有一0的動畫既，呢0的動6變左3d版，好似睇緊戲咁，好正~
係呀, 我以前要玩漢化版既佢, 好好玩呢~~~ 我仲諗緊買唔買 :) 我聽講而家大概係2700 唔連 game... 之前好似唔連 game 都話要3200.
回覆刪除[版主回覆03/08/2011 17:00:00]唔洗，我買$2380，部機同日本定價差唔多，係隻GAME有少少貴，要四百幾，玩左咁耐都好好玩，而家解左60條問題左右，但我估呢60條入面可能有15條先真係唔識日文而完全唔知佢問咩，好多都係考圖既問題，所以唔識日文都知佢想點
而且入面0的動畫變哂3D版，真係好似睇緊戲咁，感覺好正，仲有今次個故事都幾吸引，講返雷頓教授細個既野，仲有堀北真希配音，搞到我覺得好似睇緊日劇咁添~
囡囡你好呀, 我真係忍唔住都買左啦... hehe, 係喎, 冇當初咁貴, 我今日問2350, 不過個 game 就要450, 但係佢本身個幾個 games 都好好玩呀 XD 開心開心呢！ :)
回覆刪除[版主回覆03/09/2011 14:22:00]恭喜哂，呢部機真係物有所值，應該玩一段時間都唔會悶
你如果玩到唔識或者唔明既地方問我，我應該可以幫到你，另外如果你有解唔到既迷，我係日本網站已經搵到所有答案，我可以send條link俾你~~
好厲害呀~~~ 我尋日玩左一陣都仲OK, 可能睇圖都解決到, 不過如果真係有尐係文字上既可能我就要問你了 :D
回覆刪除謝謝你呀~~~
[版主回覆03/09/2011 16:22:00]好啊，你唔明就問我啦~
或者俾個故事大綱你，等你有0的概念，玩既時候起碼知道大約係咩
雷頓教授收到一個老朋友既信，希望佢可以去佢地個城市幫佢地，因為有一個假面紳士出現，係佢地個城市展現左好多奇蹟，好似將人變成馬同石頭之類，而係調查期間，原來呢個面具同雷頓教授大學時代有關，當中亦涉及佢一位好朋友既死
暫時我就玩左三分之一左右，呢個大綱係我玩到而家知道既野，希望可以幫到你啦~
好強呀, 尋日有一條女女搵亞媽, 我撞, 撞左3次先中... 因為我唔識睇日文呀~~~
回覆刪除[版主回覆03/10/2011 12:10:00]好強啊，已經玩得咁快?而家我每日都係解3-4個迷題之後就無時間玩，所以慢左，要星期六日先有時間再玩
你除左玩雷頓教授之外，有無玩開逆轉裁判?我見任天堂個網介紹來緊會有一隻3D game，係雷頓教授同逆轉裁判crossover，2個主角一齊係同一個世界入面破案家，我都有玩開逆轉裁判，所以對呢隻game特別期待
好快咩? 我印象中係第三條題目嚟架喎, 唔通我 miss 左好多~~?? 囧
回覆刪除我有玩呀, 不過之前都係玩中文版..... 如果係日文我又唔識玩啦~~
[版主回覆03/10/2011 13:22:00]因為之前一開始好似好多動畫，所以感覺上好似玩左好多咁
係呀 囡囡, 你可唔可以 send 個條 link 比我, 起碼我見到日文題目可以知道答案~~ :D 麻煩你呀~~
回覆刪除可以 send 去 sasacafe@gmail.com 嘛. 謝謝~~
[版主回覆03/11/2011 18:15:00]已經send左俾你，你睇下收唔收到~