日本11月1日新出既NDSI

日本11月1日又推出新既NDSI喇，新既NDSI比舊既NDSL薄左少少，輕左少少，個屏幕大左0的，同多左個30萬像素既相機，比NDSL貴左2000YEN，而家囡囡個心心大心細咁，究竟買唔買好呢.........囡囡其實已經想換粉紅色好耐家喇，但而家出新既，就緊係想買新家啦，囡囡而家個部就係日本一出時係日本買既，已經用左4年啦，事隔4年，囡囡又係日本遇多次NDS出新機，囡囡同NDS真係幾有緣，究竟買唔買好啊，囡囡好煩啊，大家俾0的意見啊~~~

最近買既史迪仔~~~

因為就快HALLOWEEN，所以最近見到既史迪仔都係HALLOWEEN版既，囡囡又忍唔到手買左2樣HALLOWEEN版既史迪仔喇，呢2個都係日本7-11出家，由上年開始日本既7-11係HALLOWEEN都會出一SET史迪仔精品，以抽獎形式出售，所以就算見到鐘意既都未必買到，仲要靠自己既運氣..............

呢個係史迪仔燈燈，同DISNEYSTORE出0個個好襯哦~~~

但囡囡比較鐘意這對變色瓷杯，因為倒0的凍野飲入去，佢會變色啊~~~

右面就係變色後既樣~~~

DISNEYSTORE新出既NDS水鑽殼，超閃啊~~~

呢個係牛牛去完箱根買返來俾囡囡家，多謝哂~~~~

江之島和鎌倉之旅(同場加影史迪仔曬駱駝)

今日去江之島和鎌倉，江之島囡囡都係第一次去，原來只係係鎌倉隔離，非常之近，好彩今日天氣好好，陽光普照，可以充分感受到江之島既陽光與海灘~~

呢個就係江之島喇，原來仲細過南Y島，囡囡用左3個鐘就行哂全個島喇

呢兩個係江之島最出名既相夫饅頭，好好甜家，因為成個都係用紅豆餡做家，其實日本0的饅頭既餡都係紅豆，咁都無咩分別0者............

江之島既龍宮啊，好有氣勢啊~~~

呢0的係江之島最出名既海產-----白飯魚~~~超好味啊~~~~

之後囡囡就去左鎌倉，囡囡已經第二次去喇，所以感覺都係差唔多，只係一個出名廟宇既地方而已，但就帶俾囡囡好多既回憶，一個已經兩年既回憶..........

呢個史迪仔曬駱駝上次囡囡來時已經知道會出，搵左好耐終於搵到喇，好得意同好靚靚，囡囡唔捨得開來食啊.......

橫濱之旅

今日終於有機會去橫濱喇，橫濱，一個囡囡一直都好想去既地方，上次因為唔夠時間，所以無去到，今次終於有機會來喇，真係一個充滿左海洋氣息既地方~~~囡囡既第一站就係Bayside outlet~~~

Bayside outlet個outlook好有外國feel，囡囡有種去左澳洲既感覺啊~~~雖然裡面有好多野都有半價，但囡囡一向對衫呢0的野無咩興趣，囡囡只對史迪仔有興趣~~~lunch囡囡又食左至愛既pepper lunch喇，呢間0的牛扒囡囡真係超鐘意食家~~~~每一次都覺得好好食，食極都唔厭~~~

橫濱真係一個被海包圍既地方，一路行一路吹住海風，真係好舒服~~橫濱擁有日本最大既摩天輛，另外0個兩個就係台場，但囡囡今次就無上到去

呢隻係日本丸，係專登係陸地上掘過湖仔放佢入去俾人參觀家~~~

呢個展望台係全橫濱最高家，係日本真係好少見.................

呢度係紅倉庫，係唔係好有歐陸feel呢~~~

中華街，一條專賣中國食物既街，一年365日都有月餅、珍珠奶茶、大包、饅頭...........賣，但0的價錢費到你唔會食囉.........囡囡仲見到有龍蝦食，但唔係上湯or芝士焗，而係茄汁既........

日本都有天后廟同關帝廟家~~~

0的饅頭係熊貓樣同豬仔樣家，真係唔捨得食左佢落肚.......

仲有囡囡至憎食既叉燒，要成650yen先得100g，真係貴啊，好彩囡囡唔食既0者

牛牛的生日晚餐~和牛放題

今日係牛牛既生日，所以囡囡同佢去左歌舞技町食和牛放題，呢間係LEO介紹家，好容易就搵到~~~我地去到時只係得我地一枱人，可能時間尚早啦~~~

先上既係前菜，有好好味既芽菜同菜仔，仲有囡囡唔食既泡菜同沙律

之後既就係肉喇，首先係豬肉，0的豬肉超肥，燒既時候係咁出油家........仲有雞肉，當然唔少得牛肉啦~~~

仲有一碟好好食既薄餅添，當所有既野都來哂時，已經擺滿成枱，我地得兩個女仔，仲要全部都係肉來，根本食唔哂..........食完之後真係飽到極點............