日本最新既ＨＡＬＬＯＷＥＥＮ版史迪仔

好累好累，今天真的好累，因為上學都成１：３０先放學，返到屋企放低０的野後，又即刻同個同學去左上野行街，去到上野已經２：３０，仲要未食過野，唔知點解突然記起ＬＥＯ話有間任食既烤肉店係附近，於是就去搵，誤打誤撞俾囡囡搵到，但成５：００先有烤肉食，而家只有ＳＨＩＹＡＢＵ　ＳＨＩＹＡＢＵ食，咁反正都來左，咁就好離奇地兩個人係下午時間食起ＳＨＩＹＡＢＵ　ＳＨＩＹＡＢＵ來喇，ＳＨＩＹＡＢＵ　ＳＨＩＹＡＢＵ即係日本既火鍋，不同既係佢唔會放好多水落去，好似食一個煲仔菜咁，囡囡都係第一次食家咋，仲要係下午茶時間，真係有０的怪怪的

呢度仲有自助雪糕機，呢杯就係囡囡自己整既，係唔係都算ＯＫ呢？有無ＰＯＴＥＮＴＩＡＬ係Ｍ記做？

今日行上野真係買左好多野，原本只係來買超平又超好味而且多款式既零食返去，但結果就買左一大堆史迪仔同零食。。。。無計啦，０的新既史迪仔實在太吸引喇，唯有捨棄囡囡隻大大史迪仔毛公仔，買佢地先啦～～～

咁就先介紹今年既史迪仔ＨＡＬＬＯＷＥＥＮ零食先啦～～

呢個係史迪仔ＣＯＯＫＩＥＳ，一睇就知囡囡係俾佢地外表吸引到家啦，而下面既就係朱古力棒棒，一樣非常可愛～～～

呢對之前搵左好耐，而家終於買返喇～～～

呢對係新版既麵包版公仔，今次多左ＡＮＧＥＬ同小金，但小金就無買到，因為佢無呢個ＳＩＺＥ，只有好細既。。。。。

之後就係今年ＨＡＬＬＯＷＥＥＮ版既史迪仔喇，呢個係上鍊既車仔來家～～～

最新既ＨＡＬＬＯＷＥＥＮ版夜光貼啊，金光閃閃家～～

史迪仔頭水晶燈，囡囡記得好像曾經出過，但囡囡無就緊係要買家啦，佢會不停轉色家，真係幾有ＨＡＬＬＯＷＥＥＮ　ＦＥＥＬ～～～

最後既特別推介，大大史迪仔頭，你地估下佢係咩來既？提示係ＨＡＬＬＯＷＥＥＮ必備家

Ｉ

Ｉ

Ｉ

Ｉ

Ｉ

Ｉ

Ｉ

Ｉ

呢個真係唔知點形容，其實佢是一個聲控既軟膠來家，只要有人大聲經過或者有人掂下佢，佢就會係到大笑同上下咁ＭＯＶＥ，行過既人都會俾佢嚇到，囡囡當然亦係其中一個啦。。。。。。。

送多排日本新出口味既三角朱古力俾你地，好想食，但而家仲好飽。。。。

聽日放假，囡囡會一早去築地食魚生，之後去池袋ＳＯＧＯ同ＳＵＮＳＨＩＮＥ　ＣＩＴＹ既ＤＩＳＮＥＹＳＴＯＲＥ，將最新既史迪仔介紹俾大家，請密切留意哦～～