囡囡和史迪仔的日本生活

不知不覺已經來左日本4日了，呢幾日都忙住去搞外國人登錄証啊、保險啊、學校註冊0個0的野同最重要既事------認路，屋企附近0的路真係幾難認，第一日返學已經行錯左，好彩而家已經記住左，而家囡囡好厲害，屋企附近0的路已經知道哂點行最快，新宿、大久保、東中野、中野，呢幾個地方已經摸熟哂，成日係呢幾個站之間行來行去都唔會迷路~~~~

但除左呢幾個地方，就真係好似無去過其他喇，但唔緊要啦，反正其他既地方兩年前都已經去過哂，之後再慢慢去都唔緊要啦~~~囡囡前日去左原宿出左新既電話，係SOFTBANK既920SC，原本都想揀其他粉紅色既電話家，但囡囡又好似已經有好多部，又唔知返到香港可唔可以解鎖，所以最後先揀左呢部，因為就算我唔用，都可以俾人用，如果買粉紅色既話就無人肯用喇，而且呢部機有成500萬像素既相機，OUTLOOK又OK，價錢又平，真係幾正~~~

而家日本有好多史迪仔啊，DISNEYSTORE都出左好多新貸，暫時只係有時間行左新宿0個間，但0個間咩野都無，真係要快0的放假時去第二間，但囡囡都買左少少史迪仔既~~~

DISNEYSTORE最近都出唔少電話座，呢個囡囡之前就已經好鐘意，加上買左新電話，緊係要買間屋俾佢啦~~~~

呢兩個史迪仔膠盒係囡囡無意中發現既，好可愛，係用來整日本既焦糖布甸家，而且價錢超平，只係300YEN左右~~~~

等我順便介紹下來緊日本會出既史迪仔啦~~~以下幾款都係DISNEYSTORE出既冬季史迪仔，囡囡已經係DISNEYSTORE見到有得買，網站都有喇~~~

呢兩個就要係DISNEYLAND入面先有，囡囡月底會去搵佢地返來家喇~~~

以下呢3款就係出面0的鋪頭出既，都幾特別既

日本既7-11令年HALLOWEEN都會推出一堆史迪仔產品，今年亦出左一套史迪仔袋蛋，但好似同之前0個SET無咩分別，但就用小金蛋裝住，都幾特別，但囡囡應該唔會買喇

呢堆產品就好想要，呢0的有0的似抽獎咁，俾500YEN抽一次，抽唔抽得中真係要靠運氣喇，最想要史迪仔燈同鐘，因為真係幾靚，但運氣呢樣野囡囡真係無咩，所以囡囡都係係YAHOO!JAPAN BID返來好過喇~~~